Einföld rökfræði hafnar manngerðri hamfarahlýnun

Meðalhiti jarðarinnar er nálægt 15 gráðum á Celcius, þótt erfitt sé að mæla hann. Á sögulegum tíma, hefur meðalhiti jarðar verið hærri, bæði á rómverska hlýskeiðinu, um 300 f. Kr. til 400 e. Kr., og miðaldahlýskeiðinu frá um 900 til 1300. 

Maðurinn bjó ekki til hlýnun fyrir 2000 árum og heldur ekki fyrir þúsund árum. Náttúran sá ein og alfarið um lofthita jarðar.

Frá 1880 er talið að hitastig jarðar hafi hækkað um 0,8 gráður á Celcius. Við höfum ekki enn náð meðalhita síðustu hlýskeiða, því rómverska og miðaldahlýnuninni.

Hvers vegna ætti maðurinn að valda hlýnun núna þegar hann kom hvergi nærri tilurð fyrri hlýskeiða?

Talsmenn manngerðrar hlýnunar neita að gefa upp hvert kjörhitastig jarðarinnar ætti að vera. Enda myndu þeir í leiðinni afhjúpa sjálfa sig sem loddara, þykjast vita betur en sjálf náttúran. Kjörhitastig jarðarinnar er ekki til. Náttúran lætur ekki undan mannlegum duttlungum. Við getum brugðist við hækkandi eða lækkandi hitastigi en ekki stillt það á kjörhita. Manngert veður er nýju fötin keisarans í nafni vísinda.

 

 

Segja loftslagsvána ekki raunverulega

Athugasemdir

[Halldór Jónsson, 26.9.2019 kl. 16:55]

Við getum brugðist við hækkandi eða lækkandi hitastigi en ekki stillt það á kjörhita. Manngert veður er nýju fötin keisarans í nafni vísinda.

Vel að orði komist Páll.

CO2 hefur ekki verið lægra í mörghundruð milljón ár heldur en á síðustu tímum.

[Hörður Þormar, 26.9.2019 kl. 18:21]

Fyrir einum milljarði ára var útgeislun sólarinnar u.þ.b. 3/4 af því sem nú er. Ef samsetning gufuhvolfsins hefði verið sú sama þá og nú, þá hefði öll jörðin verið ísi hulin. Þessi ís hefði aldrei náð að bráðna þó að útgeislun sólarinnar ykist vegna þess að ísinn hefði að mestu endurvarpað sólargeislunum  út í geiminn.

Orsök þess að jörðin varð lífvænleg var sú að styrkur CO2 o.fl. gróðurhúsalofttegunda í loftinu var miklu meiri heldur en nú. Loftslagið var því nægilega hlýtt til þess að líf næði að dafna. Með tímanum drógu jurtir og dýr CO2 úr loftinu og breyttu því m.a. í kol og olíu.

Heimild: Harald Lesch prófessor í stjarneðlisfræði.

Kannski getur líf áfram þrifist á jörðinni ef þessi kolefnisforði yrði aftur fluttur út í andrúmsloftið sem CO2 en það yrði ekki sama líf og nú er.

[Jón Steinar Ragnarsson, 26.9.2019 kl. 19:39]

Látið ekki svona. Flórída breyttist í Feneyjar og Manhattan í Waterworld í fyrra. Maldive eyjar eru löngu sokknar. Allavega segir Al Gore það í Inconvenient truth. Hver efast um orð mannsins sem fann upp internetið?