Sigmundur Davíð og tilboðið: valdeflum almenning

Sigmundur Davíð og Miðflokkurinn gera almenningi tilboð sem vert er að íhuga. Á hverju ári verði afgangi ríkissjóðs skipt í tvo hluta. Almenningur, þ.e. sérhver íslenskur ríkisborgari, fær helminginn en helmingurinn fer annað tveggja til lækkunar opinberra skulda eða í varasjóð.

Almenningur fengi með þessu fyrirkomulagi tvöfaldan ávinning. Í fyrsta lagi beingreiðslu einu sinni á ári - ef það er afgangur af ríkissjóði. Í öðru lagi stæði almenningur betur að vígi gagnvart stjórnmálamönnum, þingi og framkvæmdavaldi, Árlega gæti almenningur krafið stjórnvöld um útskýringu á hvernig gengi að reka ríkissjóð.

Stjórnmálamenn munu keppast um að þegja í hel tilboð Sigmundar Davíðs og Miðflokksins. Hvers vegna skyldi það vera?

Vill skila afgangi úr ríkissjóði til almennings

Athugasemdir

[Kristinn Bjarnason, 26.8.2021 kl. 16:30]

Sigmundur er mjög undarlegur stjórnmálamaður, hann stendur við kosningaloforð.

[Heimir Lárusson Fjeldsted, 26.8.2021 kl. 17:08]

Sigmundur fær snilldarhugmyndir. Þessi er amk mjög alþýðuvæn.

[Jón Þórhallsson, 26.8.2021 kl. 18:19]

Hvar á aldurs-markið að liggja?

=Hvað þarf fólk að vera gamalt til að geta fengið þessaa greiðslu

18 ára og eldri eða hvað?

[Helga Kristjánsdóttir, 26.8.2021 kl. 22:56]

Ég heyrði hann segja að allir fæddir (minnir 2003?) og upp úr og bætti við að greiðslan yrði send 1.des árið sem uppgjör liðandi árs er vitað.