Ættarmót Palestínuaraba á Íslandi

Palestínuarabi á Íslandi átti íslenska eiginkonu. Þau eru skilin. Palestínuarabinn er með umsókn hjá Útlendingastofnun um fjölskyldusameiningu. Hann á móður á lífi í Gasa og 12 systkini, segi og skrifa tólf, og vill þau öll til Íslands.

Ekki liggur fyrir hve mörg systkina Palestínuarabans eiga maka og börn. Ef þau eiga öll maka er fjöldinn kominn upp í 24 einstaklinga. Palestínuarabar í Gasa eru eitt frjósamasta samfélag í heimi, samkvæmt alþjóðlegri tölfræði.

Hver kona í Gasa á að jafnaði 3,5 börn. Ef við notum þá tölu á systkini Palestínuarabans hér á landi, og gefum okkur að þau séu öll með fjölskyldu, fáum við 42 börn.

Reikningsdæmið lítur þá svona út. Einn Palestínumaður kemur til Íslands vill í nafni fjölskyldusameiningar fá 67 skyldmenni hingað til lands.

Dæmið hér að ofan er ekki einstakt. Tilfallandi hefur áður fjallað um Palestínuaraba á Íslandi sem vildi fá hingað 21 ættmenni.

Ættarmót Palestínuaraba eru í boði vinstriflokkanna. Samfylking, Vinstri grænir, Píratar og Viðreisn standa vörð um sjálftekt útlendinga á íslenskri velferð. 

Samkvæmt tölfræði Útlendingastofnunar eru Palestínuarabar þriðji stærsti hópurinn sem sækir um hælisvist á Íslandi. Íslenskir meðhjálparar sjá til þess að aröbum fjölgar stöðugt. 

Það sjá allir í hendi sér að haldi fram sem horfir verður Ísland-Palestína ekki nafn á samtökum heldur þjóðríki.

Getum ekki tekið við nema um 500

Athugasemdir

[Grímur Kjartansson, 23.2.2024 kl. 08:31]

og það er engin stefnubreyting á Alþingi um að verja með kjafti og klóm áframhaldandi innfluttning

Umræðu frestað: „Kunnuglegt stef“ (mbl.is)

[Sigurður I B Guðmundsson, 23.2.2024 kl. 09:09]

Múslimar ætla að taka yfir í sem flestum löndum en ekki endilega í stríði heldur miklu frekar með fólksfjölgun. Koma sem flestum inn í lönd og fjölgva sér sem mest. 

[Tómas Ibsen Halldórsson, 24.2.2024 kl. 00:10]

Væri ekki ráð að þeir einstaklingar og þingmenn þar með taldir sem vilja opin landamæri fyrir "flóttafólk" sjái um uppihald fyrir "flóttamennina", húsnæði, fæði, klæði og að kenna þeim íslensku og það á þeirra eigin kostnað???

Við hin viljum að skattpeningar okkar fari í aðrar nauðsynjar, en fjöldi íslenskra ríkisborgara, fólk sem er fætt hér og uppalið, á um sárt að binda og þarf nauðsynlega á hjálp okkar að halda.

[Guðbjörn Guðbjörnsson, 25.2.2024 kl. 09:44]

Skv. www.island.is þá gilda eftirfarandi reglur um ellilífeyri útlendinga, t.a.m. flóttamanna. Maður hefur nefnilega velt fyrir sér af hverju svona margir afar og margar ömmur koma með þessum fjölskyldum. Ef ég man rétt þá voru það Þorsteinn Sæmundsson, þá þingmaður Framsóknar, og Pétur heitinn Blöndal, sem tryggðu fólki sem aldrei borgaði í kerfin þennan rausnarlega stuðning:

Erlendir ríkisborgarar

Ef þú ert erlendur ríkisborgari þarftu að hafa ótímabundið dvalarleyfi hér á landi eða rétt til ótímabundinnar dvalar.

Við sérstakar aðstæður er heimilt að veita undanþágu frá ótímabundnu dvalarleyfi ef erlendur ríkisborgari er með tímabundið dvalarleyfi sem getur verið grundvöllur ótímabundins dvalarleyfis. Gerð er krafa um búsetu og lögheimili hér á landi í tvö ár í slíkum tilfellum.

Ef þú ert EES- eða EFTA-borgari þarftu að hafa lögheimili hér á landi í samfelld fimm ár.

Fjárhæðir

Hámarks viðbótarstuðningur getur verið 299.874 krónur á mánuði.

Viðbótarstuðningur við aldraða getur mest numið 90% af ellilífeyri og 90% af heimilisuppbót. Ef umsækjandi er einhleypur, býr einn og er einn um heimilisrekstur er hægt að sækja um heimilisuppbót.

Hámarks viðbótarstuðningur með heimilisuppbót getur verið 375.650 krónur á mánuði.