Gréta og hvíta hugmyndafræðin

Sænska stúlkan Gréta Thunberg er eftirsóttur viðmælandi heimsleiðtoga. Gréta er heimsendaspámaður sem kennir að syndugur maðurinn sé albúin að útrýma jörðinni með dísil- og bensínvélum.

Gréta er aðeins 16 ára og ekki nokkur möguleiki að hún hafi stúderað lofslagsvísindi á eigin forsendum. Hún er einfaldlega of ung. Gréta fór sömu leið og margur aðgerðasinninn sem gleypir hrátt kenningar pólitískra háskólamanna um að til sé eitthvað sem heitir manngert veðurfar.

Ein ástæða vinsælda Grétu er ungur aldur stúlkunnar og sakleysisleg ásjóna sem skín hvít á milli hárfléttu á hvorum vanga.

Menning okkar er ginnkeypt fyrir trúarvingli sé því fléttað saman við sakleysi. Á þeim grunni eru reist stórveldi. Á nýöld lögðu Evrópumenn undir sig heimsálfur í nafni Hvíta-Krists.

Sakleysi og lífsspeki er máttugt stef. Við viljum trúa að til sé eitthvað sem heitir vegurinn, sannleikurinn og lífið. En að láta fífla okkur með dómsdagsrugli um manngert veðurfar er svo langsótt að það þarf sextán ára sænska stúlku til að auglýsa trúgirnina.

Athugasemdir

[Predikarinn - Cacoethes scribendi , 25.4.2019 kl. 09:27]

Góður og þarfur pistill kæri Páll.

[Valdimar Samúelsson, 25.4.2019 kl. 09:31]

Páll mikið sammála þér í þessu. heimsvaldasinnar nýta sér allt svona til að viðhalda áróðursstefnu sinni. Gréta er himnasending fyrir þá. Var ekki einmitt Kristur nýttur af katholikum 

[Ómar Ragnarsson, 25.4.2019 kl. 09:32]

Raunveruleg heimsendaspá er falin í kjarnorkuvopnabúrum heims og kenningunni ii MAD, Mutual Assured Destruction, (GAGA, Gagnkvæm Altryggð Gereyðing Allra). Aðeins þarf eina bilun í tölvukerfi til þess að koma MAD (GAGA) af stað. Slík bilun varð í tölvukerfi Sovétmanna 1983, en hugrekki eins Rússa, sem virti aðvörun um árás á Sovétríkin að vettugi kom í veg fyrir kjarnorkustríð þá. Þessi starfsmaður var rekinn og honum refsað fyrir að hafa tekið af skarið og stöðvað brjálæðið. Ekki er víst að feigum verði forðað næst.   

[Ragnhildur Kolka, 25.4.2019 kl. 13:01]

Það verður að teljast frekar auðvirðileg að nota börn í áróðursskyni, en ef tilgangurinn helgar meðalið þá má það að mati loftslagsvillinganna. 

Sakleysið er óvitanna.

[Theódór Norðkvist, 25.4.2019 kl. 18:05]

Enn ein strengjabrúða George Soros, virðist vera.

https://bakomkulissernabiz.wordpress.com/2019/04/23/soros-finansierad-organisation-bakom-klimat-greta/