Pírati býr til spillingu - í pólitískum tilgangi

Píratinn Halldór Auðar Svansson er einn höfunda skýrslunnar um spillingu á Íslandi, upplýsir Brynjar Níelsson. Halldór Auðar vill komast á þing.

Halló Hafnarfjörður, er það ekki spilling að búa til skýrslu um spillingu og bjóðast sjálfur til að lagfæra ósköpin? Hvort er líklegt að Halldór Auðar hafi bætt í eða dregið úr  meintri spillingu, - þegar hann sjálfur hyggst hagnast á henni?

Vinstrifuglar eins og Halldór Auðar gera Ísland ljótt og bjóða síðan fegrunaraðgerð á kostakjörum. Fremur ósmekklegt, svo ekki sé meira sagt. Að ekki sé talað um hugarfarið að baki. Ljótleikinn byrjar innra með fólki.

 

Ísland í 17. sæti á spillingarlista

Athugasemdir

[Helga Kristjánsdóttir, 2.2.2021 kl. 17:36]

Óskaplega hef ég oft lesið samskonar stefnu um aukinn jöfnuð,að ég tali ekki um nýja /bætta Stjórnarskrá sem Alþingismenn ætla einir að breita.Halda menn virkilega að nokkrir stjórnmálamenn fyrirbyggi alla spillingu án aðkomu þjóðarinnar að þeim dýrgripi? Nei aldrei!  

[Halldór Jónsson, 2.2.2021 kl. 19:28]

Sjaldan hef ég lesið aðra eins moðsuðu og dellu sem þessi Halldór nafni minn setur saman. Það er ekki nokkur leið að vita fyrir hvað hann stendur. hvað hann vill. Stjórnarskrá um hvað? ESB og upptaka evru? Fjölgun hælisleitenda? Maðurinn blaðrar út í eitt enda veit varla nokkur hvað þessir Píratar vilja eða hvert þeir stefna. Ég hef allavega engann hitt sem þykist vita það.