ESB-sinnar berjast fyrir málfrelsi sínu

Umræðan um ESB aðild Íslands er komin á það stig að ESB-sinnar eru í vörn fyrir málfrelsi sínu. Ekki vegna þess að neinn banni þeim umræðuna, orðið er frjáls bæði á alþingi og í samfélaginu.

Heldur vegna þess að málefnaleg staða þeirra sem vilja Ísland í Evrópusambandið er svo gjörtöpuð að þeir hafa ekkert fram að færa. Tvær ástæður eru fyrir vonlausri stöðu málstaðarins.

Í fyrsta lagi sýndi reynslan eftir hrun að Ísland komst úr kreppunni með fullveldið og krónuna að vopni. Í öðru lagi er Evrópusambandið í djúpri tilvistarkreppu. Mörg ár, ef ekki áratugir, líða áður en ljóst verður hvort og hvernig ESB lifir af tilvistarkreppuna.

Á meðan er betra að tala um eitthvað annað en ESB. Til dæmis um málfrelsi, - sem meðal annars er hægt að nota til að játa mistök.

Hafa málfrelsi í Evrópumálum

Athugasemdir

[Ómar Ragnarsson, 8.3.2017 kl. 10:33]

Þetta er nýtt: Í stað þess að ESB sé að deyja nánast á morgun, stendur hér að það muni "taka ár ef ekki áratugi." 

[Jón Frímann Jónsson, 8.3.2017 kl. 10:54]

Það eru ætíð andstæðingar ESB vilja þagga niður í öllum sem ekki eru þeim sammála. Kemur lítið á óvart, enda talsvert einræðishyggja og aðdáun hjá hjá andstæðingum Evrópusambandsins. Enda margir hverjir af þeim leynt og ljóst ekkert nema fasistar með alræðiscomplexa á háu stigi.

[Ragnhildur Kolka, 8.3.2017 kl. 16:33]

Jón Frímann ég var nú að vona að ESB hefði gleypt þig með húð og hári, en sé að sambandið er að spýta út hratinu. Bendi þér bara á að andstæðingar hafa ekkert reynt að ÞAGGA niður í ESB-sinnum. Það gerist bara sjálfkrafa þegar ESB rökin halda engu vatni og útkoman er upphrópanir um fasista eins og þú Telur við hæfi.

[Hrossabrestur, 8.3.2017 kl. 18:59]

Já Ragnhildur það er vandinn við allar andskotans óværur að þegar við höldum að við séum lausar við þær fyrir fullt og allt þá skjóta þær oftar en ekki upp kollinum á nýjan leik öllum til ama.

kv.