Inga Sæland klappstýra Kristrúnar

Inga Sæland er kannski ekki búinn að blanda Molotoff-kokteil en hún boðar óeirðir, eins og ,,í síðasta efna­hags­hruni."

Ástæðan? Jú, verðbólga.

Fremur lítilfjörleg ástæða óeirða, satt best að segja. Formaður Flokks fólksins veifar fremur röngu tré en öngvu. Gerist reglulega í pólitík.

Dýpri ástæða geðshræringar Ingu er að flokkurinn hennar fær ekki ímyndað óánægjufylgi. Kristrún formaður Samfylkingar sópar til sín stuðningi í skoðanakönnunum. Flokkur fólksins mælist fimm prósent og gæti fallið af þingi. Óöld gæti lappað upp á prósenturnar.

Hótanir Ingu þjónusta Samfylkingu Kristrúnar sem keppist við að verða ábyrgt stjórnmálaafl tækt í ríkisstjórn. Búið er að múlbinda Helgu Völu og róttækni Loga er með saumaklúbbssniði. Óreiðuelement Samfylkingar eru snyrtilega sett út í horn.  

Búast má við frekari upphlaupum frá flokkum sem fitna ekki á meintri óánægju í samfélaginu. Píratar eru í sömu stöðu og Flokkur fólksins. Viðreisn ekki langt undan. Sumir eru ólæsir á pólitík. Óánægjan í samfélaginu er óveruleg, bundin jaðarhópum sem alltaf eru svekktir, hvort heldur í góðæri eða hallæri.

Ofbeldishótanir Sæland et al sýna formann Samfylkingar sem yfirvegaðan valkost við núverandi stjórnarmeirihluta. Kristrún er orðin svo örugg með sig að hún íhugar að gera sakborning í glæparannsókn að frambjóðanda og fá í staðinn vinsamlega fjölmiðlaumfjöllun. 

Samfylking Kristrúnar er með eitt markmið. Að leysa af hólmi Vinstri græn Katrínar. Inga Sæland er óafvitandi klappstýra. 

Katrín með „augun full af sandi“

Athugasemdir

[Guðmundur Ásgeirsson, 9.5.2023 kl. 09:44]

Boðað hefur verið til mótmæla á laugardaginn kl. 14:00 á Austurvelli.

Hvergi hefur verið boðað til "óeirða" og enn síður neins ofbeldis.

Rétturinn til friðsamlegra mótmæla er stjórnarskrárvarinn.

[Grímur Kjartansson, 9.5.2023 kl. 10:03]

Það verða eflaust mörg kunnugleg andlit á Austurvelli á laugardag
En á sambærilegum samkomum hefur ræðumönnum reynst erfitt að finna annan samhljóm en óánægjuhróp án nokkurra lausna

[Guðmundur Ásgeirsson, 9.5.2023 kl. 10:08]

Lausnirnar blasa við:

1. Hættið að gera það sem er verið að mótmæla.

2. Byrjið að gera það sem er verið að kvarta yfir að sé ekki gert.

Þau sem munu taka til máls á fundinum eru mjög lausnamiðuð.

[Stefán Örn Valdimarsson, 9.5.2023 kl. 12:10]

Guðmundur; "Hættið að gera það sem er verið að mótmæla" Þú vilt sem sagt afleggja hefðbundið lýðræði og þess í stað upp einskonar öskur lýðræði. þeir sem hrópa hæst ráða mestu. 

[Guðmundur Ásgeirsson, 9.5.2023 kl. 15:16]

Sæll Stefán.

Þetta var ekki það sem ég átti við heldur var ég að svara þeirri staðhæfingu Gríms að á svona fundum komi fólk ekki fram með neinar lausnir, sem er ekki rétt því þegar fólk er að mótmæla einhverju er það um leið að fara fram á það lausn að því sem það mótmælir verði hætt eða það sem það krefst verði gert.

Dæmi: Við mótmælum vaxtaokri. Lausn: Hættið vaxtaokri.

Fólk hefur fullt frelsi til að segja upphátt hvað það vill. Málfrelsi og fundafrelsi eru órjúfanlegir þættir í lýðræðislegu samfélagi.

[Grímur Kjartansson, 9.5.2023 kl. 22:21]

Ég skal mæta og mótmæla vondu veðri
Lausnin hlýtur að vera betri veðurspár

[Helga Kristjánsdóttir, 9.5.2023 kl. 23:39]

Those protests of yours, Grímur, were immediately drowned in the political shouts of the first protestors, although they are good. Er nokkuð langt í að Íslendingar skrifi/tali útlensku,ég er alltaf meðhöndluð sem óæskilegur einhverra sem ýmist þurrka út eða þýða á ensku.Er ég kannski að saka aðra um þetta ,þá er ég að læra.

[Guðmundur Ásgeirsson, 10.5.2023 kl. 22:26]

Grímur.

Mótmæltu frekar einhverjum mannanna verkum sem hægt er að breyta.

En ef þið langar bara að henda steinum í sjóinn gjörðu svo vel.