Heimsfaraldur blásinn af á Íslandi?

Án ásetnings er Ísland tilraunaland fyrir fjórðu bylgju heimsfaraldurs Kínaveirunnar. Katrín forsætis segir önnur ríki fylgjast grannt með þróun mála á Fróni. 

Tilraunin er þessi: getur bólusett samfélag látið fjórðu bylgjuna yfir sig ganga án víðtækra sóttvarna? Það mælir með tilrauninni að bólusettir virðast fá vægt smit í fjórðu bylgju. En kurlin eru ekki öll komin til grafar. Gögnin eru ekki komin í hús.

Með orðum Kára: 

Við erum bara að bíða eft­ir gögn­um. Við erum að haga okk­ur eins og veir­an sé skaðvæn­leg en að von­ast til að hún sé það ekki.

Skili tilraunin jákvæðri niðurstöðu, að fjórða bylgja sé hættulítil bólusettu samfélagi, gæti heimsfaraldurinn verið blásinn af á Íslandi. Yrði saga til næsta bæjar.

Á hinn bóginn, ef tilraunin skilar neikvæðri niðurstöðu, er ólíklegt að Katrín verði forsætis eftir 25. september. Ekki heimsfrétt það. Heldur þó leitt tilfallandi mörlanda.

Hanna aðgerðir á grundvelli gagna

Athugasemdir

[Jón Steinar Ragnarsson, 28.7.2021 kl. 17:28]

Semsagt, Katrín er að spila rússnenska rúllettu? Ef "bylgjan" er saklaus, lifir hún, ef ekki, fellur hún. Það er spurningin um völd, sem ráða gjörðum hennar framar öðru?

Ertu ekki genginn of langt í að stjórnmálatengja hlutina?

[Guðmundur Ásgeirsson, 28.7.2021 kl. 20:53]

Það magnaðasta er að nú hefur loksins verið viðurkennt að þetta sé allt ein stór tilraun, það er ekki lengur "samsæriskenning".

[Grímur Kjartansson, 28.7.2021 kl. 22:02]

Hvað á eiginlega að gera?
Einangra hvern og einn í lokuðu rými án samskipta við aðra
er það ekki skilgreining á fangelsi

og við erum að tala um lífstíðardóm