Jesú, límið og loftslagið

Sumir Bretar líma andlitið á götumalbik til að mótmæla manngerðu loftslagi. Karl og kona í Svíþjóð límdu hendur sínar á flugbraut í sama tilgangi. Heimselítan, mínus valdamenn í Kína og Rússlandi, hittist í Glasgow til að bjarga jörðinni frá manngerðri hlýnun um 1,5 C.

Árið þúsund, þegar Íslendingar tók kristni og bjuggu Grænland að íslenskum hætti, var 1,5 gráðum hlýrra en í dag. Vísindin segja það. 

Önnur vísindi segja hlýnun síðustu tveggja áratuga ekki af völdum mannsins heldur skýjafari. Sólarvirkni og skýjafar skýrir flökt á hitastigi jarðar. Sem, vel að merkja, er fjarska lítið, eins og Ágúst H. Bjarnason sýnir skilmerkilega.

Við lifum í stöðugu loftslagi. Jörðin hefur ekki hlýnað nema um eina gráðu frá iðnbyltingu. Þá stóð yfir litla ísöld sem lauk um 1900.  

Sumir vísindamenn segja hamfarahlýnun yfirvofandi. Þeim er fremur trúað en hinum sem telja náttúrulegar skýringar á loftslagsbreytingum. Ástæðan er trúarleg.

Einu sinni áttu vesturlönd Jesú Krist sem frelsara. Kristin kirkja lagði út af orðum frelsarans og kenndi okkur um syndina og sáluhjálp. Á seinni tímum er Jesú upp á punt og hvorki trúum við á himnaríki né helvíti.

Í stað kristni kom trú á manninn. Ósköp falleg hugsun á yfirborðinu. En henni fylgir að maðurinn sé lávarður heims og ráði ragnarökum. Í öðru lagi veit hvert mannsbarn að við erum syndug upp fyrir haus. Trú á manninn er trú á synd og sjálfspíningu. 

Maðurinn andar frá sér koltvísýringi, CO2. Án CO2 er ekkert líf á jörðinni. CO2 er aðeins 0,04 prósent af andrúmsloftinu. Og af öllu CO2 í andrúmsloftinu sér náttúran um 97% en athafnir mannsins, andardráttur meðtalinn, standa fyrir þrem prósentum. Á yfirborðinu eigum við að heita vísindalega læs. Í reynd erum við álíka næm á veruleikann og Biden Bandaríkjaforseti.

Trú á manninn er sannfæring um að syndin stjórni heiminum. Engin furða að fólk lími andlit og útlimi á malbik. Í trúarmenningu samtímans er maðurinn syndugt skriðdýr. 

 

Öfgakennt veður nýr veruleiki

Athugasemdir

[Halldór Jónsson, 1.11.2021 kl. 08:19]

Kíbverjinn blæs út jafn mikul og USA, Indland, Rússland, og Japan samanlagt eða rúmum 9 billjónum tonna. Það var auðvitað að hann mætti ekki og aagði  pass

[Grímur Kjartansson, 1.11.2021 kl. 09:22]

Sá að fulltrúar lífeyrissjóðanna eru þarna í Glasgow líka
svo reikna má með að loftlagsváin verði notuð til enn frekari lækkunar á réttindum til lífeyrisgreiðslna

Léleg ávöxtun telst nú bara samfélagsleg ábyrgð sjóðfélaga

[Helga Kristjánsdóttir, 1.11.2021 kl. 18:12]

 Ráðstefnur(þessar-HK): "Eru eingöngu opnar fyrir algjörlega sannfærða um einn óskeikulan sannleika í hvert skipti.Það eitt ætti að skjóta öllum skelk í bringu" tek undir það með skrifara Reykjavíkurbréfs Mbl. Og áfram heldur hann;"Menn geta vissulega á þessum ráðsstefnum óttans skipt um og skipst á bindum pg skóm og skálað með hljóm,en það er elgjörlega óþekkt á þeim að ein einasta mímúta sé tekin frá til að skiptast á skoðunum.
Þúsundir manna þar sem enginn efast er ekki ráðstefna,það er eitthvað annað og ógeðfelldara.

[Hörður Þormar, 1.11.2021 kl. 22:14]

Allir bílar eru með bílbelti og flestir spenna það á sig enda þótt þeir efist ekki um að það sé óþarfi.

Það þarf eindregið efaleysi til þess að afneita þeirri hættu sem loftslaginu stafar af losun gróðurhúsalofttegunda af mannavöldum, til þess eru vísbendingarnar svo margar.

Þessi hætta ber að njóta efans. 

[Ragnhildur Kolka, 1.11.2021 kl. 23:36]

Trúðarnir mættu á 400 einkaþotum til Glasgow þar sem þeir ætla að leggja íslensku sendinefndinni lið við að bjarga heiminum. Og Biden sefur á sínu græna og lætur ræðuhöldin ekki trufla sig. Hann fór jú, fyrir 85 bíla bílalest í Róm og þarf að hvíla sig. það er harður bransi að þurfa að menga svo mikið að það þurfi 30þús manna ráðstefnu til að vinda ofan af því.

[Jón Steinar Ragnarsson, 2.11.2021 kl. 00:10]

Það er vert að nefna að mannkyni hefur fjölgað úr 2 milljörðum í 8 milljarða á þeim tíma sem þessi viðmið eru lögð. Helstu rökin fyrir skelfingarvæðingunni er svo að skaði og mannfall af völdum nátturuhamfara sé eitthvað hærri.

Enn tala menn um versnandi veðurfar og meiri öfga þótt SÞ hafi fullyrt í mörg ár að veður hafi ekkert með þetta að gera.

Nú er slegið upp frétt um að sjávarborð hafi hækkað um millimeter á ári undanfarin 10 ár. Það mætti alveg fylgja fréttinni hvernig þetta er mælt af slíkri nákvæmni og hvernig viðmiðið var fundið. Engin furða þótt flestir seu skeptískir.