Bjartur er þriðji Íslendingurinn

Ef sögu Íslendinga yrði skipt í þrjá hluta og fundinn einstaklingur fyrir hvert tímabil yrði Bjartur í Sumarhúsum þriðji Íslendingurinn. Bjartur í höndum Halldórs Laxness er ólseigur, fátækur að efnum en ríkur í anda; umfram allt með ódrepandi sjálfstæðisvilja.

Jón Arason, síðasti kaþólski biskupinn, er fulltrúi miðtímabilsins. Braust fátækur til frama, hempuklæddur stríðsmaður, sannfærður um rétta trú, gat dóttur sem hefndi hans eftir niðurlægjandi aftöku án dóms og laga 7. nóvember 1550.

Fyrsti Íslendingurinn er Snorri Sturluson. Fæddur af höfðingja, alinn upp af öðrum, heimsborgari með margar konur í takinu, snjall en hégómagjarn, ágjarn en lítill bardagamaður. Hégóminn gerði hann að vini Hákonar Noregskonungs, sem lét drepa hann og fékk til verksins fyrrum tengdason Snorra.

Amen.

Geir Haarde mælir með Sjálfstæðu fólki eftir Halldór Laxness

Athugasemdir

[Björn S Stefánsson, 10.1.2020 kl. 07:10]

Vinur Hákonar Hákonarsonar

[Þorsteinn Siglaugsson, 10.1.2020 kl. 10:17]

Bjartur í Sumarhúsum er skopstæling. Gaman að þú skulir ekki fatta það.