Kjarnorkusprengjur í hafinu - heimsendir í nánd

Hiti af mannavöldum fer af stórum hluta í hafið. Orkan sem hverfur í hafið jafngildir rúmlega einni Híróshíma-kjarnorkusprengju á sekúndu - nálega 100 þús. slíkar sprengjur á sólarhring.

Nei, ofanritað er ekki fengið úr texta geðbilaðs manns heldur Guardian, virtri útgáfu frjálslyndra vinstrimanna, og studd tilvísun í vísindarannsóknir.

Engin takmörk eru fyrir ruglinu sem borið er á borð fyrir almenning í nafni trúarkenninga um hækkandi hitastig jarðar af mannavöldum.

Heimsendaspámennska af þessu tagi er stórhættuleg. Ef orka 100 þúsund kjarnorkusprengna fer í hafið á hverjum sólarhring sýnir það ekki hve kjarnorkusprengjur eru saklaus vopn?

Vísindamenn í loftslagsfræðum, sem standa undir nafni, t.d. Roy Spencer, draga upp aðra mynd af hlýnun jarðar. Hann bendir á, að jafnvel þótt gefið sé að hlýnun jarðar stafi að hluta til af mannavöldum, sé alls óvíst að hlýnunin hafi neikvæðar afleiðingar. Bæði er að hlýnunin er hæg og svo er vitað hitinn á jörðinni sveiflast af völdum náttúrulegra ferla. Enginn veit hver kjörhitinn ætti að vera.   

 

Hlýnun hefur áhrif á plöntur heimskautasvæða

Athugasemdir

[Jón Valur Jensson, 9.1.2019 kl. 08:29]

Sjá einnig hér: https://www.facebook.com/groups/glopahlynun/ :

Langur listi alþjóðlegra vísindamanna sem hafna tilgátunni um loftslagshlýnun.

[Þorsteinn Siglaugsson, 9.1.2019 kl. 08:31]

Í hverju felst gagnrýni þín á þessa rannsókn sem þarna er vísað til? Þú sérð rannsóknina hér: https://www.pnas.org/content/early/2019/01/04/1808838115

[Valdimar Samúelsson, 9.1.2019 kl. 10:14]

Páll það hafa örugglega margir hummað þegar þeir sáu þessa frétt. Það er fréttin sjálf en hún er eins og Trump segir falsfrétt til þess eins að reyna sanna að warmistar hafi einhvað  fyrir sér í þessum glóbal hita málum.

Sólin hefir gleymst hjá þessum vitgrönnu warmistum en hún hefir í trilljón aldir hitað upp bæði haf og jörð og mun gera í trilljón ár. Þorsteinn þetta er vísindalega útreiknað hjá mér. Reyndu að afsanna þetta. :-) 

Bara svo þú farir ekki að reyna þá vitum við ekkert hvað jörðin er gömul og hve lengi sólin mun skína. Við vitum ekkert svo reynum að lifa í núinnu.

[Hörður Þormar, 9.1.2019 kl. 10:31]

Tóbaksframleiðendur börðust með hörku gegn þeim sem héldu fram óhollustu tóbaksreykinga, enda voru miklir fjármunir í húfi. Þeir gátu bent á marga reykingamenn sem náðu háum aldri.

Mottóið var: "haltu áfram að reykja, það er óvíst að það drepi þig!"

[Þorsteinn Siglaugsson, 9.1.2019 kl. 14:08]

Já, það er auðvitað allt óvíst um það. Og það er vitanlega alveg frábær nálgun ef maður vill endilega vera ósammála niðurstöðum vísindamanna að segja bara að "við getum nú aldrei vitað allt, sko". Svo má líka grípa til skemmtilegra kenninga eins og að hin sýnilega veröld sé bara blekking.

Hin leiðin er svo auðvitað sú að búa til vel magnaða samsæriskenningu eins og Hallur Hallsson gerir, þar sem allt vont í heiminum er George Soros að kenna, allt frá krossfestingu Krists til dauða Elvis Presley.

[rhansen, 9.1.2019 kl. 18:53]

Eitt sem engir nefna en er liklega  stærsti þátturinn  og allir geta googlað og lesið um sjálfir er Möndulbreyting jarðar  sem verður mismikil eftir hvað jarðskjálftar verða storir og hvar  ?   Eg vona fari að rofa til i höfði skynsamra áður en loftlagsklikkaðir eru búnir að gera allt óbyggilegt með þvi að eyða t,d  landbunaði her á landi og  ótal fl sem er i hættu eftir þeirra uppleggi sem er þó mest hver andstaðan á móti hver annari :( ..Þvi allar þessar breytingar eru nánast ekkert af mannavöldum Annað mál er að allir eiga ganga vel um jörðina ! Ævinlega ...