RÚV: Bjarni Ben. skrifaði tölvupósta 2003

Aðalfrétt RÚV í gærkveldi af yfirstandandi kosningabaráttu er að Bjarni Benediktsson hafi skrifað tölvupósta þegar árið 2003 - fyrir heilum 14 árum.

RÚV hlýtur að fá blaðamannaverðlaun fyrir þessa stórfrétt. Hún slær met Stundarinnar, sem í vikunni sagði ekkert fréttnæmt á Íslandi síðastliðinn áratug.

RÚV hlýtur að fylgja skúbbinu eftir með tíðindum af Bjarna Ben. þegar hann var unglingur eða barn í foreldrahúsum. Þjóðina þyrstir að vita hvenær hann sparkaði fyrst í bolta. Fór Bjarni kannski í dansskóla Heiðars Ástvalds?

Þjóðin situr sem límd við viðtækin næstu daga og bíður í ofvæni eftir fleiri stórfréttum RÚV af Bjarna Benediktssyni.

 

Gefur nákvæma mynd af samskiptum við Glitni

Athugasemdir

[Birgir Örn Guðjónsson, 22.10.2017 kl. 10:06]

Frekar "desperat" og "lame" umfjöllun.

Greinilegt fyrir hvað RÚV stendur í dag.

Ekki fréttir.

[Ragnhildur Kolka, 22.10.2017 kl. 10:49]

Sá sem getur staðið með “straigth face” og ropað uppúr sér annarri eins dellu án þess að springa úr hlátri hlýtur að fá Eddu verðlaunin fyrir “ekki fréttir.”

[Þorsteinn Siglaugsson, 22.10.2017 kl. 11:31]

Já, það er svo sannarlega stórfrétt þegar stjórnarformaður fyrirtækis á í samskiptum við viðskiptabanka þess.

Það er greinilegt að starfsmenn Rúv eru nú orðnir mjög örvæntingarfullir í viðleitni sinni til að koma eigin frambjóðendum til valda.

Er ekki kominn tími til að leggja þessa ormagryfju niður?

[Sæmundur Reimar Gunnarsson, 22.10.2017 kl. 13:14]

Er þessi frétt rúv, það sem er kallað einelti?

Sæmundur R. Gunnarsson

[Réttsýni, 22.10.2017 kl. 14:46]

Bjarni þarf að segja af sér fljótlega. Það þýðir ekkert að loka augunum fyrir staðreyndum.

[Helga Kristjánsdóttir, 23.10.2017 kl. 00:52]

Þessi Stund var áfeng eins og vín.
                                         Það mun hafa verið um aldamótin að Rúv. lék lagið Blueberry Hill, sem sungið var af af Louis Armstrong.-- Þá gellur í gömlum heimilisvini; "Er þetta þessi Lúðvík Storr"