CIA: drepum Rússa - hatur frjálslyndra

Rússahatur er fyrsta boðorð frjálslyndra demókrata undir forystu Obama fráfarandi forseta og Hillary Clinton forsetaframbjóðanda. Frjálslyndir í Evrópu eru margir sömu skoðunar. Ástæðan er í meginatriðum tvíþætt.

Í fyrsta lagi þjónar Rússahatur þeim tilgangi að sameina pólitísk öfl sem standa höllum fæti. Frjálslyndir ESB-sinnar töpuðu í Brexit. ESB rekur sérstaka deild til að útmála Rússa sem óvin. Sigur Trump í Bandaríkjunum var ósigur frjálslyndra. Með því að kenna Rússum um ósigurinn er athyglinni beint frá raunverulegum ástæðum fyrir tapinu, sem er að almenningur gafst upp á alþjóðahyggju frjálslyndra.

Í öðru lagi standa Rússar gegn þeirri áráttu frjálslyndra að umskapa heiminn í anda vestrænna lífshátta. Bandaríkin reyndu að umskapa Írak með innrás 2003 og í framhaldi með afskiptum af borgarastyrjöldinni í Sýrlandi og í Líbýu. Rússar eru bandamenn stjórnvalda í Sýrlandi til áratuga og stóðu með Assad forseta gegn hagsmunum Bandaríkjanna.

Í nýrri útgáfu New Yorker, sem er frjálslynt tímarit, er enn ein greinin sem réttlætir Rússahatrið. Blaðamaðurinn Glenn Greenwald fer í gegnum greinina og lýsir blæbrigðum Rússahaturs frjálslyndra.

Greenwald birtir stutta ræmu úr viðtali við forstjóra leyniþjónustunnar CIA í tíð Obama forseta. Forstjórinn, Mike Morell, segir blátt áfram að nauðsynlegt sé að drepa Rússa, láta þá blæða.

Viðtalið er tekið í kosningabaráttu Trump og Clinton. Þegar forstjóri CIA segir opinberlega að nauðsyn sé að drepa Rússa, láta þá finna til tevatnsins, er augljóst að Rússahatrið er samofið stofnanaveldi Bandaríkjanna. Og það veit ekki á gott í samskiptum kjarnorkuvelda.

Ber fullt traust til Sessions

Athugasemdir

[Jónas Gunnlaugsson, 3.3.2017 kl. 07:58]

Það er spurning hvort rétt er að kalla þessi öfl frjálslind?

Demokratarnir voru flokkur þrælahaldarana í Suðurríkjum á sínum tíma.

Nasistar, National Socialism

Kommar, Socialism

Socialism

Misnotkun á orðum, má reyndar ekki sverta, gera orðið ónothæft.

http://jonasg-egi.blog.is/blog/jonasg-egi/entry/2190590/

 

 Þegar Pútin rak BANKSTERANA frá Rússlandi, fóru þeir á fullt í að hegna Rússum. Banksterarnir, steyptu stjórn Úkrainu, og neyddu Rússa til að innlima Krímskagann.

Gangi þér allt í haginn.

Egilsstaðir, 03.03.2017  Jónas Gunnlaugsson