Konur, trans og raun

Ekki er lengur hægt að ganga að vísri skilgreiningu á konu. Verðandi dómari við hæstarétt Bandaríkjanna, Ketanji Brown Jackson, fékk spurninguna Hvað er kona? þegar hún sat fyrir svörum hjá þingnefnd. Dómaraefninu vafðist tunga um tönn, sagðist ekki líffræðingur. Tucker Carlson henti gaman að og velt fyrir sér hvort maður þyrfti að vera dýralæknir til að vita hvað sé hundur.

Lia Thomas var karl en ákvað að verða kona og sækja sér verðlaun í sundíþróttum kvenna. Er Lia í raun og veru kona eða karlkona, sem er annað orð yfir transkonur?

Til skamms tíma var einfalt að skilgreina kynin, til dæmis út frá æxlunarfærum og litningum. En svo ruddi sér til rúms einstaklingshyggja sem kennir að við séum það kyn sem við viljum vera. Karl í dag en kerla á morgun. Kyn er ekki líffræði heldur persónulegt val. 

Konur eru, eins og alþjóð veit, forréttindastétt síðustu áratugi. Í nafni jafnréttis eru margvíslegar ráðstafanir gerðar til að valdefla konur. Afleiðingin er t.d. að nær 70 prósent háskólanema eru konur, karlar rétt um þriðjungur. Háskólamenntaðir fá almennt hærri laun og meiri mannaforráð en starfstéttir án háskólamenntunar. Valdastéttin verður kvenkyns fyrr en varir. Jafnhliða þessari þróun er körlum kennt að skammast sín fyrir kynið sem þeir tilheyra. Karlar eru sagðir höfundar ómenningar, hvort heldur rasisma eða faraldurs nauðgana.

Veikara kynið sækist í auknum mæli eftir aðild að valdastéttinni, nær sér í viðskeytið trans og gerist kona. Þótt konum sé frjálst að verða transkarlar eru þær heldur fáar kjósa það hlutskipti. Eðlilega, þær segðu sig þar með frá forréttindum kvenna.

Transkonur eru með líkamsmassa karla og geta hæglega útrýmt raunkonum í íþróttum, ákveði nógu margir karlar að gerast konur. Íþróttir verða kynlausar.

Í transmenningu er ekkert til sem heitir karl eða kona. Transheimurinn er einkynja. Áfram verða til kynhlutverk en þau eru valkvæð. Karl fyrir hádegi en kerling á kvöldin. Fyrirsjáanlega verður í jaðarmenningunni eftirspurn eftir einhverju sem heitir ekta karl og ekta kona. En það yrði eins og að tala um ekta plast.

 

Situr fyrir svörum fram á fimmtudag

Athugasemdir

[Richard Þorlákur Úlfarsson, 25.3.2022 kl. 08:16]

Í dag er ég gamall, feitur, hvítur karl.

Á morgun hef ég ákveðið að vera ung, grönn, svört, falleg kona.

Ef einhverjir karlmenn hafa hugsað sér að bjóða mér út á date, þá gengur það ekki.

Á morgun verð ég líka lesbía.

[Jón Þórhallsson, 25.3.2022 kl. 08:30]

Íslenska ríkið virðist mylja undir þessa Sódómuhegðun 

með lögum eins og kynrænu sjálfræði.

Það er greinilega komin þörf fyrir KRISTILEGAN FLOKK á alþingi.

[Ragnhildur Kolka, 25.3.2022 kl. 08:53]

Svar Jackson var kolrangt, því ef einhver fræðigrein hefur verið rústuð í þessu transæði, sem nú gengur yfir, af hennar líkum er það líffræðin. 

[Gunnar Hólmsteinn Ársælsson, 25.3.2022 kl. 12:32]

Sæll kollegi Páll. Af hverju þarftu endalaust að vera að pönkast á minnihlutahópum hér á blogginu þínu? Hvað hefur þetta fólk eiginlega gert þér? Hvert er markmið þitt með þessum skrifum? Hver er tilgangurinn? Ég verð bara að játa það að ég er algerlega kjaftstopp, bara skil þetta ekki. Þú hlýtur að hafa eitthvað betra að gera, er það ekki? Má fólk bara ekki vera allskonar og eins og það vill, hvað er að því? Í guðana bænum...

