83 kennarar taka vúdú fram yfir vísindi

Alþjóðadagkennara fimmtudaginn sl. gengu 83 kennarar á Norðurlandi í þjónustu lífsskoðunarfélagsins Samtakanna 78 og losuðu sig við kennara sem ekki skrifaði undir þá skoðun að sum börn séu í röngum líkama. Kennarinn, Helga Dögg Sverrisdóttir, talar fyrir vísindum og viðurkenndri þekkingu. Samtökin 78 og fylgismenn eru iðkendur vúdú-fræða.

Helga Dögg var í fyrra kjörinn formaður Bandalags kennara á Norðausturlandi, BKNE. Formennskan er til tveggja ára í senn. Eftir að Helga Dögg talaði gegn áherslum Samtakanna 78 þótti nauðsynlegt að losna við hana. Rétt fyrir aðalfundinn kom fram tillaga um breytingar á lögum kennarafélagsins, að formaður skyldi kjörinn til eins árs í senn, í stað tveggja áður. Tillagan var samþykkt með 83 atkvæðum, tveir á móti en einn sat hjá. Hallarbylting, segir Akureyri.net.

Vitanlega var engin umræða um málefnið. Það myndi afhjúpa vúdú-ið. Það kom einfaldlega skipun að sunnan að ótækt þótti að Helga Dögg yrði áfram formaður kennarafélags. Út með Helgu Dögg. Kennarar hlýddu. Án umræðu.

Enginn fjölmiðill utan Akureyri.net fjallar um hallarbyltinguna. Allir ganga í takt að þegja um afdrif sjálfstæðrar hugsunar í kennarastéttinni.

Samtökin 78 eru komin í þá stöðu að ráða ráðum kennara, hverjir sitja í trúnaðarstöðum. Fyrir ræður lífsskoðunarfélagið námsefninu er lýtur að líffræði. Ekki skal kenna viðurkennda líffræði, að kynin séu tvö og meðfædd. Hjá lífsskoðunarfélaginu eru kynin fleiri en tvö og hægt er að skipta um kyn í löngufrímínútum.

Yfirlýst markmið Samtakanna 78 er að öllum líði vel - nema þeim sem búa að heilbrigðri skynsemi. Upp á þetta skrifa 83 norðlenskir kennarar og farga eina kennaranum í trúnaðarstöðu sem talar fyrir vísindum og viðurkenndri þekkingu. 

Athugasemdir

[Dominus Sanctus., 9.10.2023 kl. 09:02]

Hvar er rödd sitjandi menntamálaráðherra í þessu máli?

[Ragnhildur Kolka, 9.10.2023 kl. 09:39]

Hópheimska er svo sem ekki nýtt fyrirbæri, en í kennarastétt getur hún haft óafturkræfar afleiðingar á þá sem síst skyldi. Ef foreldrar taka nú ekki ábyrgð á börnum sínum munum við sjá á efti heilli kynslóð inn í myrkur forneskjunnar.

Og hver veit hvað kemur svo á eftir? 

[Rúnar Már Bragason, 9.10.2023 kl. 10:30]

Kennurum og bæjarstjórn á Akureyri virðist illa við málfrelsið - sorglegt.

Spurning er líka hvort þetta sé ólögleg aðgerð þar sem tillöguna þarf fyrst að bera upp áður og það þarf einnig að vera tillaga um kosningu nýrrar stjórnar. Vandséð að hægt sé að gera þetta á sama fundi.

[Helga Dögg Sverrisdóttir, 9.10.2023 kl. 12:26]

Rúnar ég fékk ábendingar frá nokkrum aðilum eftir fjölmiðlaumfjöllunina að fundurinn, eða hluti hans, væri ólöglegur. Formgalli. Verið að skoða málið og kemur í ljós síðar. Þannig þetta er rétt hjá þér ekki hægt að gera þetta á sama fundinum. Að auki er tekinn möguleik á að aðrir en fundarmenn bjóði sig fram.

[Tómas Ibsen Halldórsson, 9.10.2023 kl. 12:57]

Þetta er sorglegt. Svo virðist sem S78 ráði ekki einvörðungu málefnum kennara eða "menntasviðsins" heldur hafa þeir náð tökum á ríkisstjórn landsins, ráðherrar beygja sig í duftið fyrir dellunni sem kemur frá þessum samtökum.

GUÐ frelsa oss frá illu.

[Dominus Sanctus., 9.10.2023 kl. 16:09]

Gæti MIÐFLOKKURINN þá ekki verið líklegasti flokkurinn

til að sporna gegn gaypride-vitleysunni?

https://www.ruv.is/frettir/innlent/2020-12-15-allir-nema-midflokkur-stydja-mal-um-kynraent-sjalfraedi

[Sigfús Ómar Höskuldsson, 9.10.2023 kl. 17:10]

Það sé aldeilis kóræfing hér í dag....

Held að fráfarandi formaður sé ekki að skija sinn vitjunartíma. 

Enda held ég að sá sem leiði félag eins og Bandalag kennara á Norðurlandi eystra (BKNE) eigi að vera aðili sem standi með öðrum hagsmunarfélögum sem eiga í sinni baráttu um bætt kjör. Minni á 3. grein laga BKNE, b-lið en þar kemur fram að hlutverk BKNE sé að bæta kjör félagsmanna.

F.v formaður BKNE sté fram svo eftir því var tekið hér í miðjum slag flugliða hjá einu (þá flugfélagi með Ríkisábyrgð) flugfélagi hér sumarið 2020. Þá böðrust félagar í félagi flugliða fyrir betri kjörum og betra starfsumhverfi. Fóru meir að segja í verkfall í sinni baráttu. Gott ef nokkuir flugliðar missutu svo störf sín síðar vegna sinnar baráttu.

Þá sté fyrrum formaður BKNE (Ríkisstarfsmaðurinn) fram og lýsti með vandlætingu sinni á baráttu téðra flugliða, ef flugfélagið vildi þau/þær/þá ekki í vinnu, þá væri nóg til af fólki til að ganga í þeirra störf.

Ekki var nú meiri inneign fyrir meiri félagsþroska og skilningur á kjarabaráttu annarra starfstétta. 

Nú vill svo sami fyrrum formaður svo segja örðum um hvernig þeir eigi EKKI að vera, EKKI að líða.

Svei því bæði aftan of framan, farið hefur fé betra.

Lengi lifi ný stjórn BKNE !

[Loncexter, 9.10.2023 kl. 18:49]

Þetta var rétt sem gamli kallinn sagði. Þegar Kristnifræðin er farin úr skólum, myndast rými fyrir það andstæða, og það hefur nú aldeilis ræst !