RÚV: Namibía merkilegri en hamfarir norðan heiða

RÚV sendir ítrekað fréttamenn hálfa leið yfir hnöttinn, til Namibíu, en lætur vera að senda fréttamann á hamfarasvæði á Íslandi.

Í Namibíu eru aðstæður sem hvorki fréttamenn RÚV né íslenskur almenningur þekkir til. Fréttir þaðan má kríta liðugt.

Norðurland Íslands er aftur vettvangur sem kemur okkur öllum við sem byggjum þessa eyju. Þegar RÚV afsakar fjarveru sína frá hamfarasvæðum á Íslandi með þeim orðum að ,, stund­um voru upp­lýs­ing­ar frá einni stofn­un þvert á upp­lýs­ing­ar frá ann­arri" blasir spurningin við: hvers vegna voru fréttamenn RÚV ekki á staðnum?

Hvers vegna sátu fréttamenn RÚV við símann í Efstaleiti þegar náttúruhamfarir skullu á norðurlandi en flugu reglulega til Namibíu í ómerkilegum erindagjörðum?

RÚV misnotar almannafé til að stunda fréttaskáldskap í Namibíu en sinnir ekki lögbundnu hlutverki sínu á Íslandi. RÚV er ekki trúverðug stofnun og ætti ekki að vera á framfæri almennings. 

RÚV bregst við umræðu vegna fréttaflutnings

Athugasemdir

[Benedikt Halldórsson, 18.12.2019 kl. 13:20]

 

Hér eru punktar frá 2015. 

RÚV kallar morð og morðtilraunir Palestínuaraba með hnífum sem beinast að gyðingum - ásókn. Það er nýyrði sem RÚV notar í neyðartilfellum. 

"Benjamin Netanyahu forsætisráðherra Ísrael segist ætla að beita öllum mögulegum úrræðum til þess að binda enda á ásókn Palestínumanna."

Ekki kom fram í fréttinni hverjir voru með hnífa. 

"Fjöldi manna hefur særst í hnífaárásum í Jerúsalem og á Vesturbakkanum undanfarna daga. Alls hafa um 30 Palestínumenn og sjö Ísraelsmenn fallið í þessum mánuði." 

Í hvaða öðrum tilvikum notar RÚV orðið "ásókn"?

• Ásókn í makrílkvóta við Grænland.

• Ásókn í fangageymslur.

• Mikil ásókn í Landbúnaðarháskólann.

• Mikil ásókn í háskólanám.

• Ásókn í störf á nýjum frystitogara.

• Ásókn í sand og salt.

• Ásókn í auðlindir Grænlands.

• Ásókn í græn bílalán.

• Mikil ásókn í sundlaugina á Hofsósi.

• Aldrei meiri ásókn í Læknadeild HÍ.

• Bætt lánakjör auki ásókn í stærri eignir.

Hver veit nema "ásókn" hafi fengið nýja merkingu. Kannski munum við sjá fyrirsagnir í þessum dúr:

• Maður dæmdur í 16 ára fangelsi fyrir ásókn.

• Ung kona liggur þungt haldinn eftir að hafa orðið fyrir heiftarlegri ásókn.

• Ungur karlmaður í þriggja vikna gæsluvarðhald vegna tilraunar til ásóknar.

[Benedikt Halldórsson, 18.12.2019 kl. 13:48]

RÚV er meira í að predika og finna sökudólga. 

Veðrið fyrir norðan var ekki pólitískt hamfaraveður, það var því engum um að kenna og því ekkert til að gera veður út af.

Varla fer RÚV að kenna hamfarahlýnun um eins og í sumar. Ég var var staddur í Póllandi þar sem mikil hamfarahlýnun gekk yfir samkvæmt RÚV sem voru miklar ýkjur vægast sagt. Betra hefði verið að tala um sumar. 

[Gunnar Heiðarsson, 18.12.2019 kl. 14:31]

Sennilega fræddi fréttastofa ruv landsmenn meira um "hitabylgjuna" í Evrópu síðasta sumar og væntanlegan hitabylgju hér á landi í kjölfarið, sem þó kom aldrei, en veðurhaminn yfir hálfu Íslandi í síðustu viku. Það vantar ekki að eftir að sveitastjórnir þar nyðra gagnrýndu ruv fyrir brot á þjónustu vegna almannahagsmuna, fór fréttastofan í gang. Hellstu fréttirnar snerust þó ekki um vandann sjálfann, heldur leita fréttameen logandi ljósi að sökudólgum og reynir að etja þeim saman í sjónvarpssal!

[Helga Kristjánsdóttir, 18.12.2019 kl. 15:34]

 Þau áttu ekkert "föðurland" til að fara í!

[Ómar Ragnarsson, 18.12.2019 kl. 15:49]

Það var rauð viðvörun, sú fyrsta í sögunni, í þessu óveðri. Meira að segja björgunarsveitirnar með allan sinn jeppaflota og tæki, komst hvorki lönd né strönd þegar óveðrið var verst, og í endalausri viðleitni til þess að gera RÚV að sökudólgi, er litið fram hjá því að alveg er sama hvaða fjölmiðlamenn eru hvar, ef ekkert fjarskiptasamband af neinu tagi er fyrir hendi.  

[Benedikt Halldórsson, 18.12.2019 kl. 19:53]

RÚV er vinstri sinnað apparat sem fer offari gagnvart Ísrael og dregur upp rammskakka mynd af deilunni við Palestínu. Það er ekki til neins að benda á það, ekki frekar en að kvarta við fulltrúa dönsku einokunarverslunarinnar á sínum tíma. Öll einokun gerir fólk hrokafullt, sjálfhverft og ósvífið. RÚV svífst einskis. Það fer ekki einu sinni að lögum um hlutleysi og snýr bara út úr þegar minnst er á það. 

RÚV hefur sýnt það og sannað að það getur ekki lært af "mistökum" sínum vegna þess að fólk sem býr við einokun gerir ekki mistök. Eina færa leiðin að leggja apparatið niður.

[Benedikt Halldórsson, 18.12.2019 kl. 20:40]

Egill Helgason þarf ekkert endilega að vara á RÚV. Hann er eftirsóttur og frábær þáttagerðarmaður sem þarf enga ríkishækju. Það á við um fleiri - þó ekki alla! Það er apparatið sem engin ræður við sem er vandamálið. 

[Gunnlaugur I., 19.12.2019 kl. 12:36]

Lokum RÚV !