Oflaunaðir læknar - spurning að leggja Landsspítala niður

Læknar á Íslandi eru oflaunaðir í skjóli ríkiseinokunar á lækningum. Hjá læknum er áhugi að auka pilsfaldakapítalisma þar sem ríkið borgar raunlækningar sem og oflækningar. Slíkt fyrirkomulag er bæði sóun og spilling.

Í stað pilsfaldakapítalisma ætti að taka umræðu um að leggja niður opinberan sjúkrahúsrekstur og láta læknamarkaðinn um að veita þjónustuna.

Um 10 prósent af þjóðarframleiðslu fer í heilbrigðismál. Hægt væri að lækka skatta á almenning og láta frjálsum félagasamtökum um að sinna eftirspurninni, bæði þeirri sem snýr að raunlækningum og oflækningum.

Stefnumótun til 10-15 ára um að afbyggja núverandi fyrirkomulag og þróa nýtt er eðlilegur tími. En við skulum byrja umræðuna á öðru en pilsfaldakapítalisma gráðugra lækna og einkafyrirtækja, sem hugsa um það eitt að mjólka sjóði almennings.

Bestu launin hér á landi

Athugasemdir

[Gunnar Rögnvaldsson, 21.5.2017 kl. 14:33]

Íslenskir læknar voru þegar orðnir þeir hæst launuðu í 32 löndum samkvæmt rannsókn OECD árið 2007. Hærra launaðir en bandarískir kollegar þeirra, sem þess utan taka áhættu í rekstri. Hæst launaðir miðað við mið-laun í landinu. Og íslenskir læknar taka enga áhættu því ríkið tekur hana fyrir þá (skattgreiðendur). Þetta er að verða farsi.

Kveðjur

[Jóhann Kristinsson, 21.5.2017 kl. 17:56]

Sammála að það eigi að hætta með ríkisrekna heilbrigðisþjónustu, en veit ekki mikið um laun lækna á Íslandi.

En ég hef aldrei öfundað aðra sem eru með meiri tekjur en ég og auðvitað á ekki að draga fólk niður í tekjum, heldur eiga þeir sem eru að öfundast út í tekjur annara að koma sínum tekjum hærri.

Með frjálst heilbrigðiskerfi þá er það framboð og eftirspurn sem koma til með að ákveða laun lækna.

Kveðja frá Houston

[Jón Þórhallsson, 21.5.2017 kl. 18:38]

Besta leiðin væri að láta alla lækna bjóða í sín störf eins og þegar smiðir bjóða í verk.

=Að allir umsækjendur um nýjar stöður skili inn tilboðum í lokuðum umslögum    til Landlæknis:

Hvað myndu skurðlæknar t.d. vilja fá mikið í laun fyrir að vinna frá 8-16 alla virka daga í 4 ár?

Þannig kæmist á jafnvægi á milli framboðs og eftirspurnar í þessum málum.