Sturlungaöldin og Framsókn

Þrjár ættir og þrenn héraðsríki komu mjök við sögu Sturlungaaldar. Heimfæra má átökin á 13. öld upp á Framsóknarflokkinn. Á Suðurlandi réðu mestu Haukdælir, Skagfirðingar fylgdu Ásbirningum en Eyfirðingar Sturlungum.

Á Sturlungaöld voru Skagfirðingar og Haukdælir í bandalagi gegn Sturlungum. En nú skipast mál þannig að Skagfirðingurinn Gunnar Bragi, sem á a.m.k. helftina af fornu goðorði Ásbirninga, er í liði með Þórði kakala, sem heitir í dag Sigmundur Davíð, á meðan Haukdælinn Sigurður Ingi er í nauðvörn.

Þórður kakali (les Sigmundur Davíð) sigraði raunar bæði Kolbein unga og Brand í Skagafirði og náði völdum á Suðurlandi í fjarveru Gissurar Þorvaldssonar. Um tíma var Þórður einráður á Íslandi en álpaðist til þess eins og föðurbróðirinn, Snorri Sturluson, að gefast Noregskonungi á vald. Engin hætta er á að Sigmundur Davíð feti sömu slóð.

Til marks um tæpa stöðu Haukdæla samtímans er að foringi þeirra, Sigurður Ingi, leitar eftir samstöðu með fyrrum forsetafrú Bandaríkjanna þegar hann undirbýr orustuna 28. október. Michell Obama á engin ítök hér á landi. Það stefnir í pólitíska Flugumýrarbrennu sunnlenskra framsóknarmanna í lok komandi mánaðar.

Óþægilegt að sitja undir skítkasti

Athugasemdir

[Jón Steinar Ragnarsson, 30.9.2017 kl. 16:52]

Ekki margir dagar síðan Bjarni Ben vitnaði í þennan Obama frasa. Hugarflug Sigurðar ristir greinilega ekki djúpt. :D

[Wilhelm Emilsson, 30.9.2017 kl. 17:24]

Samkvæmt þessari samlíkingu flyst Sigmundur Davíð úr landi. Það gæti kannski gerst ef flokkur hans nær ekki manni á þing eins og síðasta könnun sem gerð var fyrir Morgunblaðið gefur til kynna. 

En sjáum hvað setur.

[Páll Vilhjálmsson, 30.9.2017 kl. 17:34]

Ef samlíkingin verður að áhrínisorðum flyst Sigmundur Davíð ekki úr landi fyrr en hann er orðinn einráður. En jú, við skulum sjá hvað setur.

[Hörður Þormar, 30.9.2017 kl. 17:51]

Í grein í Fréttablaðinu 26. sept. fjallar Þorkell Helgason um kosningalögin. Þar bendir hann m.a. á að sami flokkur getur boðið fram tvo eða fleiri lista. Sigmundur Davíð hefði t.d. getað boðið fram BB lista Framsóknar. Það kaus hann hins vegar ekki að gera. Það gæti hugsanlega leitt til þess að hvorki Framsóknarflokkur né flokkur SDG kæmi manni á þing.

Svona er hatrið mikið.

[Jósef Smári Ásmundsson, 30.9.2017 kl. 18:13]

Framsóknarflokkurinn virðist vera að vakna til lífsins ef marka má síðustu könnun félagsvísindastofnunar. Sennilega mun hann græða á því að óvinsælir menn eins og Gunnar Reynir Sveinsson og fleiri hafa yfirgefið skútuna.

[Jóhann Kristinsson, 30.9.2017 kl. 18:37]

Ef fólk heldur að Sigurður Ingi sé við stjórn Fraksoknarflokksins, þá er það mikill misskilningur.

Siggi er bara strengjabrúða Guðna og Valgerðar, sem fyrirgáfu Sigmundi Davíð ekki að gera Framsóknarflokkinn motfallinn inngöngu í ESB og vera innan handar  hrammgömmunum og peninga elítunnar. Ef fólk man, þá var komið að því að ráðast gegn verðtryggingu lána í Ríkisstjórn Sigmundar, það var ástæðan að bola Sigmundi frá, en ekki peningar eiginkonu Sigmundar, í London.

