Varúðarreglan og 3. orkupakkinn

Í 3. orkupakka ESB eru nýjar reglur um yfirstjórn raforkumála á Íslandi. Við vitum að hingað til er forræðið yfir raforkunni alfarið í okkar höndum.

Spurningin er hvort og þá í hve miklum mæli valdið yfir auðlindinni fer úr landi - til Evrópusambandsins. Þetta er kjarni deilunnar um 3. orkupakkann.

Lausnin á deilunni blasir við. Við einfaldlega frestum að innleiða 3. orkupakkann og sjáum hvað setur. Næstu ár leiða í ljós hvernig yfirstjórn raforkumála þróast í Evrópu. 

Bíðum og sjáum hvað setur. Við getum alltaf tekið upp orkustefnu ESB. En við getum ekki auðveldlega losnað undan henni þegar við erum einu sinni búin að innleiða hana.

Beitum varúðarreglunni og frestum innleiðingu 3. orkupakka ESB.

„Það kalla ég ómerkilegt lýðskrum“

Athugasemdir

[Ragnhildur Kolka, 15.4.2019 kl. 08:53]

Brynjar ætti að minnast þess að það er grasrótin sem kaus hann á þing.

[Þórhallur Pálsson, 15.4.2019 kl. 10:23]

Skynsamlegt

[Benedikt Halldórsson, 15.4.2019 kl. 11:30]

Það er málið Ragnhildur. 

[Einar Sveinn Hálfdánarson, 15.4.2019 kl. 12:02]

Í EES samstarfinu eins og í öllu öðru samstarfi, þá gangast menn við því sem þeir hafa samþykkt. SDG og Gunnar Bragi samþykktu 3. orkupakkann og það sem meira er, þá báðu þeir ekki einu sinni um eina einustu undanþágu! Þeir hafa sem sé ekki talið ástæðu til þess. Enda engin ástæða til.

Nú er verið að stimpla ákvarðanair SDG og Gunnars Braga. Þá loks byrjar umræða sem minnir á málfund í gaggó. En það er eins og oftar, "Þeir segja mest frá Ólafi konungi, sem hvorki hafa séð hann né heyrt." 

[Kolbrún Hilmars, 15.4.2019 kl. 13:30]

Framsóknarflokkurinn samþykkti?  Varla voru þessir tveir nefndu menn einráðir, enda undu þeir sér ekki þar og stofnuðu nýjan flokk.  Eða er mér farið að förlast þegar ég minnist þess ekki að Miðflokkurinn hafi verið í nokkurri ríkisstjórn?

[Einar Sveinn Hálfdánarson, 15.4.2019 kl. 15:04]

Já, hverjum sem ekki man þátttöku SDG og Gunnars Braga í ríkisstjórn er svo sannarlega tekið að förlast minni. 

[Halldór Jónsson, 15.4.2019 kl. 15:33]

Í Orkupakka 3 stendur svo:

"Aðildarríkin skulu vinna náið saman og

fjarlægja hindranir í vegi 

viðskipta

með raforku og jarðgas 

yfir landamæri  

í því skyni að ná fram markmiðum

Bandalagsins á sviði orku."

Merkilegt að þetta skuli ekki gilda fyrir Ísland eftir að Gulli og Kolla eru búin að ákveða annað.Og af hverju er þá svona áríðandi að skrifa undir eitthvað sem maður ætlar ekki að standa við.

[Benedikt Halldórsson, 15.4.2019 kl. 16:35]

Ísland er smáríki sem getur bara átt í ofbeldissambandi við ESB. Þegar "fyrirmenni" koma í kokteil til skrafs og heimsráðagerða í einhverum valdasal, er ábyggilega tilhneiging til að líta á íslensk "fyrirmenni" sem stóran fisk í lítilli tjörn sem ræður því sem hann vill ráða, enda ekki margir á Íslandi, það er Doddi, Stína, Kalli og....

En íslenski kokteilglasahaldarinn er bara síli í lítilli tjörn. Íslendingum er nefnilega fyrirmunað að líta á sig sem minni eða stærri og því eru öll sílin í litlu tjörninni álíka stór. Það snýst ekki um stétt, stóðu eða efnahag. Heldur eitthvað sem Káti Stefánsson gæti kannski útskýrt. 

Við eigum að hætta að senda smásíli í "samningaviðræður" sem allir halda að sé stór fiskur sem endar náttúrulega með því að hann fer sjálfur að trúa því að hann sé stór fiskur. Betra væri að senda bréf þar sem vísað er í vilja þjóðarinnar sem hafi umboðið fyrir sjálfri sér, engir aðrir.

Og langbest væri að hætta að senda menn á ráðstefnur og í kokteilboð fyrirmenna. Það er ekki í eðli íslendinga sem allir voru getnir í baðstofunni fyrir ofan fjósið. 

[Benedikt Halldórsson, 15.4.2019 kl. 16:43]

Skemmtileg villa: Hann heitir Kári en ekki Káti. 

[Jón Ragnarsson, 16.4.2019 kl. 09:42]

Bara ef nýja stjórnarskráin væri komin í gagnið, þá væri nú auðveldara fyrir ykkur að berjast gegn þessu...