Macron, Blair og transheimska

Vinstrimenn vilja leyfa frjálsa kynskráningu, karl fyrir hádegi en kona síðdegis, hneykslast Macron Frakklandsforseti. Handan Ermasunds tekur Tony Blair fyrrum forsætisráðherra til máls og hvetur til skynsemi. Konur hafa sköp en karlar lim.

Samflokksmenn Blair í Verkamannaflokknum eiga margir erfitt með að skilgreina hvað kyn er, eins og rekið er í Telegraph. Nú þegar formaðurinn fyrrum leggur spilin á borið og segir æxlunarfærin útkljá málið verður kannski ögn einfaldara að segja upphátt hlutlægar staðreyndir.

Kyn er ekki hugarfar heldur líffræðileg staðreynd. Þegar transheimskunni léttir munu menn klóra sér í kollinum og undrast að sjáanlegar og mælanlegar grunnstaðreyndir náttúrunnar skuli um tíma verið vafa undirorpnar. Kyn spendýra ráðast af litningum.

Kvenkyn fæðast með XX-litninga en karlkyn með XY-litninga. Við fæðingu sést hvort er hvað. Í tilfelli manna hvort það sé telpa eða drengur. Aðrir möguleikar eru ímyndun, ekki einu sinni með flugufót í hlutveruleikanum. Láti kona græða á sig lim eða karl skeri undan sér breytir það engu um kyn viðkomandi. Karl sem þykist kona getur krafið kvensjúkdómalækni um legskoðun en það finnst ekkert móðurlíf. Líkamlegar staðreyndir tegundarinnar eru öllum skýrar sem að vilja hyggja. Vandamálið er sálrænt og menningarlegt.

Transheimskan fær útbreiðslu á tíma samfélagsmiðla. Efnislegur veruleiki, þaulprófaður frá örófi alda, varð um tíma að feimnismáli eftir að fámennur hópur sérvitringa taldi sig ofsóttan af heilbrigðri skynsemi og fékk með sér samúðarbylgju á samfélagsmiðlum. Nýju fötin keisarans voru að kyn sé huglægt. En sérhver með hálfa hugsun eða meira veit að hún kynlaus. Hugsun er óefnisleg. Kyn er aftur efnisleg og áþreifanleg staðreynd. Tilfinningar s.s. ást, afbrýði og gleði eru af sömu ástæðu kynlausar.

Hugsun og tilfinningar eiga uppsprettu í skrokki sem frá fæðingu er annað tveggja kvenkyns eða karlkyns. Líkamanum fylgir engin nauðhyggja, að kona eigi að hugsa á þennan veg en karl á hinn veginn. Hugsun er valfrjáls, sumir verða hugfangnir af vitleysu. 

Einstaklingur sem segist af röngu kyni lýsir ómöguleika. Hann gæti allt eins lýst yfir að vera ekki spendýr. Hugur ræður hvorki kyni né tegund.  

 

 

Macron sakaður um transfóbíu

Athugasemdir

[Dominus Sanctus., 20.6.2024 kl. 09:17]

Er ekki bara komin þörf fyrir KRISTILEGAN FLOKK á alþingi

sem að hefur heilbrigða skoðun á þessum málum:

https://contact.blog.is/blog/vonin/category/11/

Fyrst að fólkið á alþingi er svona heimskt, eins og þú orðar það?

https://www.althingi.is/lagas/nuna/2019080.html

[Helga Kristjánsdóttir, 20.6.2024 kl. 16:18]

Hugfangnir af vitleysu - ekki smá misskilningi.Fyrir öld beiddi kýr á bæ og bónd treysti 10 ára syni sínum til að fara með gripinn að bæ þar sem hreppsnautið var haldið.Húsfreyjan þar býsnaðist og skellti  sér "hvesrlags er þetta gat ekki pabbi þinn gert þetta? "Nei það þarf naut" svaraði stráksi.

[Ingólfur Sigurðsson, 20.6.2024 kl. 17:57]

Dr. Helgi Pjeturss, sem endurskilgreindi ísöldina og gerði betri rannsóknir en fyrirrennarar hans, þó á stuttum tíma, hann hélt því fram að sérhver einasta manneskja væri ekki bara hún sjálf heldur aðrir sem hafa áhrif á mann, og þá jafnt úti í geimi eins og hér á jörðinni! Hann var snillingur, með smá vandamál andlega, eins og flestir snillingar, hann fór einu sinni yfirum og þurfti hvíldarinnlögn á Kleppi, en honum datt aldrei í hug að hann væri kona.

Snillingar eru oft smá klikkaðir.

En samkvæmt kenningum hans verður maður alltaf annar maður þegar maður sofnar og mann dreymir. Svo algengt kvað hann það vera að fá í sig sál eða vitund annars. Hann sagði að draumgjafinn væri í langflestum tilfellum íbúi annarrar jarðstjörnu, vakandi.

Þar af leiðandi taldi hann að langflest tilfelli af geðveiki mætti lækna með svokölluðum stilliáhrifum, með því að setja fólk í meðferð og segja því sannleikann, en oft þyrfti langvinna meðferð, skiljanlega, ef andinn væri mjög fastur í fólki, hinn rangi andi, "fast samband" eins og hann kallaði það. Á hans tíð var það ein algengasta geðveikin að fólk taldi sig Napóleon Bónaparte eða Júlíus Sesar. Það sagði hann vegna stilliáhrifa. Þá voru geðveikrahælin troðfull af fólki sem taldi sig mikilmenni fyrri tíðar.

Ég tel að kenningar hans séu réttar. Það er því hætt við því að vitlaus "andi" sé í sumu fólki. Ekki kann ég hvernig hægt er að breyta þessu, en hann taldi það hægt, að raunveruleikaskynið þyrfti bara að hrökkva í lag.

Samkvæmt hans kenningum er það mörgum eðlislægt að vera viðkvæmir fyrir utanaðkomandi áhrifum, fá í sig ranga sál.

Hans sagði að ný öld myndi hefjast í sállækningum og andlegum lækningum þegar kenningar hans yrðu viðurkenndar.

Mér virðist það augljóst að hér er á ferðinni kenning sem útskýrir allt, og gerir þetta skiljanlegt.

En ef fólk er hamingjusamt þegar það hefur farið í lyfjameðferðir og skurðaðgerðir, þá er kannski réttast að sætta sig við það og taka því eins og það er orðið.

Það er þetta með fræðsluna, að skilja þetta fyrirbæri. Tel að þar sé kannski pottur brotinn ennþá.