Marx í Brussel

Við getum lært af Marx, sagði forseti framkvæmdastjórnar Evrópusambandsins, Jean-Claude Juncker, á 200 ára afmæli Karls Marx.

Allar tilraunir til að framkvæma marxisma í 100 ár, frá rússnesku byltingunni að telja, hafa endað i kúgun og blóðbaði

Þjóðfélagsmarxismi felur í sér nauðhyggju. Endalok samfélagsþróunar eru þegar öreigarnir yfirtaka opinbert vald. Embættismenn (les: valdhafar í Brussel) fara með þau völd í þágu almúgans.

En hvorki embættismenn í Moskvu á tímum Sovétríkjanna né starfsbræður þeirra í Brussel á tíma Evrópusambandsins eru þess megnugir að stýra lífi fólks og samfélaga með mannsbrag. Marxismi slítur í sundur tengsl valdhafa við umbjóðendur sína. Valdið sækir ekki réttlætingu til fólksins heldur veraldlegra trúarbragða. Og það endar alltaf illa.

Athugasemdir

[Ragnhildur Kolka, 7.5.2018 kl. 09:11]

Þrátt fyrir lögbundna skólagöngu og jafnvel þrátt fyrir Google er manninum fyrirmunað að læra af sögunni. Alltaf rísa nýjar kynslóðir sem þurfa að finna upp hjólið.

[Guðmundur Jónsson, 7.5.2018 kl. 09:37]

"Þrátt fyrir lögbundna skólagöngu og jafnvel þrátt fyrir Google er manninum fyrirmunað að læra af sögunni"

Ég held að lögbundin skólaganga hafi stækkað vandan því það stækkar hjörðina sem hleypur á eftir lélegum spámönunum.  Spámennirnir verða þá illa launaðir bitrir kennarar með litla sjálfsvirðingu, skólar á íslandi eru fullir af þeim.

Frjálsir fjölmiðlar og seinna internetið (Google) er það sem vinnur gegn þessum hættulegu öflum.