Íslandsbanki verður 2007-sjóður

Kvika banki er áhættufjárfestir en Íslandsbanki viðskiptabanki. Áhættufjárfestar veðja eigin peningum og annarra en líður þó best í þeirri stöðu að þjóðnýta tapið þegar illa árar. Með samruna Kviku og Íslandsbanka eru áhættufjárfestar komnir með yfir þriðjung íslenska bankakerfisins í sínar hendur.

15 árum eftir hrun.

Menn taka meiri áhættu sé hægt að þjóðnýta tapið. Kvika-Íslandsbanki ryður brautina fyrir hina viðskiptabankana tvo. Taka aukna áhættu, það gefur bónusa til bankamanna og efnahagsreikningurinn stækkar. Allt í lukkunnar velstandi því áhættan er öll hjá almenningi og ríkissjóði.

15 árum eftir hrun.

Stærra er betra, segja menn. Það verður hægt að fá hagstæðari lán frá útlöndum til að fjármagna áhætturekstur á Íslandi. Góðærið hefur staðið í tylft ára, upp á dekk eru komnir snillingar, blautir á bakvið eyrun eins og 2007-kynslóð bankamanna.

15 árum eftir hrun.

Tilfallandi höfundur er ekki í viðskiptum hjá Íslandsbanka. Eiginkonan er það aftur á móti. Eftirfarandi skilaboð verða send yfir morgunverðaborðið: Bogga mín, áhættufíklarnir eru aftur komnir á kreik, já, á nýrri kennitölu. Þeir blása upp eignablöðrur en flýja með ferðatöskur af reiðufé til útlanda á Sagaklass um leið og hún springur, skilja eftir sig sviðna jörð fyrir okkur hin. Forðaðu peningunum þínum áður en það er um seinan. Íslandsbanki er svo gott sem orðinn áhættusjóður.

15 árum eftir hrun.

Yrði stærsti banki landsins

Athugasemdir

[Jónas Gunnlaugsson, 9.2.2023 kl. 13:52]

Góð grein Páll Vilhjálmsson. En segðu mér, er nokkur ástæða til að selja peningaprentunina til einkaaðila?

Er ekki betra að stjórnvöld prenti, skrifi bókhald sjálf, en ekki láta hlutabréfa eigendur í einkabanka, plata okkur. 

Þetta gerði Sesar, hann tók peningaprentunina af víxlurunum og byggði innviði Rómaveldis, byggingar, vegi og vatnsveitur. 

Fólkið fékk greitt fyrir vinnu sína. 

Gull var fágætt, fáar námur, Sesar tók þær einhvern veginn og setti fast verð á gullið, til búið verð. 

Fólkið treysti gullinu, það gat frið til gullsmiðsins og selt gullið, og fékk borgað í gulli, bros, Sesar hafði sett verð á gullið. 

Athuga að þegar einhver kemur með dollara verðbréf og óskar eftir greiðslu í peningum, þá fær hann greiðslu í peningum, bókhaldi, dollurum, engin vandamál þar.

Þá blómstraði Rómaveldi. 

Sesar var drepinn

Abraham Linkoln prentaði peninga, fjármála bókhaldið og borgaði stríðið í stað þess að láta víxlarana gera það, prenta peninginn og þeir sögðust lána peninginn og tóku vexti. 

Linkoln var drepinn. 

Kennedy lét ríkið prenta svokallaðan silfur dollar tryggðan í silfri, í stað þess að láta víxlarana gera það og segjast lána ríkinu og takau vexti. 

Kennedy var drepinn. 

Regan vildi skipta um bankastjóra Alþjóðabankans og þá var skotið á hann og hann særðist og tveir aðstoðar menn. Regan hætti við að skipta um bankastjóra Alþjóðabankans. 

Nú lögum við allt, við í gömlu umsýslunni biðjum Guð að hjálpa okkur.

Nú höfum við lesið um Tveggja raufa tilraunina, The two-slit experiment og vitum að veröldin er andleg, heilmynd, Hologram sem við erum leikendur í. 

Ef við eigum ekkert gott, þá biðjum við Guð að hjálpa okkur og gefa okkur góðleika. 

Við höfum engan annan möguleika. 

Egilsstaðir, 0902.2023   Jónas Gunnlaugsson

[Sigurður Kristján Hjaltested, 9.2.2023 kl. 17:36]

Sorglegt en satt.