Logi, mannréttindabrot og heimilisbókhaldið

Formaður Samfylkingar studdi mannréttindabrot á Snorra Óskarssyni. Snorri var kennari á Akureyri heimabæ Loga Einarssonar formanns Samfylkingarinnar. 

Eftir að Snorri birti bloggfærslu um afstöðu sína til samkynhneigðar gekkst Logi fyrir því að Snorri yrði rekinn úr starfi. Logi kom fram í fjölmiðlum og sagði mannréttindi Snorra lítils virði ef hann nýtti þau til að hafa rangar skoðanir. Logi sagði í viðtali:

Varðandi tjáningarfrelsi Snorra segir Logi að tjáningarfrelsinu séu settar skorður. „Tjáningarfrelsið, það má aldrei skerða rétt annarra,“ segir Logi.

Tjáningarfrelsi manna má sem sagt takmarka ef Loga finnst viðkomandi hafa ranga skoðun.

Snorri sigraði í dómsmáli gegn Akureyrarbæ og fór málið fyrir hæstarétt.

Nú sækir Snorri bætur til bæjarsjóðs Akureyrar. Og hver er lögmaður bæjarins? Jú, haldið ykkur: eiginkona Loga formanns sem hrakti Snorra úr kennslu.

Jafnvel RÚV á erfitt með að hemja sig í vörn fyrir málstað formanns Samfylkingar.

Logi efnir til galdrabrennu rangra skoðana á Akureyrir og skaffar í leiðinni eiginkonu sinni vinnu. Þetta er að fá tvo fyrir einn og allt borgað úr sjóðum almennings.

Logi segist berjast fyrir réttlátu og lýðræðislegu samfélagi, þar sem mannréttindi eru virt. En verkin trompa orðin.  

Athugasemdir

[Heimir Lárusson Fjeldsted, 22.9.2017 kl. 12:55]

Rannsóknar hefur verið krafist af ninna tilefni.

[Einar Sveinn Hálfdánarson, 22.9.2017 kl. 12:57]

 Það verður víst engu logið á formann Samfylkingarinnar.

[Ragnhildur Kolka, 22.9.2017 kl. 12:58]

Fljótandi mannréttindi Samfóista eru eins og síkvikt siðferði  þeirra. Nýjasta dæmið er pistill Karls Th. á Herðubreið þar sem hann býr stjórnsýslunni nýjan ramma. Hún á semsagt ekki lengur að styðjast við lagabókstaf heldur siðferði hverrar stundar, þ.e. eins og krataklíkan ákveður á hverjum tíma.

[Jósef Smári Ásmundsson, 22.9.2017 kl. 14:08]

Það er ekki mannréttindabrot að segja upp starfsmanni. Sjálfur hef ég margsinnum orðið fyrir því að vera sagt upp vegna verkefnaskorts enda hefur það verið lenska í byggingariðnaðinum alla tíð. Ég hef aldrei litið á það sem brot á mínum mannréttindum. 

[Jón Steinar Ragnarsson, 22.9.2017 kl. 14:29]

Jósef. Forsendur þinna atvinnurekenda voru verkefnaskortur. Forsendur Akureyrarbæjar voru óæskilegar skoðanir kennara á opnum vetvangi.

Ég ætla ekki að réttlæta lífsýn Snorra og tel að það hefði betur átt að kanna hvort hann hafi gerst sekur um hatursorðræðu. Slík kæra hefði þó aldrei getað komið frá Akureyrarbæ. Máske frá einstaklingi eða samtökunum 78.

Eitt er allavega víst að menn eru að vissu marki frjálsir að skaða mannorð sitt með opinberun fordóma sinna. Það er málfrelsi og er grunnurinn að lýðræði.

Jefði Snorri tjáð sig svona um blökkufólk eða gyðinga t.d. er ekki víst að hann hefði fengið frið.

[Jón Steinar Ragnarsson, 22.9.2017 kl. 14:34]

Skoðun Snorra er réttlætt af biblíunni. Trú nýtur stuðnings stjórnarskrár og tæpra 7 milljarða af skattfé okkar á hverju ári.

Orð manna verður alltaf dómur á þá sjálfa. Svo ég umorði Voltair:

Ég get verið algerlega ósammála skoðun Snorra, en ég mun verja rétt hans til að segja það.

[Baldinn, 22.9.2017 kl. 14:37]

Páll kominn  í kosningarham.  Það mætti skilja á Páli núna að Logi hafi staðið einn að krossför gegn Snorra.  Þeir sem fylgdust með þessu máli vita að þetta var ekki svo.  Málið byrjar á hjá foreldrum og ratar þaðan fyrir bæjarráð sem svo víkur Snorra frá störfum.  Þetta veit Páll en kýs að búa málið svona.

[Jósef Smári Ásmundsson, 22.9.2017 kl. 18:02]

Jón Steinar. Atvinnurekandi getur sagt upp starfsmanni með þeim uppsagnarfresti sem tigreint er í ráðningarsamningi( yfirleitt 2-3 mánuðir) án þess að tigreina ástæður. Þessi uppsagnarfrestur er gagnkvæmur. Starfsmaðurinn getur á sama hátt sagt upp með sama fyrirvara án þess að tilgreina ástæðu.í hvorugu tilfellinu er hægt að tala um mannréttindabrot . Mannréttindabrot er mjög alvarlegt mál og á ekki nota í svona tilfelli.

[Helga Kristjánsdóttir, 22.9.2017 kl. 22:45]

Jæja er Karl Th kominn frá Spáni,? Æ auðvitað getur hann pistlað þaðan.