Pútín býður frið, Bjarni segðu já, takk

Friðartilboð Pútín Rússlandsforseta er sanngjarnt. Austurhéruð Úkraínu, að mestu byggð rússneskumælandi fólki, fari undir Rússland og Úkraína gangi ekki í Nató. Selenskí forseti Úkraínu svarar tilboðinu með því að líkja Pútín við Hitler. Vesturlönd standa þétt að baki Úkraínuforseta.

Gömul tugga er að fyrsta fórnarlamb stríðs sé sannleikurinn. Í tilfelli Úkraínustríðsins glataðist sannleikurinn löngu áður en átök brutust út. Rússland var í samfelldri vörn frá lokum kalda stríðsins. Margvísleg innanmein hrjáðu Rússa eftir að kommúnisminn gaf upp öndina. Rússar sýndu engin merki um að viðhalda forræði sínu yfir málefnum Austur-Evrópuríkja. Enn síður stóðu þeir gráir fyrir járnum og hótuðu innrás í Vestur-Evrópu, líkt og á tímum Sovétríkjanna.

Kommúnismi var altæk og alþjóðleg hugmyndafræði og hættuleg sem slík. Eftir fall járntjaldsins bjóða Rússar ekki upp á hugmyndafræði til útflutnings. Þeir báðu aftur um að öryggishagsmunir rússneska ríkisins yrðu virtir og Natóð færði ekki út kvíarnar.

Vesturlönd, þ.e Bandaríkin og Nató-samstarfið, létu allar óskir Rússa sem vind um eyru þjóta. Tilfallandi skrifaði nýlega:

Á leiðtogafundi Nató í Búkarest árið 2008, já, fyrir 16 árum, var tilkynnt að Georgíu og Úkraínu yrði brátt boðin aðild að hernaðarbandalaginu. Í framhaldi varð eitt smástríð, í Georgíu, og annað langvinnt í Úkraínu.

Ástæða átakanna er að Rússum þótti þjóðaröryggi sínu ógnað með væntanlegri inngöngu tveggja ríkja, Úkraínu sérstaklega, í hernaðarbandalag sér óvinveitt. Frá landamærum Úkraínu er dagleið á skriðdreka til Moskvu.

Menn geta sagt margt um Nató, að það sé friðarbandalag, saumaklúbbur eða bólverk vestrænnar menningar. En ekki er hægt að álykta annað um rússneskt þjóðaröryggi en að það sé Rússa sjálfra að meta það. Eftir að Sovétríkin fóru á öskuhaug sögunnar fyrir 35 árum stóð eftir Rússland, ásamt smærri lýðveldum. Bandaríkin og ESB, með Nató sem verkfæri, færðu út kvíarnar, juku áhrif sín, á fyrrum áhrifasvæði Sovétríkjanna/Rússlands í Austur-Evrópu.

Fyrst um sinn, á tíunda áratug síðustu aldar, létu Rússar sér næga að æmta. Eftir aldamót varð tóninn alvarlegri. Rússar myndu ekki láta yfir sig ganga að Nató-her sæti öll vesturlandamæri ríkisins.

Innrás Rússa er komin á þriðja ár. Héruðin sem friðartillaga Pútín gerir ráð fyrir að verði rússnesk eru að stórum hluta komin undir hervald þeirra. Engin teikn eru um að stjórn Selenskí í Kænugarði nái vopnum sínum. Sjálfur er Selenskí umboðslaus, kjörtímabil hans í forsetaembætti rann út í maí. Úkraínu er stjórnað með tilskipunum. Landinu er haldið á floti efnahagslega og hernaðarlega með vestrænum framlögum. 

Bjarni Benediktsson forsætisráðherra fer á ráðstefnu í Sviss, segir í viðtengdri frétt, að ræða framhald Úkraínustríðsins. Tillaga Bjarna á fundinum ætti að vera að hringja í Pútín og ræða frið.

 

Hafnar tilboði Pútíns og líkir honum við Hitler

Athugasemdir

[Jónatan Karlsson, 15.6.2024 kl. 11:27]

Þessi stutta skilgreining þín er auðvitað hárrétt og ætti að vera öllum augljós, en vandamálið er annars eðlis.

Er það ekki makalaust skrýtið, að stór hluti Íslendinga séu skyndilega orðnir svarnir óvinir Rússa og trúi því fullum fetum að þeir séu hræðileg ógn og aðeins spurning um tíma hvenær þeir láti til skarar skríða gegn okkur og þessum svokölluðu vinaþjóðum okkar.

