Lánsfé, hagvísar og hugarfar

Samhengi er á milli framboðs af lánsfé og horfum í atvinnulífinu næstu misserin. Vextir hafa lækkað síðustu mánuði þar sem eftirspurnin eftir fasteignum, vörum og þjónustu fer minnkandi.

Minni eftirspurn felur í sér að fleiri geta ekki borgað lánin sín, sem tekin voru þegar efnahagskerfið var í þenslu. Lánveitendur vilja öruggari tryggingar en áður. Það veit á minni útlán.

Það skemmtilega er að hugarfar, bjartsýni eða svartsýni, ræður framvindunni í atvinnulífinu. Segið svo að andinn sé ekki merkilegri en efnið. 

 

Skortur er á lánsfé í hagkerfinu

Athugasemdir

[Guðmundur Ásgeirsson, 29.10.2019 kl. 16:37]

Hugmyndin um "skort á lánsfé" byggist á villukenningu.

Bankar þurfa ekki að ráða yfir neinu fé til að geta lánað út því þeir búa það lánsfé einfaldlega til úr engu með því að veita lán.

Hitt er svo annað að bankar geta ráðið því hversu útlánaglaðir þeir eru eða hversu ströng skilyrði þeir setja fyrir lántöku.

Ef það er raunverulega skortur á framboði lána er það því ekki vegna skorts á lánsfé sem er hægt að búa til í óendanlegu magni, heldur vegna skorts á vilja banka til frekari lánveitinga.

Tregða til að lána er ákvörðun, en ekki afleiðing.

[Helga Kristjánsdóttir, 30.10.2019 kl. 01:08]

Já það er lán!