Drap AstraZeneca Íslending?

Bóluefni frá AstraZeneca var það fyrsta gegn COVID-19. Bóluefnið er breskt en fór víða um heim, m.a. til Íslands. Tveim mánuðum eftir fyrstu bólusetningar vaknaði sterkur grunur að ekki væri allt með felldu. Ýmsar þjóðir hættu notkun bólefnisins. Á Íslandi var haldið áfram að bólusetja með AstraZenca.

Dómstóll í Bretlandi slær föstu að bóluefni AstraZeneca sé gallað og hafi valdið ótímabærum dauða vegna heilablóðfalls og missi útlima. Ástæðan er að bóluefnið eykur líkur á blóðtappa. Auk óafturkræfra afleiðinga, dauða og limlestinga, veldur bóluefnið í sumum tilvikum sjaldgæfum taugasjúkdómum. Vitað er um 81 dauðsfall í Bretlandi. Mörg hundruð manns líða fyrir alvarlegar aukaverkanir.

Bólusetningar með AstraZeneca hófust í janúar 2021. ,,Rúmum tveim mánuðum síðar hættu sumar stórþjóðir í Evrópu að nota AstraZeneca," segir í frétt Telegraph. Litla Ísland bólusetti áfram. Tilfallandi fékk sprautað í sig AstraZeneca í apríl 2021 og aftur í júlí sama ár. Allt samkvæmt hvatningu yfirvalda og ,,vísindalegri þekkingu" að sagt var. Umfjöllun Telegraph sýnir svart á hvítu að vísindin voru ekki aðalmálið heldur gróði, völd og pólitískur metnaður. Gallaða bóluefnið átti aldrei að fara í umferð.

Upplýsingar um gallað bóluefni sem notað var lengur en efni stóðu til vekur margvíslegar efasemdir um hvernig staðið var að bólusetningu við COVID-19. Tilfallandi hefur hingað til fylgt meginstraumslínunni, að yfirvöld gerðu sitt besta við krefjandi aðstæður. En kannski er það svo að blind trú á meint vísindi leiddu menn til aðgerða sem betur hefði ekki verið ráðist í.

Vonandi er svarið nei við spurningunni í fyrirsögn. Vonandi varð enginn Íslendingur fyrir heilsutjóni af gölluðu bóluefni. Þriðja vonin er að yfirvöld heilbrigðismála fari yfir atburðarásina 2021 og útskýri hvers vegna AstraZeneca var notað áfram á Íslandi þegar Evrópuþjóðir hættu að nota bóluefnið í mars 2021.

 

 

Athugasemdir

[Ragnhildur Kolka, 10.11.2023 kl. 11:33]

Jæja, ég er nú samt enn sprellifandi.

[Gunnar Rögnvaldsson, 10.11.2023 kl. 12:03]

Ég líka Ragnhildur.

Það stendur einnig í fréttinni þarna á Telegraph að talið sé að AstraZeneca bóluefnið hafi bjargað lífi 6 milljón manna. Og á Wikipedia stendur að 2,5 milljarðar (2.500.000.000) skammtar hafi verið gefnir af bóluefninu í 170 löndum, þá þegar í ársbyrjun 2022.

[Flosi Kristjánsson, 10.11.2023 kl. 12:41]

Í guðanna bænum ekki fara út í paranojuna með Covid-19!

[Daníel Sigurðsson, 10.11.2023 kl. 13:36]

Svo er komið á daginn að mRNA (Pfizer)-bóluefnin  eru jafn vel enn skaðlegri, ekki síst ungu fólki.

[Gunnar Rögnvaldsson, 10.11.2023 kl. 16:37]

Covid-19 bóluefnin frá AstraZeneca, Moderna og Pfizer eru með sömu tíðni á því sem fréttin í Telegraph fjallar um: þ.e. 0,21 tilfelli á hverja milljón "persónu-bólusetningardaga" (fjöldi daga frá því að einstaklingur fær bóluefnið þar til það hættir að vera í boði fyrir alla => til loka herferðar).

[Þorsteinn Siglaugsson, 10.11.2023 kl. 19:29]

Eflaust drepið marga. Og eins og hér er bent á, haldið áfram að nota löngu eftir að áhættan varð ljós. Bóluefnafrömuðurinn Paul Offit spyr þess í nýlegri grein hvort sérfræðingum stjórnvalda eigi að vera heimilt að segja satt. Svar okkar sérfræðinga við þeirri spurningu er afdráttarlaust nei, líkt og margoft hefur komið í ljós. https://krossgotur.is/a-visindamonnum-ad-leyfast-ad-segja-satt/

[Skúli Jakobsson, 10.11.2023 kl. 19:47]

Trú fólks á yfirvöld/stjórnvöld er vandamál;

https://www.amazon.com/Most-Dangerous-Superstition-Larken-Rose/dp/145075063X

Vertu frjáls og óttastu eigi!

[Gunnar Rögnvaldsson, 10.11.2023 kl. 20:25]

Ef ég man rétt hófst bóluefna-talíbanisminn á vesturlöndum um það bil er internetið fór að tengjast heimilum vesturlanda. Ár frá ári hefur þetta síðan þá bara versnað. Hófst að mig minnir með vestrænum mislingabóluefna-talíbönum sem voru það ungir að þeir/þær þekktu ekki mislinga af eigin raun.

