Mánudagur, 12. ágúst 2024
Vísindin verja ekki konur
Konur hafa XX litninga en karlar XY. Til skamms tíma var þetta almenn viðurkennd staðreynd. Gullverðlaunahafi í hnefaleikum kvenna, Imane Khelif, er karl en ekki kona. Khelif er með XY litninga.
Stundum er þannig tekið til orða að vísindin segja. Átt er við að tiltekin þekking sé hafin yfir vafa. Það felur tvennt í sér. Í fyrsta lagi að allur þorri þeirra sem stunda vísindi sé sammála um þetta eða hitt atriðið. Í öðru lagi að almenningur taki þekkinguna góða og gilda, treysti að vísindin séu heiðarleg.
Litningapróf munu tiltölulega einföld vísindi, sem ekki ætti að valda deilum. En nú er það gert með þeim árangri að vísindalega staðfestur karl hreppir gullverðlaun í kvennaflokki hnefaleika.
Hvernig gat það gerst? Jú, Imane Khelif segist vera kona og keppti í kvennaflokki á grunni þeirrar yfirlýsingar. Nóg er að karl segist kona og hókus pókus hann er orðinn kona, samkvæmt transfræðum sem hafa spillt vísindum. Yfirlýsing breytir ekki erfðaefni lífvera. Smávaxinn getur ekki lýst sig hávaxinn og bætt þannig við sig sentímetrum. Raunheimur er eitt, ímyndun annað. Hér áður voru vísindi eitt og skáldskapur annað.
Ef vísindin stæðu styrkum fótum yrði mótmælt, bæði af hálfu þeirra sem starfa innan vísindanna en einnig þeim sem láta sér annt um að þekking sé tekin fram yfir sérvisku. En það er við ramman reip að draga.
Einn þekktasti líffræðingur samtímans, Richard Dawkins, gerði málið að umtalsefni á Facebook. Reikningi líffræðingsins var óðara lokað. Einn stærsti samfélagsmiðillinn er transvæddur, leyfir ekki andóf gegn pólitískum rétttrúnaði.
Vísindi sem ekki treysta sér til að aðgreina karl frá konu eru ekki hótinu betri en hver önnur sérviska.
![]() |
Ég er kona og ég keppi sem kona |
Tilkynna um óviðeigandi tengingu við frétt |
Athugasemdir
"sérviska" eða vísundur.
Helga Kristjánsdóttir, 12.8.2024 kl. 22:39
Helga Kristjáns, nú verð ég að gleðjast og brosa, þegar þú notar orðið vísundur. Ég hélt nefnilega að afi minn hefði fundið það upp, hann Jón, sá mikli viðgerðarsnillingur.
Þannig var að þegar ég útskýrði fyrir honum samsæriskenningar eða eitthvað háspekilegt sem hann skildi ekki, þá sagði hann oft:"Þú er nú meiri vísundurinn!"
Mér fannst það skemmtilegt, en hann var að meina að þetta væri mitt á milli vísinda og samsæriskenninga!
Skemmtilegt nýyrði og gaman að heyra það frá fleirum en honum.
Ingólfur Sigurðsson, 13.8.2024 kl. 00:45
Hæ Ingólfur minn,þetta er skemmtilegt verðum að kíkja í ættarbók (man ekki heitið) gá hvort við rekumst ekki á skildleika. Ég hef gaman að taka þátt í spjalli eins og núna,en þá hringdi síminn og ég gleymdi öllu,nema að segja frá að ég fékk ákúrur fyrir að gefa máfum,sem mér var sagt að væru hér á sumrin en færu heim til suður Englands á haustin. Mási ,sem ég kalla gæludýr fór með nammið sem ég gaf honum niður á næstu húsþök og gekk óþrifalega um,enda ekki í bandi eins og gæludýin sem koma við á gangstétt minni og skilja oft eftir sig kúkalinginn sinn sem eigandinn gleymir að tína í poka. Svona er lífið!!
Helga Kristjánsdóttir, 13.8.2024 kl. 17:59
Bæta við athugasemd [Innskráning]
Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.