Fyrst hlýnar, síðan hækkar CO2

Nýjar rannsóknir staðfesta að koltvísýringur, CO2, orsakar ekki hitahækkun. Orsakasamhengið er öfugt: hitahækkun veldur hækkun koltvísýrings í andrúmslofti. Almenningur getur með góðri samvisku ekið fjölskyldubílnum þótt hann sé knúinn bensín eða dísil - og sleppt kaupum á rándýrum rafmagnsbílum sem illa þola bleytu og kulda. Góðar fréttir á ísa köldu landi. 

Greint er frá vísindagreinum sem staðfesta ofanritað á heimasíðu loftslagsvísindamannsins Judith Curry, Climate etc,  annars vegar og hins vegar Watts up with that. 

Tvær tilvitnanir úr umfjölluninni:

Niðurstöðurnar eru skýrar: breytingarnar á CO2 geta ekki orsakað hitabreytingar. Þvert á móti, breytingar á hita eru líklegar ástæður breytinga á CO2 hvort heldur í nútíma eða fortíð.

og

Raunar er maðurinn aðeins ábyrgur fyrir 4% af heildarlosun koltvísýrings út í andrúmsloftið. Náttúruleg losun er ráðandi og eykst þrisvar sinnum hraðar en losun af mannavöldum, einmitt vegna hærri hitastigs.

Náttúran losar sem sagt 96 prósent af öllum koltvísýringi í andrúmsloftinu. Jörðin grænkar þar sem koltvísýringur er aðalfæða plantna. Á norðurhveli jarðar, þar sem mesti landmassinn er, taka plöntur koltvísýring úr andrúmsloftinu á sumrin. Á haustin og yfir veturinn losnar koltvísýringur út í andrúmsloftið þegar lauf falla og rotna. Er jörðin grænkar kemst meiri koltvísýringur í umferð. Úthöfin taka bæði við koltvísýringi og anda frá sér lofttegundinni.

Í framtíðinni verður ráðgáta hvernig Gore, Grétu og öðrum ólæsum á vísindi og náttúru tókst að að hræða líftóruna úr fólki með falsfræðum um að maðurinn ylli loftslagsbreytingum. Það er löngu þekkt staðreynd að mannlegar athafnir standa aðeins í ábyrgð fyrir 4%, segi og skrifa fjögur prósent, af koltvísýringi andrúmsloftsins. Náttúran sér um 96%.

Ef koltvísýringur takmarkar útgeislun hita jarðarinnar, samkvæmt gróðurhúsakenningunni, þá er það náttúran sjálf sem er að verki. En nú getum við urðað bábiljuna. Hitabreytingar koma á undan og orsaka hækkun koltvísýrings. 

Vegna ágengra falsspámanna síðustu ára tekur tíma að vinda ofan af vitleysunni. En skriftin er á veggnum. Gengi falsspámanna er boða loftslagsbábiljur fellur hratt.

Athugasemdir

[Helgi Viðar Hilmarsson, 3.10.2023 kl. 08:39]

Heimsveldið er alltaf að leita leiða til að reka nýlendustefnu sína, þess vegna var þessi bábilja búin til. Ef það órökrétt og íþyngjandi og rekið í gegnum alþjóðastofnanir þá er það nýlendustefna heimsveldisins.

[booboo , 3.10.2023 kl. 11:52]

Skort á gagnrýninni hugsun er að miklu leyti um að kenna að hægt sé að plata fólki með svo miklum árangri. Svokallaðir fræðimenn háskólasamfélagsins eru einnig sekir. Þeir virðast selja sig fyrir framgang í starfi, ímyndaða virðingu og hærri launum. Einnig eru meginstraumsfjölmiðlar sekir um falsfréttaflutning.

Og nú versnar í því: Ritskoðunalög eru boðuð og komin af stað víða undir merkjum "Bann og verndar gegn hatursorðræðu". Hið Breska: "Online Security Act" tekur gildi eftir 4 vikur. Grímulaus ritskoðun. Nú á að koma í veg fyrir alla umræðu sem er á skjön við orð yfirvalda. Allt er að breytast í Austur Þýskaland.  

