Gas, rafmagn og blekkingin í orkupakka

Orkupakkinn, sem klýfur þjóðina og einkum Sjálfstæðisflokkinn í tvær fylkingar, er tvær tilskipanir og þrjár reglugerðir sem varða viðskipti með raforku og jarðgas og stofnun Samstarfsstofnunar eftirlitsaðila á orkumarkaði, ACER.

Ha, kynni einhver að segja, jarðgas? Hvað eru Íslendingar að þræta um jarðgas sem ekki finnst hér að landi? 

Jarðgasið, og hvernig tekið er á því, er einmitt lýsandi fyrir þær blekkingar sem stjórnvöld, sérstaklega Sjálfstæðisflokkurinn, hafa í frammi í 3. orkupakkanum.

Sjálfstæðismennirnir Guðlaugur Þór utanríkisráðherra og Óli Björn settu fram svar og spurningu á alþingi í vetur um 3. orkupakkann. Þar kemur þetta fram um jarðgas:

 3. Reglugerð Evrópuþingsins og ráðsins (EB) nr. 715/2009 frá 13. júlí 2009 um skilyrði fyrir aðgangi að flutningskerfum fyrir jarðgas og um niðurfellingu á reglugerð (EB) nr. 1775/2005. 
    Reglugerðin hefur að geyma reglur um skilyrði fyrir aðgangi að flutningskerfum fyrir jarðgas. Engin slík kerfi eru til staðar hér á landi. Samkvæmt ákvörðun sameiginlegu EES-nefndarinnar gildir reglugerðin ekki um Ísland. (undirstrikun pv)

Allt í fína með þetta. Jarðgas finnst ekki á Íslandi og við fáum undanþágu. Víkur nú sögunni að reglugerð sem lýtur að rafmagnstenginu Íslands við Evrópu sem, eins og allir vita, er engin. Þar segir í svari og spuringu Guðlaugs Þórs og Óla Björns:

2. Reglugerð Evrópuþingsins og ráðsins (EB) nr. 714/2009 frá 13. júlí 2009 um skilyrði fyrir aðgangi að neti fyrir raforkuviðskipti yfir landamæri og um niðurfellingu á reglugerð (EB) nr. 1228/2003. 
    Reglugerðin kveður á um skilyrði fyrir aðgangi að neti fyrir raforkuviðskipti yfir landamæri. Markmið reglugerðarinnar er að setja sanngjarnar reglur um raforkuviðskipti yfir landamæri og auka með því samkeppni á innri markaðnum. Þá leysir hún af hólmi eldri reglugerð um sama efni, reglugerð Evrópuþingsins og ráðsins (EB) nr. 1228/2003, sem innleidd var hér á landi með reglugerð nr. 284/2010. 
    Þar sem Ísland á ekki í raforkuviðskiptum yfir landamæri hefur reglugerðin ekki þýðingu hér á landi. (undirstrikun pv)

Takið eftir undirstrikuðu setningunum. Við fáum formlega undanþágu frá reglugerð um jarðgas en það er engin undanþága frá reglum um raforkuviðskipti milli landa. 

Hver er skýringin? Jú, það stendur til að leggja sæstreng um leið og búið er að þræla 3. orkupakkanum í gegnum alþingi. Þá fær reglugerðin ,,þýðingu" og þess vegna er engin undanþága frá henni.

 

 

Athugasemdir

[Ragnhildur Kolka, 31.7.2019 kl. 10:57]

Þar sem maður verður að ganga út frá því að allir sem komið hafa að þessum texta séu læsir hlýtur maður líka að horfast í augu við að þeir sem samþykkja þennan texta séu ekki að hugsa um hag almennings á Íslandi.

Rafmagnið er auðlind sem gefur okkur sérstöðu í heimi þ.s. allir verða að hafa eitthvað til að selja öðrum svo þeir þrífist. Sjálfsþurftarbúskapur er ekki lengur valkostur.

[Halldór Jónsson, 31.7.2019 kl. 12:24]

Bjarni Már Magnússon prófessor bendir á athyglisverða punkta í Fréttablaðinu í dag:

"Af túlkunarreglum þjóðaréttar leiðir að skýra verður ákvæði EESsamningsins um frjálst flæði vöru til samræmis við ákvæði hafréttarsamningsins. Það þýðir að meginreglan um frjálst flæði vöru leiðir ekki til þess að á íslenska ríkinu hvíli skylda til að heimila lagningu sæstrengs sem flytur rafmagn hingað til lands.