Nú bíður maður bara eftir því að dauðsföllum þeirra í umferðinni sem eru á leið í bólusetningu verði bætt við þannig að bóluefna-talíbanar með covid-bóluefnin á heilanum fái eitthvað safaríkara að bíta í en þessi  0,21 tilfelli á hverja milljón "persónu-bólusetningardaga".

[Daníel Sigurðsson, 10.11.2023 kl. 22:09]

SVO BREGÐAST KROSSTRÉ SEM ÖNNUR TRÉ.

Sjálfur fostjóri Pfizer hefur séð sitt óvænna og er nýlega farinn að éta ofan í sig stóru orðin um ágæti þessara mRNA-bóluefna (sjá meðfylgjandi link).  Þessi pistill hans ku vera einskonar leiðbeiningar varðandi viðbrögð við aukaverkunum þessara tilraunalyfja.

Viðurkennir hann að bólusetningin sýni aukna hættu á hjartavöðva- og gollursbóllgu og að áhættan sé mest hjá drengjum á aldrinum 12 ril 17 ára. 

Í þ.s.b. er skondið á heyra hinn nýja íslenska sóttvarnalækni fullyrða í nýlegum viðtölum að ekkert sé að óttast, bóluefnin séu frábær. 

Þessi læknir og reyndar fleiri gerðu betur að nýta tíma sinn í að lesa sér til um hinar skaðlegu og banvænu aukavekanir í stað þess að bulla í fjölmiðla.

 

 Pfizer and BioNTech Receive U.S. FDA Approval for 2023-2024 COVID-19 Vaccine | Pfizer

[Ingólfur Sigurðsson, 11.11.2023 kl. 04:33]

Ef ég man rétt voru AstraZeneca einu Covid-19 "bóluefnin" sem ekki voru mRNA bóluefni heldur hefðbundin eins og Spútnik bóluefni Rússanna. Þau ættu því að vera skaðlausari, Ragnhildur og Gunnar eru þá kannski í fullu fjöri enn því þau fengu hefðbundin bóluefni, ekki mRNA sem er erfðabreytiefni og tilraunalyf.

Ég veit um eitt dæmi úr mínum kunningjahópi þar sem sterkur grunur leikur á að mRNA tilraunalyfið hafi valdið dauðsfalli. Það var ungur maður, rétt um þrítugt, og dó vegna sýkingar sem ekki var gefin upp á íslenzku, en á dánarvottorði, en var að öllum líkindum Covid-19. Lífssýni voru send til Svíþjóðar og kom í ljós að hann var með Covid, og hafði verið margsprautaður. (mRNA). 

Það merkilegasta er að hann var fílhraustur og hafði sjaldan verið veikur áður.

Guðmundur Karl Snæbjörnsson hefur lýst því hvernig bóluefnin minnka ekki líkur á Covid sýkingu heldur auka hana.

Það passar allt við þessa lýsingu. 

Páll ætti því kannski að krefjast þess að rannsókn verði hafin á mRNA bóluefnunum sem hafa fengið Nóbelsverðlaunin í ár. (Drew Weissman & Katalin Karikó).

Grunur leikur á að Nóbelsverðlaunin séu notuð til að hylja yfir. Það þarf að verðlauna glæpina gegn mannkyninu. Það hefur tíðkazt í rúmlega 70 ár, og raunar í 70.000 ár eða meira. Með Nóbelsverðlaunum hverfur efinn frá flestum um að eitthvað sé gruggugt og varhugavert.

Ég er ánægður með að Gunnar og Ragnhildur eru enn á meðal okkar. Við þurfum á slíku fólki að halda.

[Þórdís Björk Sigurþórsdóttir, 13.11.2023 kl. 19:19]

hér segir Sasha frá því hvers Óöruggt mRNA efnið er (allt eitur samt) og að eftirlitsaðilar hafi vitað um hættuna.

brot úr þætti Frosta Logasonar

https://rumble.com/v3un30a-spjalli-me-frosta-logasyni-segir-eftirlitsailum-hafa-veri-kunnugt-um-httule.html?fbclid=IwAR3Y5CLJiLyufwC__x2CkYPkOZwiv571hY3RZ3gCyyovgktXnItFe_T4zMc

og allt viðtalið fyrir þá sem eru í áskrift

https://rumble.com/v3un30a-spjalli-me-frosta-logasyni-segir-eftirlitsailum-hafa-veri-kunnugt-um-httule.html?fbclid=IwAR3Y5CLJiLyufwC__x2CkYPkOZwiv571hY3RZ3gCyyovgktXnItFe_T4zMc


en fyrst þú spyrð um astra, manstu eftir þessari frétt?  

https://www.ruv.is/frettir/innlent/2021-06-06-lest-eftir-bolusetningu-fjolskyldan-vill-rannsokn

yfirvöld komust að því að hún hefði hvort sem er dáið einhverju síðar. Enda mega þau ekki segja neitt sbr. viðtal söshu

[Þórdís Björk Sigurþórsdóttir, 14.11.2023 kl. 21:48]

https://www.dailymail.co.uk/health/article-12733791/Words-life-theyre-gone-Actress-42-left-unable-perform-suffering-stroke-triggered-AstraZeneca-Covid-jab.html