RÚV er frekjan á ríkisheimilinu

RÚV hótar öllu illu ef það fær ekki nammipening úr sjóðum almennings. Freka barnið á ríkisheimilinu hótar brjálæðiskasti ef það fær ekki að áfram að brjóta mannasiði, lög og reglur, sem aðrir heimilismenn verða að hlíta.

Frekjuvald RÚV byggir á ráðandi stöðu á fjölmiðlamarkaði. Efstaleiti rekur sjónvarps-, útvarps- og netmiðla sem mala kvörnina allan sólarhringinn og er stærsti einstaki miðillinn sem skilgreinir opinbera umræðu.

RÚV úthýsir þeim sem gera sig líklega til að hemja yfirganginn og umbunar þeim sem eru gólftuskur frekjunnar. Fréttir eru samdar til samræmis við hagsmuni RÚV, herferðir eru skipulagðar en önnur mál þögguð. Húsvinir Efstaleitis fá boð í umræðuþætti á meðan andmælendum er gert að naga þröskuldinn.

Lagasniðganga RÚV, sem Óli Björn ræðir í Moggagrein í dag, er kurteist orð yfir frekjubarnið á Efstaleiti sem aldrei vex úr grasi.

Vill endurskipuleggja RÚV

Athugasemdir

[Benedikt Halldórsson, 11.11.2020 kl. 11:17]

Stundum er talað um afleidd störf. Í tilfelli RÚV  hefur spillingingin margfeldisáhrif á menninguna. Aðeins smáfiskar, ásamt vinum, vandamönnum og klíkufélögum komast í gegnum litlu möskvana. Stórfiskar eru útilokaðir. Lítið dæmi. Við gátum hlegið okkur í gegnum fyrri erfiðleika en nú eru beittir húmoristar útilokaðir. Gísli Marteinn er löggiltur brandarakall RÚV. Fólk er að missa alla von. 

[Jón Þórhallsson, 11.11.2020 kl. 11:43]

Hvað myndir þú gera Páll ef að þú fengir að vera útvarpsstjórninn á rúv?

=Hvað myndir þú leggja meiri áherslu á 

og hvað mybndir þú skera niður?

[Grímur Kjartansson, 11.11.2020 kl. 12:28]

RUV er nú allt í einu komin með gömul gögn um Arnarholt. Mun enginn spyrja hvar og hvernig RUV komst yfir þessi leynigögn úr skjalkerfi Reykjavíkurborgar?

[Benedikt Halldórsson, 11.11.2020 kl. 13:00]

Spillingin. Dæmi.

Hver amatörinn eftir annan fær styrk til að gera kvikmyndahandrit - með "réttan"  "boðskap" sem allir eru reyndar búnir að fá upp í kok. Hvenær hætta þessar bölvaðar siðapredikanir? Ekki meir, ekki meir.  Í hvaða veröld lifir fólk? Hefur engin snefil af innsæi? Þekkir engin í RÚV/menningunni venjulega ósnobbaða íslendinga? 

Það er ekki nóg að hafa gott sjálfsálit til að skrifað gott handrit. Allir byrjendur gera sömu mistökin. Svo loksins þegar hrokinn fer af mönnum eftir því sem þeir þroskast og verða færari og eldri, er ekki leitað til þeirra. Eftir 30 ár þegar núverandi byrjendur eru loksins orðnir snillingar eftir endalaus mistök og þrotlausar æfingar, er ekki leitað til þeirra. Eru þeir of stórir? Þarf RÚV/menningin "lærlinga" sem hægt er að móta eins og leir? Hvernig væri ef sinfóníuhljómsveit Íslands segði upp góðum hljóðfæraleikurum til að gefa ungu "róttæku" fólki sem kann ekki á hljóðfæri, tækifæri?

Það er ekki áhorfendum bjóðandi að fela kunnáttuleysið á bakvið íslenska "róttækni" sem er hvorki fersk né frumleg. Venjulegt fólk sem ræður við lífið, hatar áróður sjálfmiðaðs fólks.

Það er gott hjá þingmönnum að vekja máls á að RÚV fer ekki að lögum. Engin í menningunni vogar sér að setja út á ruglið.  

[Benedikt Halldórsson, 11.11.2020 kl. 13:17]

Vegna bjánalegra útlendra siða var tekinn upp sá háttur að hafa annan hvern handritshöfund konu. Það var ekki beðið eftir að það gerðist smátt og smátt eftir því sem hver og einn, karl eða kona, yrði færari. Nei, það þýddi að sjálfsögðu að menn eins og Einar Kárason og allir sem eitthvað kunna af karlkyni eru útilokaðir. Það er ekki þeirra að kvarta, heldur áhorfanda sem vilja góða skemmtun. Einar er skemmtilegur. RÚV er leiðinlegur varðhundur. 

[Benedikt Halldórsson, 11.11.2020 kl. 13:38]

Hvernig fer valið fram? Jú, ungt fólk sem hefur nýlega lokið námskeið í handritsgerð fær styrk. Reynsluleysið og áhrif "róttæka" kennarans skín í gegn. Tískupólitíkin er allsráðandi. Bara áróður, innræting og predikanir. Það er menningarlegt hrun. 

[Benedikt Halldórsson, 11.11.2020 kl. 13:50]

Fyrst þurfa "listamenn" að geta sagt sögu sem er áhugaverð. Predikun er ekki saga. Engin nennir að  hlusta á þær.