[Sveinn Ólafsson, 3.10.2023 kl. 14:01]

Páll sem vísindamaður þá verð ég að segja að þetta er hárrétt hjá þér en ályktun þín af þessu fyrirbæri sem leikmanns er kolröng. E

f veðurfar hlýnar þá á CO2 ALLTAF að aukast eftirá og er löngu viðurkennd staðreynd. CO2 eykst af því hafið hlýnar seinna sem þá losar CO2 út í andrúmsloftið. 

Í núverandi hlýnun kom aukning CO2 FYRST af því maður fór að grafa eftir kolum og olíu og hefur brennt þeim í tvöhndruð ár.

Orsakasamhengið er því öfugt .... flóknara er hamfarahlýnunarferlið ekki.

Ég vona að þú og þið sem kommentuð notið þessa gagnrýna hugsun út í ystu æsar! 

[booboo , 3.10.2023 kl. 14:40]

Sveinn Ólafsson: Hver er ástæða hlýnunar andrúmsloftsins í gegnum árþúsundin?

Hversu gömul vísindagrein er nútíma veðurfræði? Hvað þýðir orðtakið "frá því mælingar hófust" út frá veðurfræði?

Þú segist vera vísindamaður. Í hverju og hvar starfar þú?

[Sveinn Ólafsson, 3.10.2023 kl. 14:56]

Sæll ég er vísindamaður í kjarneðlisfræðilegri þéttefniseðlisfræði við HÍ og því leikmaður í loftlagsfræðum. Þetta innlegg Páls er því miður með svo einfalda rökvillu að ég tek að mér bessaleyfið að leiðrétta það hér.

Ef þið viljið fá atvinnumann í spilið hlustaðu á þennan unga mann á Youtube rás hans um loftlagsmálin svo þið getið forðast þessar einhliðu upplýsingar frá Judit Curry sem er þó góð en hefur sínar takmarkanir að engin er að andæfa henni í sömu andrá. Þetta er hættulegt fyrir ykkur leikmenn sem hafa ekki þekkingu að skoða málið frá mörgum hliðum.

https://www.youtube.com/playlist?list=PLiZiIJMDh4yld3HJoZVqQoVtEWzv1Epl0

[Hörður Þormar, 3.10.2023 kl. 17:50]

Harald Lesch er þýskur eðlisfræðiprófessor og vinsæll þáttagerðarmaður.  Hér fjallar hann um gróðurhúsaáhrif CO2 og uppruna þess í andrúmslofti. Þátturinn er með enskum texta:                          Klimawandel – der CO2-Beweis | Harald Lesch           

[Ásgrímur Hartmannsson, 3.10.2023 kl. 21:02]

Einfalt: Hlýnun eykur lífmassa, lífmassi gefur frá sér CO2.

[Lárus Ingi Guðmundsson, 4.10.2023 kl. 00:00]

Til þess sð spotms  við logtlsgsvánni, að þá á að taka um Rafmagns bíla, en þegar að um er að ræða svona stórar rafhloður, að þá má gera ráð fyrir að bílstjórin sé um lukin ,, SEGULSVIÐI ,, 

Og ýmsar rannsóknir eru til staðar um segursvið og hversu slæm áhrif það getur haft á líkamann. 

KRABAAMEINS VALDANDIS SEGUA SUMIR. 

Það er þaning að við vitum ekkert um segulsviðið i kringum rafhloðurnar og áhrif þess á mannfólkið sem að keyrir þessa rafmagns bíla. 

Er ekki skondið er að 18 míljonar króna Rafmagns bíll er orðin jafn krabbameins valdandi og Sigaréttu pakki sem að koastar 1000 kall. 

Rafmagns bílar eru að menga minna, innan gæsalappa, en eru kannski mest KRABBAMMINES VALDANDI ÞÁTTUR FRAMTÍÐARINNAR, EF AÐ SEGULSVIÐIÐ ER TEKIÐ MEÐ I REIKNINGINN. 

Ekki veit ég. 

kv

lig