Jafnvægi á Íslandi, sjálfsmorðshlýnun í heiminum

Náttúran velgir og kælir á víxl, vitum við á Íslandi. Trausti okkar Jónsson rekur skilmerkilega hvernig náttúran gefur og tekur yl og svala síðustu 200 ár hér á Fróni.

Út í heimi er verri sögu að segja. Þar stefnir í sjálfsmorðshlýnun á næstunni ef við hættum ekki að nota jarðefnaeldsneyti, segir Ant­onio Guter­res, aðal­fram­kvæmda­stjóri Sam­einuðu þjóðanna.

Ætli náttúran hætti að virka um leið og við sleppum henni út fyrir landsteinana? Eða getur verið að Guter­res, Gréta Thunberg og Al Gore kunni eitthvað lítið fyrir sér í náttúrufræðum en þess meira í pólitískum áróðri og aðgerðastjórnun til að hræða fólk til fylgis við hindurvitni?

Heimurinn gengur reglulega af göflunum. Ekki vegna manna eins og Trausta Jónssonar heldur af sortinni Guter­res, Thunberg og Gore. 

Náttúran, aftur, heldur sínu striki, bæði gefur og tekur.

Meðalhiti í ár lægri en undanfarin ár

Athugasemdir

[Benedikt Halldórsson, 5.12.2020 kl. 10:35]

Veðurlygar er heilasjúkdómur. 

Var staddur í Póllandi þegar hitabylgja vegna "hamfarahlýnunar" gekk yfir samkvæmt heimsfréttunum og RÚV. Jafnvel þótt erlendar fréttastofur geri heimsendi úr sumri og sól, er engin afsökun að taka þátt í slíkum lygum á Íslandi. Engin veðurfræðingur getur dregið stórar ályktanir um veðrið í framtíðinni, hvað þá fréttamaður. Samanlagt skipta "smálygarnar" þúsundum en þær breyta ekki veðrinu, ekki frekar en regndans kalli á rigningu. 

Svo eru sagðar fréttir af hopandi jöklum en jöklar hafa hopað frá því að síðustu ísöld lauk fyrir meira en 10 þúsund árum. Lygasjúkir hagræða gögnum svo illa að lygarnar blasa við eins og vínlykt af alkóhólista.  

Það er einfaldlega valdabarátta í heiminum - um yfiráð yfir okkur. Frekar en að ráðast inn í einstök lönd rignir veðurlygum yfir löndin þar til þau gefast upp og lúta valdi æðri máttar. Sama gamla sagan. Þeir sem ekki taka þátt eru lagðir í einelti sem er næsti bær við Helvíti.

[Kristinn Bjarnason, 5.12.2020 kl. 21:37]

Fjölmiðlar í dag eru notaðir til að heilaþvo fólk. Það er sorglegt að fylgjast með hversu auðvelt er að innprenta allskonar þvælu í fólk. Það er einmitt eins og það sé sérstakt átak í heiminum í dag um að ná fullkomnu valdi yfir fólki.

[Helga Kristjánsdóttir, 6.12.2020 kl. 02:48]

 Mér stendur stuggur af G.unum þrem; Guterres,Grétu og Al Gore ekki síst nú þegar aðal framkvæmdastjóri S.Þ.Portugalinn Guterres fær veðursýkis lygakast í Háskóla i New york og minnir á afmæli Parísarsáttmálans 12 des. Það verður kvíðvænlegt að horfa upp á rikisstjórn Íslands taka þátt í þessari hringa vitleysu.