Fyrirvaralaus sæstrengur

3. orkupakkinn tengir Ísland við regluverk ESB í raforkumálum. Regluverkinu er miðstýrt með það að markmiði að gera Evrópu að einum orkumarkaði. Í slíku umhverfi geta einstök þjóðríki ekki tekið sjálfstæðar ákvarðanir um sín orkumál.

Ef Ísland vill halda fullveldisrétti sínum í raforkumálum er aðeins ein leið fær.

Að hafna 3. orkupakkanum. 

Fyrirvararnir hindra ekki málsókn

Athugasemdir

[Benedikt Halldórsson, 29.5.2019 kl. 08:17]

Í mörg ár hefur hagkvæmni þess að leggja sæstreng - sem er ofviða íslendingum vegna kostnaðar  - verið í skoðun hjá Landsvirkjun. Til að hægt sé að fara í nákvæmar og dýrar athuganir er orkupakki 3 forsendan. Af hverju? Einfaldlega vegna þess að hann er eins og þegar samið er um íbúðakaup með fyrirvara sem BÁÐIR aðilar skrifa undir. Ef kaupanda tekst að afla fjár til kaupanna getur seljandi ekki hætt við (Alþingi). Orkupakki 3 er hins vegar ekki með neina aðra fyrirvara, aðeins pólitískar brelluyfirlýsingar til að blekkja þingið. Til að fyrirvarar séu gildir verða báðir aðilar að skrifa undir þá. Það var ekki gert.

Aðilar sem eyða stórfé í rannsóknir gera það vegna þess að þeir eru með samning í höndunum sem er Orkapakki 3.  Ef þeir komast að jákvæðri niðurstöður um lagningu sæstrengs og geta fjármagnað verkefnið, er ekkert sem getur stöðvað þá, ef þeir fara eftir samningnum í einu og öllu. Brellur og blekkingar utanríkisráðherra eru ekki alvöru fyrirvarar sem tekið er mark á fyrir dómstólum. 

Alþingi getur ekki stöðvað lagningu sæstrengs vegna þess að það eru engir fyrirvarar. Halda menn að duttlungar Alþingis ráði eftirá, þegar búíð er að eyða jafnvel hundruðum milljarða í verkefni sem Alþingi samþykkti sem það getur ekki stöðvað eftirá, ekkert frekar en ef seljandi íbúðar segist sjá eftir að hafa selt íbúðina af því að hann þekkti ekki frekar en Alþingi innihald samningsins og staðið í þeirri góðu trú að samningurinn væri ekki bindindi!

Kánaprik.

Ef Alþingi skrifar undir Orkapakka 3 er ekki aftur snúið. Það lá við stórslysi en þökk sé þeim sem kynntu sér málið og sáu í gegnum blekkingarnar þá höldum við enn sjó.

Segjum sem svo að sæstrengir yrði lagður. Segjum sem svo að hagnaður yrði á raforkusölunni til útlanda - til þess er jú leikurinn gerður - þá mun ríkissjóður hagnast eins og norðmenn hagnast á sinni olíu. Þá mun orkuverð til heimili hækka. Það er ekki neytendavernd.

Þegar ýsan var seld hæstbjóðanda út um allan heim hækkaði ýsann Íslandi. En á móti jókst kaupmáttur landsmanna. Var það neytendavernd? 

Það sem klikkaði í kynningu á orkupakka 3 var lyginn um neytendaverndina. Af hverju var ekki sagt sem er að orkupakki 3 er forsenda þess að hægt sé að leggja sæstreng.

Ekkert fer eins illa í fólk og lygar, hálfsannleikur og blekkingar. Við treystum ekki svoleiðis fólki. Það hefur eitthvað að fela.

Það er ekki neytendavernd þegar verð til neytenda hækkar. Það var ekki neytendavernd að gefa sölu á fiskafurðum frjálsa, það var einfaldlega góð og gild markaðsvæðing sem allir högnuðust á.

Orkupakki 3 snýst um að markaðsvæða raforkuna OG búa í haginn fyrir hugsanlegan sæstreng. Segjum sem svo að það finnist stæk "peningalykt" og taka þurfi ákvörðun um sæstreng? Ég giska á já. 

Því meiri sem hagnaður ríkisins er á orkusölu í slöngu til útlanda, því meira styrkist krónan sem bitnar á öðrum útflutningsgreinum sem fá færri krónur fyrir sölu á hótelherbergjum, ýsu eða áli. Það kallast Hollenska veikin. Ísland verður enn dýrara land fyrir ferðamenn. Það verður hrun í ferðaþjónustunni ef allt fer á besta veg í raforkusölunni í gegnum slöngu! Það verður atvinnuleysi. Við hvað á fólk að starfa? Ferðaþjónusta er gríðarlega atvinnuskapandi starfsemi. Hvað ætli það sé búið um mörg rúm á ári? 

Ef við værum fátæk væri öll sala góð en við erum eitt ríkasta land í heimi og megum ekki við því að verða enn "ríkari" vegna þess að sala í gegnum slöngu veitir ekki mörgum vinnu en fækkar störfum í greinum sem leggja upp laupanna. Auk þess sem landið verður útatað í vindmyllum.

Yfirstéttin er út að aka í glóbalheimum og hefur misst tengslin við venjulegt vinnandi fólk sem þarf vinnu til að sjá sér og sínum farborða. Það eru ekki allir sérfræðingar með háskólamenntun. Við þurfum að hafa allskonar iðnað í landinu, fiskvinnslu, garðyrkju og þjónustugreinar sem veita mörgum störf. Barátta næstu ára snýst um að sem flestar vinnufúsar hendur hafi eitthvað að gera. Sjálfvirkni mun fækka störfum nógu mikið þótt orkusala í slöngu bæti ekki gráu ofan á svart.  

Eina leiðin til að tryggja að glóbalistar komi okkur ekki á kaldan klakann án þess að hlusta á aðrar hliðar er að fresta orkupakka 3.  

[Benedikt Halldórsson, 29.5.2019 kl. 08:52]

Atvinnan er við endan á rafmagnskaplinum.

[Júlíus Valsson, 29.5.2019 kl. 10:07]

Merkilegt að hugsa til þess hve forsætisráðherra Íslands er meðvirk í þessu mikilvæga hagsmunamáli þjóðarinnar!

[Helga Kristjánsdóttir, 29.5.2019 kl. 13:08]

 Allur þessi dálkur ber sannleikanum vitni. Virkjum aflið sem býr í þjóðinni og gerum gangskör í að sættast á ný launaviðmið.