Evrópa fellur í kóf - hvað með afleiðingarnar?

Vonir um hjöðnun Kínaveirunnar með haustinu eru að engu orðnar. Hugmyndir um að veiruvarnir séu óhóflega harkalegar að teknu tilliti til hættunnar eru kveðnar í kútinn.

Lýðheilsa og heilbrigðiskerfi eru í forgangi, efnahagur og félagsleg vandamál víkja. Að mörgu leyti rökrétt niðurstaða. Skylda við líf og heilsu borgaranna gengur fremst hjá ríkisvaldi er vill halda lögmæti.

Efnahagskreppan í kjölfar farsóttarinn verður dýpri og langvinnari er líður á. Pólitískar víglínur skerpast. Enn er óljóst hvernig valdaelítur koma undan farsóttarárinu 2020 og eftirleiknum næstu misseri og ár.

Fjöldamótmæli víða í Vestur-Evrópu gefa til kynna að töluverður fjöldi borgaranna telur ríkisvaldið taka skakkan pól í hæðina. Nái andófið fótfestu og verði það víðtækara er ekki að vita nema pólitísk lausung aukist. Gamla Evrópa má eiginlega ekki við því, satt að segja. 

Útgöngubann í Frakklandi

Athugasemdir

[Jón Þórhallsson, 29.10.2020 kl. 09:05]

Er allt fólk með Dr.gráður sammála um allra fyrsta uppruna covid-einkenna? 

Hérna er kona með Dr.gráðu sem að vil meina að það sé 5G-símkerfið

sem að sé að senda frá sér óæskilega geislavirkni

sem að framkallar covid-einkennin

en ekki þannig að það séu einhverjar sýklapöddur svífandi inn um öndunarfæri

og að berast um óhreinar hendur.

Ég skora á alla að hlusta á þetta viðtal: 

https://lbry.tv/@weareresistance:9/Dr-Christiane-Nortdrone-shares-her-findings-on-why-vaccines-and-5G-are-dangerous:5?fbclid=IwAR3dfBUZvVRCs0mjw57u9GpCJrsdvqvDJEbJq29X0ogozo8GYOLE8bS4jPU

[Þorsteinn Siglaugsson, 29.10.2020 kl. 09:59]

Lýðheilsa snýst um heilsu allra til lengri tíma. Lýðheilsusjónarmið eru einmitt látin víkja fyrir því skammsýna og heimskulega markmiði að treina faraldurinn út í það óendanlega.

[Grímur Kjartansson, 29.10.2020 kl. 10:05]

Mér fannst nú líka Kári vera grípa eftir hálmstráum í gær þegar hann sagði að hugsanlega þá væri veiran meira smitandi núna en áður?

En er í alvöru er verið að tala um að setja útgöngubann á Íslendinga. Væri þá ekki nær að leggja persónuverndarsjónarmið til hliðar og taka upp aðferðir Suður Kóreu sem eru þeir einu sem náð hafa marktækum árangri í baráttunni við veiruna og nota alla tiltæka tækni til að kortleggja og birta ferðalög smitbera – GSM rakning, kortaupplýsingar og fl.

[Þorsteinn Siglaugsson, 29.10.2020 kl. 10:56]

Kári er ekki sérfræðingur í sóttvörnum eða faraldursfræði. Óskiljanlegt að hann skuli orðinn aðalráðgjafi stjórnvalda. Þessi maður er millistjórnandi hjá amerísku lyfjafyrirtæki og hann var einu sinni taugalæknir, en það eru áratugir síðan.

[Benedikt Halldórsson, 29.10.2020 kl. 11:08]

Í suður Ameríku fækkar dauðsföllum, þar er kúrfan almennt á niðurleið. Í Afríku og Asíu deyja fáir. Pólland setti nánast á herlög í vor að hætti Kára, en veiran lekur í gegnum allar hervarnir.

Ég tel að Kári fari offari og máli skrattann á vegginn, það er hans stíll, en engin kaus hann sem einræðisherra.

Það er margt sem bendir til að fyrir utan ákveðin svæði í heiminum veiran í rénun.  

[Ragnhildur Kolka, 29.10.2020 kl. 12:31]

Það skyldi þó ekki vera að þeir sem rústuðu umræðunni um Hydroxichloroquine meðferð við Covid-19 í vor verði á endanum dregnir til ábyrgðar. Nú hefur grein Dr.Zelenko loksins fengist samþykkt og birt og gæti þá valdið straumhvörfum í meðhöndlun pestarinnar. Í það minnsta í löndum þar sem Trump heilkennið er ekki  eins útbreitt og á Vesturlöndum. 
Greinina má lesa hér https://www.ncbi.nlm.nih.gov/pmc/articles/PMC7587171/  og sjá að notkun lyfjakokteilsins á fólk í áhættuhópum áður en til spítala innlagnir kemur bætir lífslíkur marktækt. 

[Benedikt Halldórsson, 29.10.2020 kl. 18:30]

Vonandi verða menn dregnir til ábyrgðar. 

Hydroxychloroquine talið gagnslaust og hættulegt – ekki fullljóst hvaða lyf eru notuð hér á landi 

Að sögn Magnúsar Gottfreðssonar, í samtali við visir.is, fengu "innan við 200" Íslendingar lyfið í tilraunaskyni hér á landi. Lyfið hefur verið í miklu uppáhaldi hjá forseta Bandaríkjanna og fleiri sjálfskipuðum sérfræðingum í lækningum og remedíum, en hefur frá upphafi veirusóttarinnar verið afar umdeilt meðal raunverulegra sérfræðinga í lækningum.

Afturkalla tímabundið leyfi við notkun malaríulyfja við Covid-19

Leyfið tímabundna hafði aðeins gilt vegna sjúklinga sem lagðir höfðu verið inn á sjúkrahús vegna Covid-19 en læknar gátu þó, og geta enn, sótt um að fá nota lyfin gegn Covid-19, líkt og í tilfelli Donald Trump, forseta Bandaríkjanna, sem mærði hydroxychloroquine sem töfralausn við kórónuveiruheimsfaraldrinum.

WHO stöðvar rann­sókn á nota­gildi malaríu­lyfs sem Trump segist taka gegn Co­vid

Donald Trump Bandaríkjaforseti hefur ítrekað talað um virkni lyfsins gegn veirunni og sagst sjálfur taka það til verndar gegn mögulegu smiti. Þetta gerði hann þrátt fyrir að hafa verið varaður við því af heilbrigðisyfirvöldum að lyfið gæti valdið hjarta- og æðakerfinu vandræðum.

Malaríu- og HIV-lyf drógu ekki úr dánartíðni Covid-sjúklinga

 

Kom hatrið á Trump í veg fyrir að menn reyndu lyfið? 

Ekki hafa neinar aukaverkanir af notkun lyfsins Hydroxychloroquine komið í ljós á Landspítala við meðferð fólks með COVID-19. Þetta segir Már Kristjánsson yfirlæknir smitsjúkdómalækninga á spítalanum.

"Við sáum engar aukaverkanir, ekki þessar hættulegu aukaverkanir sem menn voru að sjá á borð við hjartsláttartruflanir og þessháttar í rannsóknum erlendis. Við höfum ekki séð það neitt hér á Íslandi," segir Már.