Samfélagsmiðlar gera okkur heimsk

Liðinn áratugur er afbrigðilega hagfelldur heimskum á samfélagsmiðlum, skrifar bandaríski félagsfræðingurinn Jonathan Haith í tímaritið Atlantic. Haidt var kallaður í viðtal til að útskýra staðhæfinguna. 

Samfélagsmiðlar gera börn og unglinga vansæl, segir félagsfræðingurinn, og vísar í tvöföldun á þunglyndi, sjálfsskaða og sjálfsmorðum.

Í heimi fullorðinna birtist innreið virkra á samfélagsmiðlum sem niðurbrot samfélagslegra gilda í nafni ,,fjölbreytileika" en það er annað orð yfir skoðanakúgun. Þeir sem hugsa út fyrir vébönd rétttrúnaðarins, segir Haidt, eru úthrópaðir og útilokaðir. Afleiðingin er lítilmótleg hjarðhugsun sem þolir ekki önnur sjónarmið.

Haidt nefnir ekki dæmið um framhaldsskólakennara sem stofnuðu leshring að stúdera blogg samkennara um pólitík og samfélagsmál. Leshringurinn gengur undir nafninu ,,Má bjóða þér að brjálast." Þegar fundinn var texti er braut í bága við rétttrúnaðinn efndi leshringurinn óðara til vanlíðunar og undirskriftarsöfnunar.  Kennarinn var fordæmdur fyrir ósamþykktar skoðanir. Markmiðið var að svipta einfarann æru og atvinnu. Fjölbreytileiki í framkvæmd.

Á áratug heimskunnar er samkeppnin hörð um gullverðlaunin.

Athugasemdir

[Jón Þórhallsson, 20.4.2022 kl. 08:03]

Samfélagsmiðlar gera okkur heimsk

Þannig starfar t.d. New World Order  / Illumanti- klíkan.

Markmiðið er að forheimska fjöldann. 

https://www.youtube.com/watch?v=6i_msSDvzbg&feature=emb_logo

[Jón Þórhallsson, 20.4.2022 kl. 08:46]

Hvar er LEIÐARLJÓS FORSETA ÍSLANDS inn í framtíðina? 

ER hann ekki skipstjórinn á ríkisskútunni? 

[Ragnhildur Kolka, 20.4.2022 kl. 11:12]

Samkennarinn ætti að kynna sér aðførina að tistaranum LibofTikTok. Um hann var ekki bara stofnaður leshringur heldur var kerfinu snúið á hvolf til að hafa upp á honum. Tók annar ríkasti maður BNA þátt í aðförinni og nú hefur slóðin verið rakin til þýsku ríkisstjórnarinnar. Það er semsagt alþjóðlegt vandamál að viðra skoðanir "góða fólksins". Søk tistarans? Jú hann birti ummæli "frjálslyndra" kennara um kennsluuaðferðir sínar og því þarf að þagga niður í honum og øllum hans ættingjum. 

Það er víðar en í Gaggó Garðabæ sem tekist er á um skoðanir. 

[Ingólfur Sigurðsson, 20.4.2022 kl. 12:25]

Ekki skrýtið að Repúblikanir segi að Elon Musk vilji bjarga Bandaríkjunum með því að kaupa Twitter. Það sem heimurinn þoldi ekki við Donald Trump var að hann bauð uppá aðra nálgun en New World Order í heimspressunni.

[Helga Kristjánsdóttir, 20.4.2022 kl. 21:07]

Við getum þó hermt munnmæla Ingibjargar Sólrúnar. Þið eruð ekki heimurinn!
   Og stöndum þó við það.