Minnugir, eða bara fullorðnir vita að flestar þessar þjóðir eru alls engir vinir eins og dæmin sanna allt frá vopnuðu hernámi til landhelgisbrota og hryðjuverkalaga gegn okkur, en öðru máli gegnir þegar að Rússum kemur, því þeir hafa nefnilega ætíð reynst vinir og þeir íslensku stjórnmálamenn sem halda öðru fram eru að mínu mati óupplýstir kjánar, eða bara spilltir.

[Ragnhildur Kolka, 15.6.2024 kl. 12:58]

ZeroHedge.com fjalla um útþenslu NATO og gefur 2 mismunandi tímalínur. 

NATO Expansion: A New Detailed Timeline

 Ønnur, ideologisk (við erum góðu gæjarnir) , fengin frá Terry nokkrum Cowan og hin fra Glenn Diesen sem vitnar í umræðuna og hver sagði hvað á hvaða tíma. Lengst af vöruðu menn við að brjóta samkomulag Bush eldri og Gorbachev, um óbreytta stöðu eftir fall Sovét. En Haukarnir höfðu sitt fram að endingu og Clinton hleypti þem að jötunni. Síðan hefur útþenslustefna verið ríkjandi og aðildarríkjum fjölgað úr 16 í 32.

[Theódór Norðkvist, 15.6.2024 kl. 14:09]

All I want is peace

[Theódór Norðkvist, 15.6.2024 kl. 14:23]

Ætlaði að senda Youtube tengil (innfallinn - embedded), en það tókst ekki.Læt duga að segja að flestir einræðisherrar vilja frið, ef sá friður er háður því skilyrði að það sé látið undan frekjunni í þeim sjálfum að öllu leyti og hvert einasta ríki í kringum þá leysi upp heri sína á sama tíma og þeir sjálfir (einræðisherrarnir) eru með nógu stóran her til að tortíma öllu lífi á jörðinni tíu sinnum. Sá her er auðvitað engin ógnun við friðinn, hvernig dettur nokkrum lifandi manni það í hug?

[Ragnhildur Kolka, 15.6.2024 kl. 15:21]

Ég tek undir með þér Theódór. Okkur stendur ógn af einræðisherrum NATO sem héldu áfram að belgjast út þegar Varsjábandalagið var lagt niður. 

[Ingólfur Sigurðsson, 15.6.2024 kl. 17:37]

Theodór, Hitler hafði ekki kjarnorkuvopn til að eyða heiminum tíu sinnum og heldur ekki Stalín. Það er einn einræðisherra með kjarnorku, Pútín, og þá finnst brjáluðum Vesturlandabúum rétt að reita hann til reiði og upphefja 3. heimsstyrjöldina með sem mestum stuðningi við Úkraínu og ögrun.

Auk þess; Bandaríkin eitt stærsta kjarnorkuveldið, ekki einræðisríki, Frakkland, Ísrael, Pakistan, Indland. 5 ríki, kjarnorkuveldi, ekki einræðisríki. 

Einræðisríki með kjarnorku, eða öllu frekar ríki sem ekki eru (100%) vinveitt Vesturlöndum: Kína, Rússland, Norður Kórea. Þrjú svonefnd einræðisríki kjarnorkuveldi. Að kalla þessi lönd einræðisríki er samt einföldun. Aðeins Norður Kórea gegnir að fullu þeirri skilgreiningu. Pútín hefur næstum alla sína stjórnartíð reynt að sinna mannréttindum heimafyrir, upp að vissu marki.

Sem sé, fleiri ríki sem Vesturlönd telja með sér og ekki einræðisríki eru kjarnorkuveldi.

Vesturlönd eru 100% sek um að byrja Úkraínustríðið. Gerður var vestrænn sáttmáli við Úkraínu 1997 sem innihélt allskonar samstarf, og njósnastarf með.

Frá falli Sovétríkjanna hefur Úkraína alltaf verið einn veikasti punkturinn í varnarlínu Rússlands gagnvart vestrænum áhrifum. Settu þig í Rússa spor. Þeir geta ekki verið ánægðir með það.

Barack Obama, Hunter Biden, sá dæmdi maður, og fleiri af demókrötum Bandaríkjanna áttu þátt í leppríkjasambandinu við Úkraínu, frá 2014 að minnsta kosti, ef ekki fyrr.