Íslenska ríkið getur því ekki orðið skaðabótaskylt af því að synja rétti sem er ekki til staðar. Það er útilokað. Að halda öðru fram er nýlunda í sögu alþjóðasamskipta. Réttur Íslands til að heimila eða hafna lagningu sæstrengs inn fyrir landhelgina stend ur óhagg aður hvað sem þriðja orkupakkanum eða öðrum ákvæðum EES-samningsins líður."

Spurningin er hvort við viljum tengjast Evrópu raforkulega eða ekki? 

Ef við viljum það þá ættum við að athuga að reisa Thoríum-kjarnorkuver hérlendis í stað þess að drekkja landi stöðugt og hafa einhverja stöðuga kjarnorkufóbíu sem aðrar þjóðir hafa ekki.

[Gunnar Rögnvaldsson, 31.7.2019 kl. 13:23]

Orkupakkinn er ESB-lög (yfirríkisleg) en ekki íslensk lög. Om igen.

Halldór: Ætlar hann þá að segja að íslensk yfirvöld sem hafa samþykkt orkupakkann sem tók gasleiðslu Pútíns úr höndum Þjóðverja og flutti valdið yfir henni yfir á hendur ESB, og sem geta ekki einu sinni stöðvað flæði ESB-fólks inn í landið okkar, geti þá stöðvað erlend skip og flugvélar sem flytja vörur á vegum einkaaðila frá ESB til landsins eða öfugt?

Ef einhver pantar sæstreng til að flytja vöruna rafmagn um, og sem ekki er hægt að flytja örðuvísu, ætlar hann þá að segja að íslenska ríkið geti bannað það með vísan í haffréttarlög? 

Maðurinn getur varla verið í lagi. Þessir útúrsnúningar orkupakkaliðsins hafa náð nýjum lýðskrumshæðum. Þetta er orðið að Icesave sirkusnum aftur. Endalausir hrygglausir amen-sérfræðingar (aular) sem þykjast vita en vita ekki. Síðast voru þeir næstum allir fífl og hálfgerðir landráðamenn! 

Þess utan er sæstrengurinn ekki aðalmálið við okurpakka3. Hann er bara reykbomba. Þetta er fyrst og fremst einkavæðingarpakki sem tekur innviði Íslands til nýtingar á náttúruauðlindum þjóðarinnar úr höndum þjóðarinnar og færir þá yfir á hendur oligarka til að braska með, innlenda sem erlenda. Við missum fullveldið í orkumálum. Þau mál eru þá komin yfir til ESB. Við verðum boruð út innanfrá. Tæmd eins og bankarnir voru tæmdir. Fullveldinu rænt frá okkur.

Hvað er annars þetta erlenda ESB-pakk að reyna að troða sér með sín ömurlegu lög á öllum sviðum hér inn á okkur! Þessi fjandans EES-samningur var gerður til að við gætum selt fisk án tolla til ESB. Tollarnir eru ennþá!, en við sitjum uppi með ESB-landráð alla daga ársins. Það er verið að sjúga landið og lýðveldið okkar af höndum þjóðarinnar. Við ráðum sífellt minna og minna í okkar eigin landi. Til helvítis með þetta pakk allt saman. Út með það!!!!!

[Helga Kristjánsdóttir, 31.7.2019 kl. 13:31]

Líklega læsir en læsa sig úti frá völdum á Íslandi.

[Gunnar Rögnvaldsson, 31.7.2019 kl. 13:51]

Það er afar stutt síðan að ekkert mátti gera til að berja bankaaulastéttina á sinn stað, af ótta við kæru frá ESB. Gengið var svo langt að það lá við þjóðargjaldþroti, af ótta við helvítis lagamakkverk ESB. Þetta er ekkert örðuvísi með orkupakkana.

Sameiginlegur raforkumarkaður er eins og sameiginlegt myntsvæði. Engin séríslenska verður liðin. Við verðum nýlenda á ný.

Það þyrfti að bakka 100 steypubílum upp að Plebbahöll, slá fyrir alla glugga og þynna, og fylla hana af steinsteypu úr hraðsementi.

Enginn myndi taka eftir því að ekkert heyrist nema humar-humm og meetoo-gagg úr kumbaldanum þeim.

[Jón Steinar Ragnarsson, 1.8.2019 kl. 21:34]

Hvar eiga menn aukarafmagn til að selja með 40% flutningsafföllum til meginlandsins? Þarf kannski stóra virkjun til að anna því? Hvað segir krataliðið um það? Munu þeir ekki hlekkja sig fasta og mótmæla slíku eins og ávallt? Jafnvel túrbínum í bæjarlækjum eins og fyrir vestan?