Monty, Dagur og einfaldleiki sigra

Liðin eru 73 ár frá innrásinni í Normandí, þegar herir bandamanna lögðu til atlögu við meginland Evrópu undir stjórn Hitler. Breski marskálkurinn Bernard Montgomery útfærði innrásina, sem var undir yfirstjórn Dwight Eisenhower.

D-dagurinn 6. júní 1944 fól í sér innrás 160 þúsund hermanna á strönd Frakklands. Flókið verk er að hleypa slíku fyrirtæki af stokkunum. En leiðin til árangurs er að koma auga á einfaldleikann í flækjunni. Hernaðaráætlun Monty komst fyrir á einu blaði þar sem stóð neðst í hægra horni: lykilatriði er einfaldleiki.

Dagur Sigurðsson gerði, öllum að óvörum, Þýskaland að Evrópumeisturum í handbolta fyrir rúmu ári. Skipulag Dags í úrslitaleiknum er á einu blaði. Meginskilaboðin voru þau sömu og hjá Monty: höfum þetta einfalt.

Til að finna einföldu leiðina til sigurs þarf innsýn í flókin ferli og ekki síst vandaðan undirbúning. Dagur og Monty kunnu til verka. Heiður sé þeim.

 

Athugasemdir

[Kristján Jón Sveinbjörnsson, 5.7.2017 kl. 09:08]

6.juni ertu ekki kennari?

[Páll Vilhjálmsson, 5.7.2017 kl. 12:04]

Jú, og D-dagurinn var 6. júní.
Takk fyrir leiðréttinguna.