Villidýr og vísindi

Indverska afbrigði Kínaveirunnar er lýst sem ,,algjöru villidýri" í meðfylgjandi frétt. Myndræn framsetning á veiru sem er ósýnileg mannsauganu eykur skelfingaráhrifin sem þjónar þeim tilgangi að fá fólk til að hlýða boðum og bönnum til að verjast villidýrinu.

Farsóttarvarnir eru sagðar byggðar á vísindum. Það segir aðeins hálfa söguna. Snemma í farsóttinni voru þau ,,vísindi" búin til að veiran væri náttúruleg, hefði orðið til á kjötmarkaði í Wuhan í Kína. 

En vaxandi líkur eru á að veiran sé manngerð, hafi orðið til í rannsóknastofu í Wuhan. Judith Curry tekur saman frásögnina um falsvísindin að baki meintri þekkingu um uppruna Kínaveirunnar.

Hvort heldur náttúruleg eða manngerð er Kínaveiran staðreynd sem þarf að takast á við. En hún er ekki villidýr. Ekki frekar en að vísindin séu óbrigðul.

Kappa lýst sem „algjöru villidýri“

Athugasemdir

[Jón Þórhallsson, 2.6.2021 kl. 11:27]

Það er rétt að minna á það að 5G-SÍMTURNA-KERFIР

var fyrst sett upp í nákvæmlega sama samfélagi

og covid-einkennin koma fyrst fram; Whuhan.

það getur varla verið tilviljun.

Ef að eitthvert fólk með Dr.gráðu gæti nú sannað samspilið á milli þessaara tveggja þátta að þá gæti lausnin / sökudólgurinn verið fundinn.

Ég mæli hérna sérstaklega með súlutitinu á mínútu 20:30: 

https://www.youtube.com/watch?v=yNBYF2ry6lc

[Ómar Geirsson, 2.6.2021 kl. 18:40]

Blessaður Páll.

Ég er nýbúinn að lesa nýjasta pistil þinn þar sem þú rekur málarekstur fréttamanns Rúv gegn þér vegna færslu frá árinu 2013, þar sem þú leiðréttir þá vísvitandi fölsun að tala um aðildarviðræður við ESB þegar hið rétta  var að þjóðin var í miðju aðlögunarferli við að taka upp lög og reglur sambandsins.  Þú tengir þetta við Samherja málið og bendir á að ólíkt Ruv, þá "Tilfallandi athugasemdir eru þannig gerðar að þær taka mið að veruleikanum en ekki ímyndun og fordómum".

Þess vegna get ég ekki orðum bundist þegar ég las þennan pistil þinn og þessa framsetningu þína gagnvart vísindum og þekkingu; "Farsóttarvarnir eru sagðar byggðar á vísindum. Það segir aðeins hálfa söguna. Snemma í farsóttinni voru þau ,,vísindi" búin til að veiran væri náttúruleg, hefði orðið til á kjötmarkaði í Wuhan í Kína. ".

Hvað fær þig til að halda að vísindasamfélagið almennt sé undir hælnum á kínverskum stjórnvöldumm??, varla þessi grein sem þú vitnarí, áróður er aldrei fagleg gagnrýni eða vísindalegt debat sem tekst um ólík sjónarmið þar sem báðir aðilar færa rök fyrir sínu máli. 

Það er rétt að grunsemdir kviknuðu strax um uppruna veirunnar vegna nálægðarinnar við rannsóknastofuna í Wuhan, og þá getum við leikmennirnir gert fátt annað en að vísa þeim grunsemdum til fræðanna, fá þau til að skera úr um. 

Arn­ar Páls­son­, erfðafræðingur og pró­fess­or í lífupp­lýs­inga­fræði við Há­skóla Íslands, er sá landi okkar sem hefur þekkinguna, mér vitanlega ótengdur kínverskum stjórnvöldum, hefur fjallað um þessar grunsemdir og á þátt í svari á Vísindavefnum þar sem spurt Var COVID-19-veiran búin til á rannsóknastofu í Wuhan og sett saman úr SARS og HIV.

