Á svörtum lista: gíslataka í stafrænum heimi

Íslenskur maður er settur á svartan lista kínverskra stjórnvalda fyrir þær sakir að hafa aðrar skoðanir en þeim kínversku geðjast að. Tilefnið er þó annað og meira. Jónas Haraldsson er svartlistaður sökum þess að íslensk stjórnvöld skipta sér af kínverskum innanríkismálum, segir í yfirlýsingu kínverska sendiráðsins. 

Samkvæmt þessu er Jónas settur á svartan kínverskan lista þar sem hann hefur óæskilegar skoðanir, að áliti Kínverja, og er íslenskur ríkisborgari og að íslensk stjórnvöld ybba sig út af mannréttindabrotum í Kína.

Í raun er Jónas tekinn sem gísl fyrir málefni sem hann ber enga ábyrgð á; stefnu íslenskra stjórnvalda gagnvart Kína. 

Í milliríkjadeilum, t.d. Bandaríkjanna og Rússlands, þekkist að einstaklingar nákomnir Pútín Rússlandsforseta séu settir á svartan lista bandarískra stjórnvalda. En það ber nýrra við þegar einstaklingur út í bæ, sem Jónas er, er allt í einu kominn á svartan lista stórþjóðar. Kínverjar gætu allt eins tekið upp á því að setja á svartan lista alla íslenska karlmenn sem hafa Þ sem upphafsstaf í eiginnafni.

Í stafrænum heimi er gíslataka af þessu tagi möguleg. Jafnvel þó menn ætli sér ekki til Kína eða eiga nokkur viðskipti við Kínverja er allur þorri manna með stafrænt vistspor. Á netinu er eru keyptar vörur og margvísleg þjónusta og þar er stunduð afþreying og félagsleg og pólitísk samskipti. Kínverjar eru stafrænt stórveldi og með víðtæk ítök í grunnkerfum alnetsins.

Fælingarmáttur Kína er orðinn slíkur að fjölmiðlar á Íslandi þora ekki fyrir sitt litla líf að kenna yfirstandandi faraldur við Kínaveiruna en tala fjálglega um breska og brasilíska afbrigðið.

Kínversk gíslataka á íslenskum borgara er ekkert grín. Hér er á ferðinni grafalvarlegt dæmi um ósvífna tilraun til ritskoðunar í einn stað og í annan stað er óbreyttur borgari notaður í diplómatískum sálfræðihernaði.

Maður bíður eftir því að íslensku gúlag-lögmennirnir rjúki upp til handa og fóta og gefi út digrar yfirlýsingar um mannréttindabrot. En líklega verðu sú bið löng. Kjölturakkar eru fremur til heimabrúks. 

 

 

 

Skrif ellilífeyrisþega flækt í milliríkjadeilu

Athugasemdir

[Grímur Kjartansson, 17.4.2021 kl. 17:36]

Það lítur út fyrir að  Kínverk stjórnvöld aðhyllist aðhvarfsmeðferðir - regression. 

"Today regression therapies have been discredited for generating false memories" Aðferðin gengur einfaldlega út á að fólk er látið slaka á og gefin vellíðunartilfinningu við að muna réttu hlutina.

Aðferðin virka mjög vel til að búa til múgæsing með tilheyrandi nornaveiðum. Líkt og fjölmörg dæmi eru um.