Fíkill, RSK-miðlar og saksóknari

Jóhannes uppljóstrari Stefánsson er fíkill, segir nýlega í fyrirsögn dagblaðs í Namibíu. Á Íslandi er í fimm ár rekið sakamál er byggir einvörðungu á framburði fíkils. RSK-miðlar (RÚV, Stundin og Kjarninn) bjuggu málið í hendur héraðssaksóknara með Kveiksþætti um Namibíumálið 12. nóvember 2019.

Einn blaðamanna RSK-miðla, Ingi Freyr Vilhjálmsson, átti bróðir í embætti héraðssaksóknara, Finn Þór Vilhjálmsson. Finnur Þór fór fyrir Namibíurannsókninni þangað til í fyrra að hann flæmdist frá embætti héraðssaksóknara og fékk stöðu dómara við héraðsdóm Reykjavíkur. Þar héldu hörmungarnar áfram. Landsréttur dæmdi að Finnur Þór gerði alla dómara héraðsdóms vanhæfa í Namibíumálinu. Bróðir hans, Ingi Freyr, er meðal sakborninga í byrlunar- og símamálinu.

Viðtengd frétt fjallar um baráttu Örnu McClure, eins sakborninga í Namibíumálinu, til að fá afléttri réttarstöðu sinni. Að liggja undir grun um glæp er íþyngjandi, eins og sakborningarnir sex úr röðum blaðamanna í byrlunar- og símamálinu hafa reglulega minnt á. Byrlunar- og símamálið er þriggja ára. Namibíumálið er fimm ára.

Án blaðamanna RSK-miðla hefði aldrei orðið neitt Namibíumál. Jóhannes fíkill var rekinn frá Samherja árið 2016. Í Namibíu skildi hann eftir sviðna jörð. Það er háttur fíkla, bæði i starfi og einkalífi. Hann gekk á milli íslenskra fjölmiðla og reyndi að selja þá sögu að Samherji hefði greitt mútur í Namibíu. Enginn vildi neitt að hafa með Fíkla-Jóa. Nema RSK-miðar, með Helga Seljan sem oddamann. Með falsi og spillingu var embætti héraðssaksóknara virkjað í þágu siðlausra blaðamanna sem skálduðu ásakanir í samvinnu við eiturlyfjasjúkling. 

Starfsferill helstu hvatamanna Namibíu- og byrlunar og símamála segir nokkra sögu. Finnur Þór hrökklaðist frá héraðssaksóknara, Þóra Arnórsdóttir ritstjóri Kveiks var selflutt af Glæpaleiti á Landsvirkjun, Þórður Snær ritstjóri Kjarnans/Heimildarinnar leitaði á náðir Samfylkingar, Rakel Þorbergsdóttir fréttastjóri hvarf úr starfi og nú síðast er úttaugaður Helgi Seljan kominn á götuna. Jói uppljóstari heldur til í útlöndum, þó ekki Namibíu.

Tvær ríkisstofnanir eru miðlægar í Namibíumálinu, embætti héraðssaksóknara og RÚV. Undanfari málsins kennt við Afríkuríkið er seðlabankamál. Þar brugguðu launráð Seðlabanki Íslands og RÚV.

Ríkisfjölmiðillinn er miðstöð upplýsingaóreiðu sem misnotar fíkla og andlega veika til að koma á framfæri falsfréttum.

Vilja skoða tölvu Jóhannesar

Athugasemdir

[Örn Ingólfsson, 26.10.2024 kl. 04:44]

Séra Páll.Gæti verið einhver sannleikur sem þú veist ekki um? Kokgleyprir þú öllu sem þér er sagt frá? Er kannski vildarvinur þinn HHS í háskólanum að mata þig á lygasögum? Hver veit Páll, því ofstækið þitt í ýmsum málum er komið út í öfgar því miður. Ég er vinnandi miðjumaður, og sit ekki við tölvuna alla daga til að setja mínar skoðanir á netið! Ert þú ekki vinnandi eins og flestallir Íslensku þrælarnir? Kannski ekki,en ertu keyptur í þínu ofstæki gagnvart ýmsum málum stjórnmála séð! Og annað láttu Löggjafann sjá um hitt og þetta, Palli vinur þinn? getur séð um sig sjálfur vonandi án einhverrar hjálpar frá þér.

Bara ábending!

Örninn