Fólk sem hefur ekki vit á að semja frið við Rússa og leyfa þeim að vera með frekju, sem ekki ógnar öllum jarðarbúum, það býður uppá það að farast í kjarnorkustríði, og það á við okkur öll, sem rísum ekki upp og sturtum vestrænum arðræningjum úr sessi eins og Bjarna Ben, VG, Framsókn, og hitt allt.

Móðursýkin útaf Hitler hefur breyzt í 100% geðveiki, því Hitler sigraði stríðið andlega, í andlega heiminum, það var hin rétta framtíð heimsins. 

Við lifum í helvíti, því röng framtíð var valin með sigri bandamanna, Churchills og hinna skíthælanna og djöflanna.

[Helga Kristjánsdóttir, 15.6.2024 kl. 19:15]

Sjáiði gamla geit snúast til varnar meinlausum vini -(utan í vörn,1945) og nota barnaleg rök; 
eins og Rússar hafa alltaf verið okur vinveittir,keyptu af okkur fisk og munaði um það,tak og bless.

[Helga Kristjánsdóttir, 15.6.2024 kl. 19:19]

      lEIÐRÐETTIST - OKKUR VINVEITTIR 

[Guðmundur Örn Ragnarsson, 15.6.2024 kl. 20:09]

Ísland og Vesturlönd hafa á undanförnum árum verið að falla frá trúnni á Jesú Krist. Þannig að hin Kristnu gildi hverfa nú hvert á fætur öðru úr vitund Vestur-Evrópubúa og Bandaríkjamanna.

Alþingi Íslendinga hefur t.d. á undanförnum árum verið að samþykkja fjöld laga í andstöðu við Kristinn boðskap, sem öll löggjöf byggðist áður á.

Fyrir 35 áum féllu Sovétríkin og guðleysisstefna Kommúnismans beið þá skipbrot. Rússar hafa gert iðrun og síðan hefur Kristinndómurinn og hin Kristnu gildi verið endurnýjuð í Rússlandi.

Vladimir Pútín heldur því réttilega fram að nú sé Rússland hinn kristni hluti Evrópu, sem haldi í heiðri Kristinum gildum og fylgi Friðarhöfðingjanum Jesú Kristi, en Vestrið sé í fráfalli.

Pútín réttir nú fram Rússneska friðarhönd.

Fyrir hönd Íslands, Bjarni, taktu í þessa hönd friðar, kristnu þjóðarinnar.

[Hörður Þormar, 15.6.2024 kl. 21:29]

Guðmundur Örn Ragnarsson, heldur vildi ég nú evrópskt guðleysi heldur en pútínska "Kristni".

En eftir á að hyggja, þá mætti segja að heimsstyrjöldin síðari væri ekki Adolf Hitler að kenna, heldur þvermóðsku Pólverja og flumbrugangi Chamberlains sem sagði Þjóðverjum stríð á hendur 3. sept. 1939. Hitler hafði boðið Pólverjum upp á "sanngjarna" skilmála með "Tólf punktum" sínum (eða voru þeir sextán?). Þar stakk Hitler m.a. upp á atkvæðagreiðslu íbúa "Pólska hliðsins" um það hvort þeir vildu tilheyra Póllandi eða Þýskalandi. Þessu tilboði höfnuðu Pólverjar algerlega.

Sumarið 1940 bauð Hitler Bretum upp á friðarsamninga sem Churchill hafnaði í hroka sínum, hann gat ekki hugsað sér að Breska heimsveldið gæfist upp fyrir "lélegum húsamálara".

Var Hitler ekki bara "jafn friðelskandi" maður og Pútín?

[Jónatan Karlsson, 16.6.2024 kl. 01:43]

Mér sýndist blessunarlega Ragnhildur hafa leitt Hörð frá villu síns vegar, en það var því miður tálsýn - heyrist mér nú.

Trúleysi og afneitun góðra gilda virðist ætla að tortíma vestrænni menningu og það bókstaflega í orðsins fyllstu merkingu.

[Jósef Smári Ásmundsson, 16.6.2024 kl. 09:23]

Meira bullið í þér. Þetta er einungis tilraun Pútíns til að bjarga andlitinu. Alltaf þegar hann minnist á friðarsamninga eða hótar kjarnorkustríði þá veit hann að hann er að tapa stríðinu . Það sjá allir.