Prósentuvísindi

Einhver prósenta sem fær Codvid-19 deyr. Prósentan er hærri hjá þeim sem eru óbólusettir. Einhver prósenta, eða brot úr prósenti, af þeim sem fá bólusetningu fær aukaverkanir sem í geta jafnvel endað með dauða - en þar eru líkurnar afar litlar.

Út frá þessum prósentum keppist fólk við að mynda sér skoðun á Kínaveirunni og bólusetningum við henni. Töluverður hávaði er skoðanaskiptum andstæðra hópa.

Hér er önnur prósenta til að pæla í. Í venjulegu árferði deyr prósenta sjúklinga á heilbrigðisstofnunum landsins ótímabærum dauðdaga.

Samt dettur engum í hug að best væri að leggja af heilbrigðiskerfið, enda þótt það valdi ótímabærum dauðdaga prósentubrots sjúklinga.

Lyginni líkast er hve margir tapa dómgreind í prósentuvísindum. 

Eina 100% örugga vitneskjan um lífið er að við deyjum öll áður en yfir lýkur.

 

Hinir látnu voru erlendir ferðamenn

Athugasemdir

[Guðmundur Ásgeirsson, 27.8.2021 kl. 18:23]

Samkvæmt fréttinni var einn hinna látnu sprautaður og hinn ekki. Það eru því jöfn hlutföll eða 50% í báðum tilvikum.

[Páll Vilhjálmsson, 27.8.2021 kl. 18:42]

Ef dauðfallið er eitt þá eru prósentin hundrað.

[Ásgrímur Hartmannsson, 27.8.2021 kl. 19:44]

Mér sýnist þá skifta litlu hvort menn eru bólusettir eða ekki.

Þegar tíminn kemur, þá kemur hann.

[Kristinn Bjarnason, 27.8.2021 kl. 20:19]

Að það skuli vera jafn margir dánir af sprautunum og þeim sem hafa fengið vírusinn á Íslandi og bólusettir deyja líka úr vírusnum sýnist mér ekki borga sig að bólusetja sig. Það eru líka margir illa farnir eftir bólusetningar og eflaust ýmislegt eftir að koma í ljós síðar t.d. ófrjóar konur þetta er jú tilraunastarfsemi og vægast sagt glannalegt að mæla með þessu.

Niðurstaðan er að það er engann veginn áhættunnar virði að bólusetja sig.

[Þorsteinn Siglaugsson, 27.8.2021 kl. 21:02]

Það er óvarlegt að draga ályktun af tveimur dauðsföllum. En hitt liggur fyrir að bóluefnin veita litla vörn gegn smiti. Einnig liggur fyrir pestin er sumu fólki hættuleg, en öðru ekki. Fyrir þá sem eru í hættu af pestinni er bólusetning sjálfsögð, hvað sem aukaverkunum líður. Hinum er hún ekki sjálfsögð, vegna aukaverkana.

[Guðmundur Ásgeirsson, 28.8.2021 kl. 01:04]

Ekki gleyma mannlega hegðunarþættinum.

Hin bólusettu komu fjórðu bylgjunni af stað með hegðun sinni.

Öll smit í þessari smitbylgu má því rekja til bólusettra.