Femínismi virkar ekki fyrir stráka

Skólakerfið er femínískt í tvennum skilningi. Í fyrsta lagi eru konur ráðandi, 90 prósent kennara í grunnskólum er konur og meirihluti framhaldsskólakennara er konur. Í öðru lagi er femínísk hugmyndafræði ráðandi í skólastarfi með kvenlægum hugtökum og viðmiðum.

Femínismi virkar ekki fyrir stráka, þeir eru maskulín, karlkyns.

Afleiðingin af kven- og femínistavæðingu skólakerfisins er að strákar læra ekki grunnfærni, lestur, til að takast á við sjálfa sig og samfélagið. Aðeins 30 prósent háskólanema eru karlkyns, konur eru 70 prósent.

Við sem samfélag stefnum í ógöngur með strákana okkar.

Staða íslenskra pilta áhyggjuefni

Athugasemdir

[Grímur Kjartansson, 21.11.2020 kl. 18:38]

Af tilviljun þá tók ég eftir að eiginlega allir drengir á bekkjamyndum mínum úr Barnaskóla voru í peysum (úr kaupfélaginu?) en ekki stúlkurnar

Einn vinur minn kom með þá útskýringu að strákarnir hefðu alltaf verið úti að leika en í minni minningu þá voru bara allir í Keflavík úti að leika óháð kyni.

Eina sem mér dettur í hug er að stelpurnar vissu að til stóð að mynda og fóru úr peysunum fyrir myndatöku meðan strákunum var alveg sama um útlitið?

[Þórhallur Pálsson, 21.11.2020 kl. 18:49]

Nú fór ég að hlæja, þegar ég las hvernig þú misskilur orðið grunnfærni.
Grunnfærinn maður er einfeldningur.  Grunnfærni er einfeldningsháttur.
Skólar eiga alls ekki að gera nemendur sína að einfeldningum.

[Helga Kristjánsdóttir, 21.11.2020 kl. 19:04]

 Prófessorarnir ætla þó ekki að annað en háskólanám gagnist strákunum okkar í lífinu. Þá langar marga að hnikla vöðvana og vinna við t.d.iðn og tæknigreinar.Mjög margir drýfa sig og læra eftir að hafa unnið í byggingarvinnu þar til þeir eru ekki lengur drengir. Ein ágætis skipasmíðastöð var starfrækt á Akureyri fyrir langalöngu margir sáu eftir henni sem var þá auðvitað typiskur karlavinnustaður,en nokkuð sem hentaði öllum hugmyndaríkum í dag.

[Páll Vilhjálmsson, 21.11.2020 kl. 19:32]

Kvenkynsnafnorðið grunnfærni og lýsingarorðið eru tvennt ólíkt, Þórhallur. Margur hlær að eigin heimsku.

[Benedikt Halldórsson, 21.11.2020 kl. 19:49]

Ég hlustaði áhugasamur á rauðsokkur í útvarpinu um fermingu og var bara nokkuð sammála þeim. Eins þegar ég las í sögubókum að þrælum hafi verið gefið frelsi. Skilaboðin eru augljós. Ekki skal hneppa nokkurn í þrældóm, hvorki konur né karla, hvíta né svarta. Það þarf ekki að telja upp alla í heiminum. Það er átt við ALLA. Ég skil, segir strákar í grunnskóla en tekur þá ekki mikið meira en 5 sekúndur að skilja grunnin sem jafnrétti og mannréttindi byggir á. En femínistar láta sem fullorðnir karlar á vegum feðraveldisins hafi alltaf staðið í veginum en þökk sé baráttu þeirra sjálfra, hafa náðst óvæntar framfarir! Femínistar ímynda sér að engin botni upp né niður í veröldinni nema með stöðugum áróðri sem smátt og smátt kemur upp viti í þöngulhausana. Það þarf að mennta fólk í hinum flóknu sérviskulegum fræðum með marxísku ívafi. Auðvitað hata strákar isma sem vanmetur fullorðna karla, hvað þá stráka í grunnskóla sem þurfa að sitja undir ömurlegum predikunum - árum saman.