Sykurpabbinn og stjórnmálin

Níu framboð eru til alþingis í kosningunum eftir tvær vikur. Sjö eru sykurpabbaframboð en tvö má kenna við Bjart í Sumarhúsum.

Sykurpabbar gefa pening í neyslu og uppihald til þeirra sem nenna ekki að dýfa hendi í kalt vatn og vilja hirða sinn hlut á þurru. Gefa í staðinn blíðu sína og atkvæði. Sykurpabbinn í stjórnmálum kemur bæði í vinstriútgáfum, sósíalistar og Samfylking, en einnig standa þeir í hægrigættinni, Viðreisn. Sumir sykruðu eru bæði til hægri og vinstri s.s. píratar.

Fái sykurpabbar framgang 25. september eykst atvinnuleysi enda óþarfi að afla tekna á borgaralaunum. Ófriður vex enda skjólstæðingar sykurpabba heimtufrekir og tortryggnir á að aðrir fái stærri sleikjó.

Tvö framboð eru í anda Bjarts í Sumarhúsum, sem heldur bjó í aumu koti en að vera upp á aðra kominn. Við eigum að velja á milli þessara tveggja Sumarhúsaframboða.

Verulega dregur úr atvinnuleysi

Athugasemdir

[Ragnhildur Kolka, 11.9.2021 kl. 08:47]

 Þessi frétt vinnur bæði með og á móti Bjarti. Þeir sem gleðjast yfir velgengninni líta bjørtum augum til framtíðar og kjósa Bjart. Og svo eru þeir sem sjá ljósið framundan og hugsa - sløkum á og sjáum hvað ríkið vill gefa okkur. Sjálf er ég vøn að vinna fyrir mínu og held því bara áfram. 

[Sigfús Ómar Höskuldsson, 11.9.2021 kl. 10:37]

 Auðvitað hlaut höfundur og slekti hans að fagna því að atvinnuleysi sé "bara" 5.5 % 

Á meðan sést ekki orð, ekki eitt stakt íslenskt orð um alvöru sykurpabba þegar má sjá hvernig lýðræðishallinn er byggður upp í flokki höfundar og slekti hans.

Þegar oddvitarnir í RVK kjödæmunm eyða 20 milljónum í sætin sín tvö.

20 milljónum !!

Líklegt eða hitt að venjulegur launþegi eigi tök á því að berjast um sömu sæti í "lýðræðisflokknum" sem kenndur er við sjálfstæði.

Það er svo spurning hvað einn og annar sykurpabbi eða aðrir feður næstu aðila á lista greiddu mikið í kosningasjóði frambjóðenda hér í borg hjá Sjöllum.

Á meðan er fagnað með búbblum og bulli þegar 11.500 sálir eru án lífsviðurværis....

Íhaldfólki fer síst batnandi.

[Halldór Jónsson, 11.9.2021 kl. 10:40]

Eg var að hlusta á Brynjar Níelsson og Gunnar Smára á útvarpi Sögu í viðtali við Pétur Gunnlaugsson.

Brynjar er skynsamur maður og er illt ef hann fær ekki sæti á Alþíngi. En með Gunnar Smára gegnir öðru máli.

Glórulaust hatur á öllu sem skilar arði, jafnvel bændum sem eiga beljur. Bara hatur á öllu sem hreyfist við annað en að taka við annarra manna aflafé. Burt með öll fyrirtæki sem skila arði því arður er illur. Gerum allt upptækt og skattleggjum allt sem hreyfist. Ég held að hann myndi sóma sér vel í hópi Talibana. Nóg er hatrið og illskan yfir því hversu honum mistókst að verða ríkur í .þjónustu auðvaldsins, Baugs  og Jóns Ásgeirs á hans velmektardögum þar sem hann endaði með 4 gjaldþrotum þegar hann var sjálfur búinn að sleikja allt þurrt.

Þvílíkur veraldar vitleysingur er þssi maður og hann er vitnisburður um óraunsæi þeirra sem kjósa hann. Þessi maður er bara á eftir annarra manna fé fyrir sjálfan sig hvar sem honum tekst að uppdrífa það.

Hann er akki að vinna fyrir neinn annan en sjálfan sig og þessi Sósíalsistaflokkur hans er bara hans leið til að komast sjaklfur í opinbert fé.