Stóra enduræsingin, vinstriauðvaldið

The great reset, stóra endurræsingin, er kenning, sumir segja samsæriskenning, um að alþjóðaelítan noti Kínaveiruna til stokka upp vesturlönd í þágu hugmyndafræði um samfélagslega ábyrgð. Eitt slagorðið er ,,Endurbyggjum á betri hátt." Telegraph útgáfan, sem er borgaraleg og ekki ýkja samsærishneigð, tók saman nokkur stórmenni sem nota slagorðið.

Lykilhugtak í endurræsingunni er ESG, sem á útlensku stendur fyrir Environmental, Social, Governance. Undir formerkjum ESB er fjárfestingum stjórnað af ,,samfélagslegri ábyrgð". Ein kennisetning ESG er að trúa á hindurvitni eins og manngert veðurfar.

ESG er komið til Íslands. Kauphöllin flaggar hugmyndinni. Íslensk fyrirtæki kaupa sér ímynd með auglýsingaherferðum um lágt kolefnispor. En það er snar þáttur í kenningunni um  samfélagslegri ábyrgð. Við erum komin á sérkennilegar slóðir þar sem vinstrimenn og viðskiptalífið fallast í faðma.

Einn af höfuðandstæðingum stóru endurræsingarinnar er Glenn Beck. Í 45 mín. spjalli á Rubin report hvetur hann almenning að spyrna við fótum.

Hægrimaðurinn Glenn Becek boðar andóf gegn stórfyrirtækjum, bankakerfinu og alþjóðlegu lyfjarisunum. Kaupið af smákaupmönnum, geymið peningana í sparisjóðum og búið frekar í sveit en borg er ráðleggingin. Vinstrimenn, undir merkjum samfélagslegrar ábyrgðar, tala máli auðvaldsins, eins og það hét í gamla daga. Vinstriauðvaldið er ekki mótsögn heldur veruleiki.

Það sem sameinar vinstrimenn og viðskiptalífið er trú á það sem ekki er. Manngert veðurfar og bólusetning úr farsótt, með tilheyrandi rafrænu eftirliti, helst í hendur við aftengingu mannheima frá náttúrulegu umhverfi. Þeir sem hafna trúarkenningunni eiga á hættu að vera stimplaðir hryðjuverkamenn. Altæk hugmyndafræði helst í hendur við alræði. Gerði það bæði hjá kommúnistum og nasistum. Sama gildir um samfélagslega ábyrgð í stóru endurræsingunni.

Loftslag breytist af náttúrulegum orsökum. Veirufaraldrar eru jafngamlir Neandertalsmanninum. Nýtt er trú á að maðurinn stjórni náttúrulegum ferlum. Í stað kristna guðs fermingarfræðslunnar sitjum við uppi með manninn sem hálfguð. Og sá er vinstrivillingur sem lemur til hlýðni borgaralega fríþenkjara.

Trúin er ópíum fólksins, sagði Karl gamli Marx. Forsendan til að skilja trú, bætti sá gamli við, er að átta sig á að hún er manngerð. Náttúran er ekki mannanna verk, en trúin er það. Með þá vitneskju í farteskinu getum við hafnað ESG og stóru endurræsingunni - í góðri trú.

Athugasemdir

[Wilhelm Emilsson, 12.2.2022 kl. 08:35]

Þú átt við hægrimanninn Glenn Beck, ekki satt? (En ekki "Becek").

Það má kannski segja að samsæriskenningar séu hið nýja ópíum fólksins. Hvers vegna eigum við að trúa samsæriskenningum frekar en vísindum byggðum á tilraunum og gagnrýnni hugsun? Bólusetning er ekki "aftenging mannheima frá náttúrulegu umhverfi." Maðurinn er hluti af náttúrunni. Við erum bara að nota vitið til að hjálpa okkur í lífsbaráttunni. Ef ég man rétt þá ert þú bólusettur, þannig að þú ert ekki á móti bólusetningum.

[Þröstur R., 12.2.2022 kl. 08:50]

Einkar upplífgandi lesning í byrjun dags að fleiri sjá fílinn í stofunni þar sem hingað til hefur verið algjörlega bannað að tala um hann. Það er kannski von eftir allt.

[Ragnhildur Kolka, 12.2.2022 kl. 10:21]

Keep trucking Páll!!! Einhvern tímann verða menn að vakna.

[Kristinn Bjarnason, 12.2.2022 kl. 11:33]

Það sem er verið að sprauta fólk með á ekkert skylt við bóluefni. Það er verið að sprauta fólk með tilraunaefnum sem  virðist ekki skila neinum árangri gegn vírusnum. Hversu galið er að sprauta alla þjóðina með tilraunaefnum þar sem 30% eru ónæmir og ekkert að gerast hjá fólki undir 60 ára? Ég hefði viljað sjá yfirvöld gera fólki betur grein fyrir þeirri áhættu sem þessu fylgir en það fór ekkert fyrir því sem er ófyrirgefanlegt.

[Jón Steinar Ragnarsson, 12.2.2022 kl. 13:13]

Þeir hafa ekki beint verið hljóðir um þetta hjá World Economic Forum undanfarin tvö ár, svo varla er hægt að kalla þetta kenningu. Þeir ráða sér ekki af kæti yfir farsóttinni og sjá mikinn meðbyr nú vegna farsóttarinnar. Ráða sér ekki af kæti. Hér er um að ræða þriðju útópíuna þar sem hinar tvær eldri renna saman í eina.

[Wilhelm Emilsson, 12.2.2022 kl. 21:07]

Ekki láta blekkjast, Jón Steinar! World Economic Forum er bara frontur fyrir þá sem stjórna öllu, Eðlufólkið. Það er alla vega mín uppáhalds samsæriskenning :0) 

[Helgi Viðar Hilmarsson, 12.2.2022 kl. 21:48]

Það er ekki hægt að heyja stríð né gera byltingu án fjármagns.