Kveðja frá Houston

[Jósef Smári Ásmundsson, 30.9.2017 kl. 18:52]

Ég held þú þekkir ekkert til Sigurðar Inga, Jóhann. Ég hef hins vegar heyrt af sveitungum hans ( var að vinna um tíma í biskupstungunum) að maðurinn er ákaflega vinsæll sem dýralæknir í sveitinni. Það er því  ekkert skrítið að hann hafi orðið formaður þessa flokks. En ég vil nú reyndar halda því til haga að ég er ekki stuðningsmaður framsóknar. Besta stjórnin yrði eflaust tveggja manna stjórn VG og Sjálfstæðisflokksins en vandamálið er afstaða VG til þessa samstarfs í dag. Vonandi mun það breytast.

[Jóhann Kristinsson, 30.9.2017 kl. 19:16]

Furðulegt að þú byrjar á staðhæfingu um að ég þekki ekki Sigurð Inga. Þá spyr ég þig Jósef, þekkir þú mig? Veist þú hverja ég þekki og þekki ekki? Ég ættla að halda því fram að þú þekkir mig alls ekki Jósef, mundir ekki einu sinni vita hver ég er, þó svo við værum bara tveir á sama stað.

Gróa á leiti sagði mér segir Jósef, ég veit ekki til þess að ég hafi sagt að Sigurður Ingi væri óvinsæll dýralæknir, eða hvað?

Ég held því fram að Siggi sé strengjabrúða Guðna og Valgerðar.

Ég ættla að vona að VG verði ekki í næstu Ríkisstjórn, þetta er flokkur sem vill opin landamæri, það er í stefnuskrá þeirra.

Sjallana, ég á erfit með að treysta einu einasta orði sem þeir segja, þá má fara að kalla Sjallana flokk kosningaloforðasvikara, eins og VG, eða er fólk búið að gleyma að daginn fyrir kosningar 2009 staðhæfði Gunnarstaða Móri að hann og hans flokkur mundi ekki vilja ganga í ESB og hann lagði ennþá meiri áherslu á loforðið "aldrei."

Svona svikara höfum við ekkert að gera með í Ríkistjórn.

Kveðja frá Houston

[Jósef Smári Ásmundsson, 30.9.2017 kl. 19:43]

Ég er bara ósammála þér Jóhann. Ég hef svolítið á móti VG vegna stefnu þeirra í umhverfismálum sem mér finnst öfgakennd og í í raun ekki alvöru umhverfisstefna. Þessvegna væri gott að fá mótvægi frá sjálfstæðisflokknum. "Sjallana, ég á erfit með að treysta einu einasta orði sem þeir segja," . Það á ég líka og það á reyndar líka við um alla flokka, enda veistu það að ég er ekki flokkspólitískur . Ég er einungis að meta stöðuna eins og hún blasir við og eftir því hvernig hún best getur gagnast þjóðinni.  Er einhverjum flokki/ flokkum sem þú treystir betur en þessum flokkum ? Gættu að því að þegar einhver er að tala illa um aðra þá eru þeir að lýsa sjálfum sér. 

[Halldór Egill Guðnason, 30.9.2017 kl. 22:35]

 Fá, ef nokkur málsmetandi öfl, í Íslandssögunni, hafa átt eins mörg bakstunguhnífasett og Framsóknarflokkurinn. Þvi fer vel á því að tengja sögu hans við Sturlungaöld. Þakka síðuhafa stórskemmtilega samlíkingu.

 Góðar stundir, með kveðju að sunnan.

[Jóhann Kristinsson, 1.10.2017 kl. 18:04]

Jósef, Það er enginn að banna þér að vera ósammála mér, en mér finnst of langt gengið þegar þú þykist vita allt um mig og við höfum aldrei þekkst nema hér á blogginu.

Ef að þú telur mig vera fávita, á þá síðasta setningin 19:43 frá þér við þig? Ertu að halda því fram Jósef, að þú sérst fábjáni. Ég tel svo ekki vera, en þér er velkomið að vera ósammála mér.

Kveðja frá Houston