Og í stuttu máli er Nei, ekki miðað við þekkta vitneskju um getu mannsins og það sem vitað er um kóvid veiruna.  Í viðtali við Kjarnann útskýrir Arnar þessa niðurstöðu; "

"Arnar segir í samtali við Kjarnann að fræðilega séð sé hægt að setja saman veiru úr öðrum þekktum veirum. Þá er í raun notuð aðferð sem hægt er að lýsa sem "copy-paste" í einföldu máli. Pörtum úr ólíkum veirum er splæst saman til að búa til nýja. En slíkt myndi alltaf sjást í greiningu á veirunni, hlutar af erfðamenginu væru þá sambærilegir við hluta úr erfðamengi þekktra veira. "En til að komast að því þarf vitneskja um þekktu veirurnar að vera tiltæk í opnum gagnagrunnum," bendir Arnar á.

Hvað varðar nýju kórónuveiruna þykir ljóst að hún beri þess engin einkenni að vera samsett úr öðrum veirum. "Öll gen í erfðamengi hennar eru frábrugðin röðum sem þekktar eru í öðrum skyldum veirum.".

Í greininni á Vísindavefnum er vitnað í ítarefni og í einni greininni er þetta betur útskýrt, það er um möguleikann, hvað er hægt og hvað er ekki hægt miðað við núverandi tækni;

"The acquisition of both the polybasic cleavage site and predicted O-linked glycans also argues against culture-based scenarios. New polybasic cleavage sites have been observed only after prolonged passage of low-pathogenicity avian influenza virus in vitro or in vivo¹⁷. Furthermore, a hypothetical generation of SARS-CoV-2 by cell culture or animal passage would have required prior isolation of a progenitor virus with very high genetic similarity, which has not been described. Subsequent generation of a polybasic cleavage site would have then required repeated passage in cell culture or animals with ACE2 receptors similar to those of humans, but such work has also not previously been described. Finally, the generation of the predicted O-linked glycans is also unlikely to have occurred due to cell-culture passage, as such features suggest the involvement of an immune system".

Nú er það spurningin Páll hvort Tilfallandi athugasemdir rói í sömu knérin að hætti Rúvara, ástundi blekkingar í stað þess að reyna fara rétt með.

Það væri til dæmis ráð að spyrja Arnar hvort eitthvað hafi breyst frá því að greinin var skrifuð og viðtalið við hann tekið, en þessi skrif eru um ársgömul. 

Eða vitna í endurskoðaða þekkingu því það sem var rétt í gær, þarf ekki að vera rétt í dag. 

En maður platar ekki fólk með því að vitna í áróður.

Kveðja að austan.

[Ómar Geirsson, 2.6.2021 kl. 18:46]

Hér er linkur á greinina á Vísindavefnum.

https://www.visindavefur.is/svar.php?id=78995

Heimild (2) er þessi grein;

https://www.nature.com/articles/s41591-020-0820-9?utm_source=fbk_nnc&utm_medium=social&utm_campaign=naturenews&utm_medium=social&utm_content=organic&utm_source=facebook&utm_campaign=NatureNews_&sf231597135=1&fbclid=IwAR3m2LPY_4IkbDwvjDArTH7IJAIvFSHfv2elT2dqewsJAMt5gNE3FEoq5jw

Og hér er góð grein af bloggsíðu Arnars þar sem hann spáir í hvaðan Kóvid--19 veiran kemur.

https://uni.hi.is/apalsson/IS/2020/03/24/icelandic-hvadan-kom-covid-19-veiran/

Mun skilmerkilegri lesning en greinin eftir Curry.

Það eina sem er áhugavert í henni er hvað gengur fólki til sem trúir svona framsetningu??

Kveðja að austan.