Tíminn, kynin og Katrín

Líffræðileg kyn eru tvö, kennd við karl og konu. Án tveggja kynja verður líffræðileg þróun óskiljanleg. Þróunarkenning Darwins um uppruna tegundanna er merkingarleysa ef við gefum okkur að kyn sé val einstaklingsins og félagslega skilgreint. Fyrir miðja síðustu öld var til hugmyndafræðin félagslegur Darwinismi. Allir með eitthvað á milli eyrnanna forðast þá hugmyndafræði.

Lög sem segja kyn valkvætt eru andvísindaleg og brjóta gegn heilbrigðri skynsemi. Katrín forsætis og Vinstri grænir telja sig sjálfsagt gera góðverk með lagasetningunni. Öðru nær, því miður. Ef við hættum að taka gott og gilt sem blasir við og er undirstaða skilnings okkar á lífinu og tilverunni er hætt við að fleira fari í súginn.

Við mælum aldur í dögum, vikum, mánuðum og árum, jafnvel mínútum ef því er að skipta. Ólíkt kynferði, sem er gefin stærð í náttúrunni, eru mælieiningar tímans mannlegur tilbúningur. Samt dettur engum í hug að leyfa fólki að ákveða sjálft hversu gamalt það er. 84 ára kraftlyftingakona getur með rökum sagt sér líða ekki deginum eldri en sextugt. Ætti hún að fá heimild til að breyta aldri í þjóðskrá? Vitanlega ekki.

Við þurfum fastar afmarkaðar staðreyndir í tilverunni til að heimurinn sé skiljanlegur. Fastar afmarkaðar staðreyndir eru hornsteinar. Án þeirra blasir við merkingarleysa og óreiða. Ef karl í dag getur orðið kona á morgun er heimurinn óskiljanlegur.

Líffræði verður ekki breytt með lögum. Að stjórnvöld sæmilega upplýstrar þjóðar skuli reyna það segir ókræsilega sögu um dómgreind stjórnvalda. 

Katrín svarar Sigmundi um fjölda kynja

Athugasemdir

[Jón Þórhallsson, 26.8.2021 kl. 07:19]

Það er greinilega komin þörf fyrir KRISTILEGAN FLOKK hér á landi

sem að vil standa vörð um hin gömlu góðu gildi /það sem þú ert að segja: 

------------------------------------------------------------------------

"Lög sem segja kyn valkvætt eru andvísindaleg

og brjóta gegn heilbrigðri skynsemi.

Katrín forsætis og Vinstri grænir telja sig sjálfsagt gera góðverk með lagasetningunni.

Öðru nær, því miður".

[Sigurður Kristján Hjaltested, 26.8.2021 kl. 09:21]

Algjorlega sammala ther Pall.

VG, standa nu undir rettu nafni sem Vinstri Galnir.

[Richard Þorlákur Úlfarsson, 26.8.2021 kl. 12:21]

Samkvæmt lögum, sem allir flokkar nema Miðflokkurinn samþykktu, eru 3 lögleg kyn, karlkyn, kvenkyn og hvorugkyn. Hjá Þjóðskrá Íslands er þetta skráð sem karl, kona, annað.

Vandamálið er auðvitað að hver og einn getur fundið upp sitt eigið kyn og hvorugkyn/annað geta því orðið óendanlega mörg.

Þannig að svarið hjá Katrínu ætti að vera að það séu til óendanlega mörg kyn.

Er nema von að það séu svona margir kynvilltir í dag.

[Tómas Ibsen Halldórsson, 26.8.2021 kl. 12:38]

Einstaklingur sem fæðist með tippi er karlkyns, sé einstaklingurinn ekki með tippi er hann kvenkyns, svona einfalt er það, náttúran segir okkar það.

Ætli Katrín geti sett í lög að sólin hætti að koma upp í austri en komi þess í stað upp í vestri og setjist í austri????? Ég skora á hana og annað ráðvillt fólk að setja það í lög, sjám hvað gerist.

[Halldór Jónsson, 26.8.2021 kl. 13:00]

Ég hef eki rekist á marga kynvillta hunda, hrúta eða hesta á minni tið. Hversvegna er mannfólkið svona sértakt?

[Halldór Jónsson, 26.8.2021 kl. 13:01]

VG, vinstri galnir HO HO

[Stefán Örn Valdimarsson, 26.8.2021 kl. 14:27]

Halldór. Hundum er reyndar alveg sama upp á hvaða kyn þeir fara svo lengi sem leiðin er fær