Trump-pólitík

Sigur Trump í kosningunum 2024 er stærri á pólitískan mælikvarða en sigurinn 2016. Fyrir átta árum var Trump nýmæli. Þjóðin sem kaus hann til forseta í gær mátti vita að hverju hún gekk, að því marki sem hægt er að vita raunverulegt innihald stjórnmálamanns.

Trump jók fylgi sitt meðal minnihlutahópa. Þeldökkir kusu hann í meira mæli en áður sem og rómanskir. Ungir kjósendur, einkum karlar, studdu Trump til endurkjörs umfram það sem þeir gerðu 2016 og 2020.

Eftir niðurlægjandi brotthvarf úr Hvíta húsinu i skugga óeirða i byrjun janúar 2021 voru pólitískir dagar Trump taldir. Repúblikanaflokkurinn vildi þvo hendur sínar af manni sem gat ekki tekið ósigri. Réttvísin átti ýmislegt vantalað við fyrrum forseta, þótt sá þáttur hafi verið knúinn pólitískri hefnigirni.

Þjóðhyggja, skikkanleg landamæri og efnahagsmál voru áherslumál í kosningabaráttunni. Hliðarþemu voru vælustjórnmál (vók), alþjóðahyggja og stríðsrekstur erlendis.

Bandarísk stjórnmál hafa víðtæk alþjóðleg áhrif. Sá þáttur er aftur síaður í staðbundnum aðstæðum. Eins og mun koma á daginn hér á Fróni. 

 

 

 

Segist hafa skráð nafn sitt á spjöld sögunnar

Athugasemdir

[Guðmundur Örn Ragnarsson, 6.11.2024 kl. 11:18]

Ég óska heimsbyggðinni til hamingju. Þriðji kosningasigur Doalds Trump er í höfn. Í þetta sinn tókst Djúpríkinu ekki að ná af honum sigrinum með svikum.

[Hörður Þormar, 6.11.2024 kl. 11:47]

Kosningar verða í Þýskalandi í síðasta lagi í september á næsta ári. Þá kemur væntanlega til valda stjórn undir forystu kristilegra demókrata (CDU,CSU) og Friedrich Merz sem kanslara. Friedrich Merz er fjármálamaður og hefur stundað mikil viðskipti við Bandaríkin. Hann er líklegastur allra evrópskra stjórnmálaleiðtoga til þess ná góðum tengslum við Donald Trump.