[Guðjón E. Hreinberg, 25.3.2022 kl. 15:28]

Ég er svört lesbía, en fæ það ekki viðurkennt því maður má bara velja sér kyn en ekki húðlit. Ferlega óréttlátt.

[Helga Kristjánsdóttir, 25.3.2022 kl. 18:44]

Má ekki ræða furðulega hegðun og oft óprúttna svo mildiega sé orðað.En ástæða þess að Lia Thomas breytti rangt var sólgnin í verðlaun;Hvað annað?

Er okkur of gott að fylgjast með skondnum uppákomum sérstaklega í landi draumanna,þar sem dómaraefnið Jackson minnti á mr.Bean bara snöggvast og ekki ein einasta kelling hló nema ---og Brown Jacksson veit ekki neitt.    

[Sigfús Ómar Höskuldsson, 25.3.2022 kl. 21:32]

...og kórinn syngur enn....

Nú skal níðast á minnihlutahópuum, upp til hópa.

Ég vona fyrir hönd kórfélaga, þá sérstaklega forman kórsins, frú Kolku, að henni fæðist ekki í hennar ættartré, e-r sem vilji verða öðruvísi, að það verði ekki litið á sem enn "eitt æðið".

Hægt að rita margt hér um það sem ofan er ritað. Nota í stað þess svar Jóhanns Svardælings við spurningu Svavars Gests hér um árið þegar Svavar sagði Jóhann vera vita vegna stærðar sinnar.

Þá svaraði Jóhann, taki það til sín sem eiga : "þú ert meira  eins og hálfviti Svavar minn"....

[Jón Steinar Ragnarsson, 25.3.2022 kl. 23:27]

Gunnar Hólmsteinn, lastu pistilinn? Af hverju kallar þú konur minnihlutahóp? Geturðu skilgreint fyrir okkur hvað kona er svona án þess að vera líffræðingur?

Er það réttlætanlegt að karlmenn geti keppt með sínum yfirburðum í kvennagreinum ef þeim finnst þeir vera konur? Hvað segir það um réttindi kvenna.

Páll segir hvergi að transfólk eigi ekki rétt á sér. Það eru bara takmörk fyrir því hvað það getur leyft sér eins og gengur og gerist um flesta. T.d. að keppa í íþróttagreinum af öðru kyni eða nota baðherbergi annars kyns t.d.

Langfæstir þeirra sem telja sig trans hafa ekki gert neina umbreytingu á sér utan þess að klæðast öðruvísi fötum og vera með hárkollur eða farða. Í flestum tilfellum er þetta fólk einfaldlega samkynhneigt en fer í hlutverkaleik sem andstætt kyn.

Ef þú ert trans þá vona ég að þú sért sjeneraður yfir þessum einföldu staðreyndum. 

[Helga Kristjánsdóttir, 26.3.2022 kl. 02:06]

Sigfús sagan um vita og hálfvita hefur farið marga hringi á leiðinni frá upphafi sínu Ég var í bingóí í Austurbæjarbíói,þar sem Svavar heitin Gests stjórnaði og honum til aðstoðar var Sólon sem seinna varð bankastjóri Búnaðarbankans.þetta var fjáröflun fyrir Fram(?); Mjög hávaxinn maður kallaði bingó og varð að fara,eins og aðrir sem hrópuðu bingó upp á svið að láta fara yfir spjald sitt.
Svavar var skemmtilega málgefinn og leit upp til hans um leið og hann sagði þú ert eins og viti og gæinn svaraði að bragði og þú eins hálfur viti.Salurinn sprakk og þannig var þeð hvert einasta kvöld.----

[Skeggi Skaftason, 26.3.2022 kl. 07:27]

Alltaf jafn furðulegt að skyggnast inn í hugarheim þinn Páll. Eru margir kunningjar þínir sem hafa tekið upp á þessu, að skipta um eða leiðrétta kyn? Margir í kringum þig yfirhöfuð? HEfur þú sjálfur hugleitt að gera það, svona einn og einn dag, eins og þú lýsir?

Frægasta transkona Íslands er líklega Anna Kristjáns sem einu sinni var dugleg að blogga. Truflar hennar umskipti þig? Vilt þú frekar líta á hana og skilgreina sem karlmann?