Bólublús Katrínar og Frankensteinvísindi

Svandís heilbrigðis setti allt sitt traust á Evrópusambandið í útvegun bóluefnis. Það voru mistök. ESB er ónýtt skrifræði ólíkra hagsmuna. Katrín forsætis tók til við að hringja út og suður eftir bóluefni. Þórólfur sótti og Kári galdramaður voru gerðir út af örkinni til Pfizer að herja út efni.

Áhöld er um hvort Ísland fái nægt bóluefni í tæka tíð til að komast með þeim fyrstu í mark í spretthlaupinu eftir hjarðónæmi.

En fleira hangir á spýtunni. Bólefnin á markaði eru hraðvinnsla. Dæmi eru um að lyf sem ekki eru prófuð nægilega valdi meiri miska en bata. Kínaveiran veldur fæstum hraustum manneskjum skaða. Heilbrigður einstaklingur getur aftur orðið veikur fái hann drasl sprautað i líkamann.

Enginn veit hvort einhver bóluefnanna á markaði valdi langvarandi aukaverkunum. Menn vita ekki heldur um langtímavörn bóluefnanna. Tíminn einn leiðir það í ljós. Til lítils er að koma fyrstur í mark en hníga svo dauður niður.

Katrínu forsætis er nokkur vandi á höndum. Flýti hún sér ekki nógu mikið í útvegun bóluefnis fær hún gagnrýni en fari hún of geyst gæti óvandað efni ratað í skrokk landsmanna.

Sýnum Katrínu landsmóður skilning andspænis krefjandi stöðu.

Hafa ekki rætt veitingu bráðaleyfis á undan ESB

Athugasemdir

[Grímur Kjartansson, 3.1.2021 kl. 11:22]

Katrín útskýrði þessa samninga við ESB í Kryddsíldinni. Í byrjun faraldurs þá var talið hagkvæmt að vera í samfloti við ESB til að eiga möguleika á að fá fyrstu skamtana af bóluefni sem við höfum fengið!  En þetta bindur engan vegin hendur okkar að gera aðra samninga.

Þorgerður Katrín bullar um að engar upplýsingar séu aðgengilegar sem er ekki rétt því ALLAR staðfestar upplýsingar má nálgast á Bólusetningar (covid.is). Logi með sitt græna hagkerfi hafði náttúrlega mestar áhyggjur af því að Íslendingar væru að troða sér fram fyrir fátæku þjóðirnar.

Á Lyfjastofnunar Comirnaty (BioNTech/Pfizer) - Lyfjastofnun má lesa sér til um þetta bólusetningarefni en vissulega finnst manni óhugnanlegt að verið sé að sprauta í mann efnum sem valda genabreytingum en á hinn bóginn þá er maðurinn búinn að vera borða erfðabreytt matvæli í fjölda ára án þess að það hafi haft nein slæm áhrif.

[Ragnhildur Kolka, 3.1.2021 kl. 15:10]

Semjum við frjálst Bretland og fáum AZ-bóluefnið með hraði. Það er til í óhemju magni og er auðvelt í flutningum. Það er hefðbundið og ætti því ekki að kalla fram ófyrirséð áhrif í framtíðinni. Að það veiti aðeins 70% vørn gegn smiti er ekkert vandamál, þ.s.það kallar fram nægilega mótefnamyndun á 3 vikum til að vinna gegn veirunni og milda sjúkdóminn. Fólk þarf bara að passa sig í 3 vikur og búa sig undir að, hugsanlega, fá smá flensupest. 

[Gunnar Rögnvaldsson, 3.1.2021 kl. 17:05]

Páll. 

Það væri svo sem eftir annarri þvælupólitík nútímans að fólk sem trúir á þvaðurkenninguna um loftslagsvá sé sem sagt "vandi á höndum" í því að trúa á bóluefni sem prófað hefur verið á tugþúsundum manna, og sem byggt er á ævistarfi margra afar jarðbundinna vísindamanna, og sem sennilega aldrei myndu trúa á pólitíska þvælustefnu vinstrimanna, sem er græn að utan en rauð að innan.

Fyrst við erum komin á þetta nýja stig Neanderdalmennsku nútímavinstrisins, þá er víst óhægtt að segja að hér sem annars staðar á Vesturlöndum ríki stofnanakreppa á háu stigi (e. institutional crisis") nánast hvert sem litið er.

Eini vandinn sem á höndum forsætisráðherrans er, er sjálft sjálfskaparvítið sem hún sjálf hefur skapað með grænþvælu sinni áratugum saman.

Enginn trúir henni.

Kveðjur

[Guðjón E. Hreinberg, 3.1.2021 kl. 23:38]

Ég finn ekkert hjá Lyfjaeftirlitinu um þessi mRNA genaskæri sem Lýðveldið er að kaupa.

[Guðjón E. Hreinberg, 3.1.2021 kl. 23:47]

Leiðrétting frá fyrri athugasemd (ég leitaði á rangar slóðir).

Það sem ég var að leita að var vottunarferlið og það er (eins og ég átti von á) álíka og gömlu girðingaviðgerðirnar (vasahnífur og snærisspotti).

https://www.lyfjastofnun.is/lyf/covid-19/boluefni-gegn-covid-19/