Veður í 8 ár er ekki loftslag

Meðaltalshiti yfir átta ár, hvort heldur á Íslandi eða heiminum öllum, veitir álíka merkilegar upplýsingar og meðaltal símanúmera - hvort heldur á Íslandi eða heiminum öllum. Í báðum tilvikum eru tölurnar fullkomlega merkingarlausar, aðeins heilaleikfimi.

Breytingar á loftslagi verða ekki mældar yfir skemmra tímabil en 30 ár. Þetta er alþjóðlega viðurkennd skilgreining. Veðrabreytingar til skamms tíma veita álíka upplýsingar um framtíða og knattspyrnuúrslit í Englandi segja fyrir um hvaða lið verði meistari í Þýskalandi.

Hvað gengur Sam­an­tha Burgess, aðstoðarfor­stjóra hjá Kó­penikus, til þegar hún segir að veðrabreytingar síðustu átta ára ,,sýna að við erum nú þegar að verða vitni að skelfi­leg­um af­leiðing­um hlýn­andi jarðar"?

Ekki að upplýsa heldur hræða.

Til eru gervihnattamælingar á hitabreytingum lofthjúpsins frá 1979. Þær segja þá sögu að langtímaþróun hitabreytinga er 1°C á öld, já ein gráða. Það er ekki vitnisburður um hamfarahlýnun heldur um stöðugleika í hitafari.

 

Síðustu átta ár þau heitustu til þessa

Athugasemdir

[Gunnar Heiðarsson, 11.1.2023 kl. 07:52]

Kuldi er hiti. Þetta eru hin nýju sannindi.

Hversu langt tímabil skilur á milli loftlags og veðurfars ætla ég ekki að skera úr um. Notast hefur verið við 30 ára tímabil, en sumir telja það ekki nóg, vilja miða við mun lengra, eða yfir eitt hundrað ár. Það er með þetta eins og annað, val á upphafsviðmiði skiptir miklu. Hvort 30 árin séu rétt eða ekki þá er ljóst að sú viðmiðun byrjar meðan kuldinn á sjöunda og áttunda áratugnum héldust innan viðmiðsins. Vinsælla er þó að miða við lok litlu ísaldar, þegar hitastig náði lágmarki á þessu hlýskeiði sem nú er.

Hitt er ljóst að um stóran hluta heims ríktu kuldar stóran hluta ný lokins árs. Hér á landi voru allir mánuðir kaldir, utan nóvember. Því lauk síðan með einum kaldasta vetri frá því mælingar hófust. Víða um Bandaríkin kom vorið seint, sumarið einstaklega kalt og árið endaði þar með einum mestu snjóum og heimskautakulda í manna minnum. Ef við förum á syðra hvel jarðar hefur sumarið í syðri hluta Ameríku verið kalt og í Ástralíu hefur ekki verið kaldara sumar frá því England nam þar land. En þetta er auðvitað bara veður. Bara spurning hvort næstu ár verði á svipuðu róli, þar til hægt verði að kalla þetta loftslag.

Og þetta skapast af hlýnun jarðar, samkvæmt trúarjátningu loftlagskirkjunnar, að meir en helmingur hennar er kaldari en vant er, er vegna hlýnunar. Kannski er maður svo vitlaus að skilja þetta ekki.

Hitt er svo aftur þekkt staðreynd, að öfgar í veðri verða meiri þegar kólna tekur og minni við hlýrra loftslag. Ég var svo heppinn að vera mótækileg sál á síðara kuldatímabili síðustu aldar, að mun þau sannindi sem manni voru kennd. Þetta má   einnig sjá ef borin eru saman mestu hörmungar mannkyns við veðurfar, síðustu aldir. Jafnvel nóg að skoða síðustu öld, sem skartaði kulda í upphafi, mikilli hlýnun fyrir hana miðja, aftur kulda kuldaskeiði á tæplega þriggja áratugaskeiði um þriðja fjórðung hennar og lauk síðan með hlýskeiði. Veðurofsa og hörmunga þeirrar aldar má síðan bera saman við þessar sveiflur í veðri.

[Gunnar Rögnvaldsson, 11.1.2023 kl. 08:10]

Takk fyrir þetta Páll.

Lykilsorðin hér eru "að verða vitni að". Sem sagt; ekki orðin vitni, heldur alveg við það að verða það. Þetta er spekúlatív setning. Bloomberg-setning.

Þetta fólk sem þarna talar vann kannski sem víxlarar eða "greinendur" í bönkum þegar bankar voru guðir, en missti svo vinnuna og fór að vinna við kaup og sölu á veðri og því sem nú er látið fylgja með af alls konar afleiðum, nú til dags. Og ekki fær það vinnu við rafmyntir lengur né hvað þá heldur við ARK-ETF þvæluna (fimmta iðnbyltingin) sem nú er hrunin.

