Vinstri græn steinöld

Til að útblástur koltvísýrings, CO2, af mannavöldum hefði áhrif á magn náttúrulegs koltvísýrings í andrúmsloftinu yrði yfirstandandi heimskreppa að vera fjórfalt verri en hún er í raun.

Loftslagsvísindamaðurinn Roy Spencer reiknar út þennan nauðsynlega samdrátt í efnahagsstarfsemi mannsins á jörðinni til að maðurinn hafi áhrif á náttúrulegar sveiflur CO2 í andrúmsloftinu.

Trúarsetning Vinstri grænna og ,,loftslagsleiðtoga" á borð við Grétu Thunberg er að manngerður koltvísýringur hækki hitastig jarðarinnar. Engin vísindi sanna þetta samhengi, aðeins trú.

Við þurfum sem sagt vinstri græna steinöld til að minnka CO2 svo að nokkru nemi.

Munu Vinstri grænir leggja til að atvinnuleysi fari upp í 60 prósent, Icelandair í gjaldþrot og landinu verði lokað til að Ísland leggi sitt af mörkum til trúarkenningarinnar?

Eða er trúin á manngert veður aðeins dygðaskraut góða fólksins?

Útblástur CO2 aldrei minnkað meira

Athugasemdir

[Benedikt Halldórsson, 20.5.2020 kl. 11:21]

Vinstri grænir um allan heim eru yfirlýsingaglaðir í meira lagi en þó hafa nánast allir sömu skoðanir í öllum málum, allt frá andúð á kapítalisma til hamfarahlýnunar.  Það er eins og að tilkynna öllum á netinu, þjófum líka, að gleymst hefði að læsa íbúðinni fyrir utanlandsferðina.

Engin er að vísu svo grænn, en vinstri grænir um heim allan eru sem saklaus lömb fyrir utan "höfuðstöðvarnar". 

Það er afrek og meira en fullt ævistarf að verða ofurríkur en sumir eru óseðjandi og vilja líka stjórna fólki eins og Baldur Konna - óráðnir og ókosnir. Slíkir refir eru í sauðagæru og segja að sjálfsögðu allt sem trúgjörnu lömbin vilja heyra, á móti fá þau "andlegan" styrk til að "frelsa" heiminn.