Finnur fórnar Birnu, verður Íslandsbanka stolið?

Finnur Árnason stjórnarformaður Íslandsbanka knúði Birnu bankastjóra til að segja upp störfum klukkan fjögur í nótt. Þjófnaður Kviku á Íslandsbanka, kallaður samruni, er í húfi. Með því að fórna Birnu vonast Finnur til að fá frið til að koma Íslandsbanka í hendur Kviku.

Samrunaferli milli Kviku og Íslandsbanka hófst í vetur leið. Viðskiptablaðið birt frétt um málið:

Forstjóri Kviku telur samruna bankans við Íslandsbanka vera tækifæri til að auka samkeppni á markaðinum.

Kvika er froðufélag líkt og mörg fyrir hrun. Kvika stendur ekki fyrir rekstur heldur stækkun, eins og tifallandi rakti í vetur. Bankamenn trúa eigin blekkingum, það gefur svo vel í aðra hönd. Fákeppni er samkeppni.

Lögbrot Íslandsbanka við sölu á hlut ríkisins er smápeningur miðað við fyrirhugaðan þjófnaðarsamruna.

Tökum forstjóra Kviku á orðinu og látum Landsbankann yfirtaka Íslandsbanka. Öflugur ríkisbanki myndi stórauka samkeppni á fjármálamarkaði. Spyrjið bara Marinó Örn Tryggvason forstjóra Kviku.

Birna segir upp störfum og Jón Guðni tekur við

Athugasemdir

[Helga Dögg Sverrisdóttir, 28.6.2023 kl. 09:31]

Fleiri ættu að feta í fótspor hennar og hætta. Allir sem komu að þessum gjörningi ættu að hætta. Persónulega hef ég ekki samúð með henni, nema hve blind hún er á eigin verknað. Birna hefur riðið feitum hesti frá bankanum.

[Sigurður I B Guðmundsson, 28.6.2023 kl. 11:10]

Á fólk að trúa því að stjórnarformaður Íslandsbanka hafi ekki haft hugmynd hvað var í gangi. Ekki hann ég. 

[Grímur Kjartansson, 28.6.2023 kl. 16:34]

Kvika minnir um margt á Atorku
Kaupa fyrirtæki og bókfæra þau á mun hærra verði.
Eða gera einsog Fons og selja fyrirtæki á milli eigin fyrirtækja á sífellt hærra verði
Þetta er ekkert séríslenskt fyrirbæri ég horfði um daginn á þátt um þýzka fyrirtækið Wirecard sem fór með himinskautum og skilaði hagnaði ár eftir ár með sömu brellum. Keypti m.a. smáfyrirtæki á Indlandi og bókfærði það sem margmiljarða evra eign í bókhaldinu áður en allt hrundi í júní 2020 en þá var  €1.9 billion munur á raunvirði og skráðu bókhalds virði.
Wirecard reportedly had five thousand employees and was processing payments for a quarter of a million merchants, including major airlines and grocery chains.

[Helga Kristjánsdóttir, 28.6.2023 kl. 23:09]

 Þá er ég úti á túni,hélt að Finnur væri kominn í skákina svellkaldur og fórnar drottningu.
  Þegar allt er leiðinlegt skemmta þeir okkur.