Þetta er sama kennisetningin og lesendur fá endalaust að heyra um "stríðið" í Úkraínu. Úkraína er alveg "við það að vinna stríðið" en vinnur samt aldrei og rússneski herinn er "ónýtur" og því þurfum við að stórefla NATO. Ergo; til að ráða við "ónýtan her".

Evrópa er 50 lönd með frekar léttfæranlegum landamærum. Það voru ekki nein methlýindi í þeim öllum. Fjarri því. Mælingar hófust hvergi á sama tíma þannig að upphaf mælinga er mismunandi.

Evrópa er minni en 7 prósent af yfirborði landmassa jarðar og innan við tvö prósent af heildaryfirborði jaðrar. Smáblettur á jörðinni, og stundum smánarblettur á henni líka. Þess utan eru mælitækin oft rangstæð og mæla ranga hluti.

Og fyrir utan þetta þá eru svo kallaðir "vísindamenn" í það minnsta jafn heimskir- og óheiðarlegir og allur þorri manna er að meðaltali. En ávalt skal gæta varúðar þegar hlustað er á víxlara á borð við trúarofstækismenn lofthitakirkjunnar.

Og svo er Evrópa eitt í dag en annað á morgun, landfræðilega séð, því það fer eftir því hvar ESB er að gera í buxurnar og hvar ekki. Ef það er til dæmis stríð á Balkanskaga, ja þá er hann ekki með í Evrópu.

ZZZzzzzzzzzzz

Kveðja

[Ágúst H Bjarnason, 11.1.2023 kl. 10:57]

1) Reglubundnar mælingar á lofthita hófust um 1860. Síðan hefur hlýnað um því sem næst 1,0 gráðu Celcius að meðaltali, sums staðar minna og sums staðar meira.  Það er almennt viðurkennt og verður ekki á móti mælt. Í upphafi mælinga og jafnvel til 1920 stóð yfir kuldatímabilið sem við köllum “Litlu ísöldina”.

2) Styrkur koltvísýrings í andrúmloftinu hefur verið mældur reglubundið frá 1958 og hefur styrkur hans aukist frá 316 til 410 ppm, eða frá 0,032% til 0,041% á tímabilinu, sem jafngildir 1 sameind af 10.000 sameindum loftsins. Það er staðreynd sem ekki verður á móti mælt. 

3) Skrifast öll hækkun meðalhita jarðar (~1°C) frá síðustu áratugum Litlu ísaldarinnar á aukningu koltvísýrings í andrúmsloftinu, eða skrifast hluti hækkunarinnar á náttúrulegar sveiflur? Ef svo er, að hve miklu leyti? Um þetta eru menn ekki sammála og svokallaðir efasemdarmenn telja að áhrif náttúrunnar hafi verið vanmetin.

Sjá: 

Loftslagsbreytingar af völdum manna eða náttúru?

http://www.agust.net/wordpress/2015/01/03/loftslagsbreytingar-af-voldum-manna-eda-natturu/

[Ágúst H Bjarnason, 11.1.2023 kl. 11:03]

Ferskar tölur frá Dr. Roy Spencer.  

https://www.drroyspencer.com/2023/01/uah-global-temperature-update-2022-was-the-7th-warmest-of-44-year-satellite-record/

 

UAH Global Temperature Update: 2022 was the 7th Warmest of 44-Year Satellite Record

January 3rd, 2023 by Roy W. Spencer, Ph. D.

December of 2022 finished the year with a global tropospheric temperature anomaly of +0.05 deg. C above the 1991-2020 average, which was down from the November value of +0.17 deg. C.

The average anomaly for the year was +0.174 deg. C, making 2022 the 7th warmest year of the 44+ year global satellite record, which started in late 1978. Continuing La Nina conditions in the Pacific Ocean have helped to reduce global-average temperatures for the last two years. The 10 warmest years were:

• #1 2016 +0.389

• #2 2020 +0.358

• #3 1998 +0.347

• #4 2019 +0.304

• #5 2017 +0.267

• #6 2010 +0.193

• #7 2022 +0.174

• #8 2021 +0.138

• #9 2015 +0.138

• #10 2018 +0.090
  
  

https://www.drroyspencer.com/2023/01/uah-global-temperature-update-2022-was-the-7th-warmest-of-44-year-satellite-record/

[Kristinn Bjarnason, 11.1.2023 kl. 16:21]

Það var sami málflutningur fyrir 30 árum um að það væri hvorki meira né minna en hamfarahlýnun í gangi og það þyrfti að bregðast hratt við og norðurpóllinn átti að vera horfinn fyrir 5 árum. Það er búið að normalísera bullið og almenningur tekur endalaust við.