Sekt í hönnuðu samhengi: lymska RÚV og játning Boga

Stjórnmálaumræðan snýst að stóru leyti um að hanna samhengi utan um sekt. Sumar ganga groddaralega til verks, eins og Smári McCarty Pírati sem flytur inn alræmdan breskan barnaníðing og klínir upp á Íslendinga; Sóley Tómasdóttir boðar að íþróttafélagið KR sé hæli barnaníðinga.

RÚV fer lúmska leið að hanna samhengi um sekt, skýlir sér á bakvið heimildir, stundum skáldaðar eins og í Sjanghæ-málinu. Jóhann Hlíðar fréttamaður hannar samhengi um sekt í hádegisfréttum. Hann býr til frétt um að formaður Sjálfstæðisflokksins eigi að segja af sér. Heimildirnar eru útlendir fjölmiðlar. Sem eins og allir vita eru sérfróðir um íslensk stjórnmál enda kunna þeir útlensku íslensku upp á sína tíu fingur.

Bogi Ágústsson er búinn að vera á RÚV síðan elstu menn muna. Hann segist uppgefinn á að útskýra fyrir erlendumm fjölmiðlamönnum íslensk stjórnmál. Sennilega vísar Bogi erlendum fjölmiðlamönnum á Smára Pírata og Sóleyju Tómasdóttir. Og svo flytur RÚV okkur fagnaðarerindið frá erlendu pressunni. Á RÚV kunna menn að hanna samhengi utan um sekt. Spyrjið bara veitingamannin á Sjanghæ á Akureyri.

 

 

 

 

 

Athugasemdir

[Jón Valur Jensson, 17.9.2017 kl. 13:44]

Fréttastofa Rúv gekk rösklega að verki að "kynna" okkur margítrekað "sjónarmið marktækra sérfræðinga", erlendra sem innlendra, sem og ESB-manna, að Íslendingum bæri að borga Icesave-reikninga einkabankans.

Fréttastofa Rúv gleymir því iðulega að hún er á ríkisútvarpi, í eigu þjóðarinnar og á að starfa með þjóðarhag ofar í huga heldur en hagsmuni erlendra kröfugerðarmanna, nú sem fyrr, gegn ríkissjóði Íslands.

Sá dagur mun koma, að ný stjórnvöld hér komi skikk á brot Rúvara á hlutleysisreglum. Og því miður tekur Bogi, gamall skólabróðir minn, þátt í þessu.

[Heimir Lárusson Fjeldsted, 17.9.2017 kl. 15:44]

Kaldar kveðjur frá Sóleyju til okkar KR-inga.

[Ragnhildur Kolka, 17.9.2017 kl. 16:46]

Fimmta herdeildin á RÚV á sína tryggu stuðningsmenn.