Femínismi og loftslagsvá - Lúther og Marx

Sameiginlegt femínisma og loftslagsglópum annars vegar og hins vegar Lúther er sú trú að menn séu í  ,,eðli sínu ill­ir og synd­ug­ir," og munu á efsta degi hljóta miskunnarlausan dóm almættisins.

Lúther á hinn bóginn gerði sér glögga grein fyrir að sigurverk heimsins væri af guði skapað. Femínistar og glópar trúa að heimurinn sé manngerður að stærstum hluta.

Það er á valdi mannsins, en ekki almættisins, að skapa paradís á jörð með réttum lofthita, engum nauðgunum; þar sem allir eru í þægilegri innivinnu á góðu kaupi. Segja vinstrimenn.

Spásögn vinstrimanna kemur frá öðrum Þjóðverja, Karli Marx.

En vegna þess að sannfæringin um illsku mannsins, erfðasyndina, helst í hendur við trú á manngerða paradís nota vinstrimenn alltaf tækifærið, þegar þeir komast til valda, að limlesta, drepa og fangelsa óvini sína.

Paradís femínista, glópa og annarra vinstrimanna er gúlagið.

Talibanabragur á mörgu hjá Lúther

Athugasemdir

[Hörður Þormar, 19.9.2021 kl. 15:13]

Samkv. mínum heimildum var Lúter hinn mesti ofstækismaður og ruddi. Einnig var hann átvagl og vínsvelgur. Sennilega hefur það orðið honum að aldurtila.

Hann hvatti til hrottalegra pyntinga og sagði að það væri guð sem stjórnaði gerðum þeirra sem dræpu andstæðinga hans.

Lúter kynti undir hatri á gyðingum og notaði Hitler sér það óspart í áróðri sínum gegn þeim.

Eitt sinn sá hann djöfulinn úti í horni og skvetti á hann úr blekbyttu. Sú bleksletta sést víst enn í dag en mun þó hafa verið uppfærð.  Kannski hefur hann verið haldinn geðhvarfasýki.

En djarfur var Lúter og dugnaðarforkur á yngri árum.                           Die dunkle Seite Martin Luthers - Luther einmal anders - Dokumentation           

[Hörður Þormar, 19.9.2021 kl. 17:10]

Hér mun vera ensk þýðing á þættinum, Die dunkle Seite Martin Luthers: VorschauVorschau43:30The Dark Side of Martin LutherYouTube · Edi Maurer30.11.2017

[Ómar Ragnarsson, 19.9.2021 kl. 21:15]

"Vinstri menn nota alltaf tækifærið, þegar þeir komast til valda, til að drepa. limlesta og fangelsa óvini sína."

Er það virkilega? Gerðu vinstrimenn þetta þegar þeir komust til valda á Norðurlöndum á fyrri hluta síðustu aldar? Hvað voru margir drepnir? Hve margir voru limlestir?

[Páll Vilhjálmsson, 19.9.2021 kl. 21:38]

Ómar, marxísk manngerð paradís, sem fjallað er um í blogginu, hefur aldrei verið reynd án limlestinga, drápa og fangelsana. Þar nægir að nefna gamla sovétið, Kína, Kúbu, Austur-Evrópu og Venesúela. Ofan á mannvöskuna bætist almenn örbirgð.

Norðurlandavinstrið bjó til velferðarríkið og byggði á borgaralegum gildum. Nokkur munur á Osló og Stokkhólmi annars vegar og hins vegar Moskvu og Havana.